Şirvan 2011-ci ildə uğurlu makroiqtisadi göstəricilərə imza atıb

Şəhər iqtisadiyyatının əksər sahələrində artım meyilləri davam edib

Tarixə çevrilmiş 2011-ci ildə Şirvan şəhəri üçün bir sıra mühüm uğurlarla yadda qalıb. Ötən il şəhərdə iqtisadiyyatın bütün sahələri üzrə göstəricilər diqqətçəkən olub. 2011-ci ilin yanvar-noyabr aylarında iqtisadiyyatın əsas sahələrində istehsal olunmuş və xidmətlərin həcmi əvvəlki ilə nisbətən faktiki qiymətlərlə 26.1 faiz artaraq 329221.9 min manat olub. İstehsal sahələrində məhsul və xidmətlərin həcminin əsas hissəsi, 273040.4 min manatı və ya 82.9 faizi sənaye məhsulunun payına düşüb. Digər sahələrin ümumi məhsulda payı 17.1 faiz olub.

Ümumi məhsul buraxılışında xüsusi çəkiyə malik sənaye sahələrində 273040.4 min manatlıq məhsul istehsal olunub və bu da keçən ilin müvafiq dövrü ilə müqayisədə sabit qiymətlərlə 97.1 faiz təşkil edib. Məhsulun 66.7 faizi mədənçıxarma sənayesində, 12.2 faizi emal bölməsində, 20.6 faizi elektrik enerjisi, qaz, buxar və kondisiyalaşdırılmış hava ilə təchizat bölməsində, 0.5 faizi isə su təchizatı, çirkli suların və tullantıların təmizlənməsi bölməsində istehsal edilib. 2010-cu ilin yanvar-noyabr ayları ilə müqayisədə məhsul istehsalı emal bölməsində sabit qiymətlərlə 9.6 faiz artma, mədənçıxarma bölməsində isə 6.1 faiz, elektrik enerjisi, qaz, buxar və kondisiyalaşdırılmış hava ilə təchizat 3.5 faiz, çirkli suların və tullantıların təmizlənməsi bölməsində 0.5 faiz azalma müşahidə olunub.

İlin əvvəlindən keçən vaxt ərzində sənaye sahələrində istehsal olunmuş məhsulun 30.3 faizi və ya 82830.0 min manatı dövlət və 69.7 faizi və ya 190210.4 min manatı isə qeyri-dövlət müəssisə və təşkilatları tərəfindən istehsal edilib. 2011-ci ilin yanvar-noyabr aylarında tikinti müəssisələri tərəfindən yerinə yetirilmiş tikinti işlərinin həcmi 14114.3 min manat təşkil edib və bu da 2010-cu ilin ilin eyni dövrünün müvafiq göstəricisindən 2.4 dəfə çoxdur.

Görülmüş işlərin 5427.0 min manatını və ya 38.5 faizini yeni tikinti, yenidənqurma, genişləndirmə, texniki vasitələrin yenidən təchiz edilməsi işləri, 5249.3 min manatını və ya 37.2 faizini əsaslı təmir, 2902.0 min manatını və ya 20.6 faizini cari təmir işləri, 536.0 min manatını və ya 3.8 faizini isə sair işlər təşkil edib.

Əhalinin şəxsi vəsaiti hesabına görülən tikinti işlərinin həcmi qeyd olunan dövrdə 2648.0 min manat təşkil edib. İstifadəyə verilmiş fərdi yaşayış evlərinin ümumi sahəsi 34966.0 kv.m, yaşayış sahəsi isə 19074.0 kv.m olub. 2011-ci ilin yanvar-noyabr aylarında istifadəyə verilmiş əsas fondların dəyəri 3433.0 min manat təşkil edib və onun da 785.0 min manatı və ya 22.9 faizi istehsal təyinatlıdır. Əsas kapitala yönəldilən investisiyalar isə 14034.2 min manat həcmində olub və bu da ötən ilin müvafiq dövrünün göstəricisi ilə müqayisədə 74.4 faiz təşkil edir.

Qeyd olunan dövrdə nəqliyyat müəssisələri və avtomobil nəqliyyatı sahəsində fəaliyyət göstərən hüquqi və fiziki şəxslər tərəfindən 320.2 min ton, yaxud keçən ilin müvafiq dövrünə nisbətən 8.3 faiz çox yük, 18816.2 min nəfər və ya 10.1 faiz çox sərnişin daşınıb. Yüklər və sərnişinlər bilavasitə avtomobil nəqliyyatı ilə daşınıb.

Rabitə müəssisələri əhaliyə, müəssisə və təşkilatlara faktiki qiymətlərlə 696.0 min manat dəyərində və ya ötən ilin müvafiq dövrü ilə müqayisədə 4.8 faiz çox rabitə xidməti göstərib. Xidmətlərin 548.5 min manatı bilavasitə əhali ilə bağlı olub və əldə edilmiş gəlir bütövlükdə dövlət sektorunun payına düşüb. Şəhərdə hər 100 ailənin sərəncamında 58 statsionar və hər 100 nəfərin sərəncamında 97.4 mobil telefon nömrəsi vardır.

2011-ci ilin yanvar-noyabr aylarında pərakəndə əmtəə dövriyyəsi 2010-cu ilin müvafiq dövrü ilə müqayisədə 11.1 faiz artaraq 112177.4 min manat, pullu xidmətlərin həcmi 7.5 faiz artaraq 26147.0 min manat təşkil edib. Realizə olunmuş əmtəələrin 63.0 faizini ərzaq malları, 37.0 faizini isə qeyri-ərzaq malları təşkil edib. Və onların satışı müvafiq olaraq 11.9 və 4.5 faiz artıb.

Şirvan şəhərində bir işçiyə hesablanmış orta aylıq əməkhaqqı 330.3 manat olmaqla, əvvəlki ilin uyğun dövrü ilə müqayisədə 12.9 faiz artıb. Yüksək orta aylıq əməkhaqqı mədənçıxarma sənayesində, elektrik enerjisi, qaz, buxar və kondisiyalaşdırılmış hava ilə təchizat bölməsində olub.

01.12.2011-ci il tarixə şəhərdə rəsmi işsiz statusu ilə qeydiyyata alınanların sayı 723 nəfər olmaqla, müavinətin orta aylıq məbləği 175.0 manat təşkil edib. 2011-ci ilin yanvar-noyabr aylarında məşğulluq xidməti orqanlarında rəsmi işsiz statusu alan şəxslərin sayı 82 nəfər, müavinətin orta məbləği isə 175.0 manat təşkil edib.

Şirvan şəhərinin sənayesi əsasən neft hasilatı və elektrik enerjisi istehsalından ibarətdir. 2011-ci ilin yanvar-noyabr ayları ərzində şəhər sənayesində fiziki şəxs kimi fəaliyyət göstərən fərdi sahibkarların işi də nəzərə alınmaqla 273040.4 min manatlıq və ya 2010-cu ilin müvafiq dövrü ilə sabit qiymətlərlə müqayisədə 97.1 faiz təşkil etməklə, məhsul istehsal edilib, xidmətlər göstərilib.

2010-cu ilin müvafiq dövrünə nisbətən sabit qiymətlərlə istehsalın emal bölməsində 9.6 faiz artma, mədənçıxarma bölməsində 6.1 faiz, elektrik enerjisi, qaz, buxar və kondisiyalaşdırılmış hava ilə təchizatı bölməsində 3.5 faiz, su təchizatı, çirkli suların və tullantıların təmizlənməsi bölməsində 0.5 faiz azalma müşahidə olunub.

Sənaye istehsalının 92.3 faizi malların, 7.7 faizi və ya 20973.5 min manatı xidmətlərin payına düşüb. 2011-ci ilin yanvar-noyabr ayları ərzində sənaye sahələrində istehsal olunmuş məhsulun 30.3 faizi və ya 82830.0 min manatı dövlət, 69.7 faizi və ya 190210.4 min manatı qeyri-dövlət müəssisələri tərəfindən istehsal edilib.

Sənaye məhsulunun (işlər, xidmətlər) istehsalında 66.7 faiz xüsusi çəkiyə malik olan mədənçıxarma bölməsində məhsul buraxılışı və sənaye xidmətlərinin göstərilməsi 6.1 faiz, 20.6 faiz xüsusi çəkiyə malik olan elektrik enerjisi, qaz, buxar və kondisiyalaşdırılmış hava ilə təchizatı bölməsində 3.5 faiz, 0.5 faiz xüsusi çəkiyə malik olan su təchizatı, çirkli suların və tullantıların təmizlənməsi bölməsində isə 0.5 faiz azalma, 12.2 faizlik xüsusi çəkiyə malik emal bölməsində isə 9.6 faiz artım müşahidə olunub.

Sənaye məhsulu istehlakçıları üçün yüklənmiş malların və göstərilmiş xidmətlərin həcmi 271906.1 min manat və ya ümumi məhsul istehsalının 99.6 faizini təşkil edib. 2011-ci il dekabr ayının 1-nə sənaye müəssisələrin anbarlarında 2917.1 min manatlıq və ya noyabr ayının 1-i vəziyyəti ilə müqayisədə 821.1 min manat çox hazır məhsul qalığı olub. Ehtiyatların 37.2 faizi dövlət sektorunun, 62.8 faizi isə qeyri-dövlət sektorunun payına düşüb.

Mədənçıxarma sənayesində istehsalın həcmi əvvəlki ilin müvafiq dövrü ilə müqayisədə sabit qiymətlərlə 6.1 faiz azalıb. 2011-ci ilin yanvar-noyabr aylarında sənayedə məşğul olanların 44.5 faizi mədənçıxarma sənayesinin işçisi olub. Bu sahədə işləyən 2178 nəfər Azərbaycan vətəndaşının və xarici mütəxəssisin orta aylıq əməkhaqqı sıəvvəlki ilin müvafiq ayına nisbətən 4.3 faiz artaraq 782.6 manat təşkil edib.

Elektrik enerjisi, qaz, buxar və kondisiyalaşdirilmiş hava ilə təchizatı bölməsində əvvəlki ilin müvafiq dövrü ilə müqayisədə istehsalın həcmi 3.5 faiz azalma müşahidə olunub. Elektrik enerjisi bütövlükdə istilik elektrik stansiyasında hasil olunub.

2011-ci ilin yanvar-noyabr aylarında bu sahələrdə 1022 nəfər çalışıb, onların orta aylıq əməkhaqqı əvvəlki ilin müvafiq dövrünə nisbətən 26.0 faiz artaraq 414.2 manat təşkil edib. Su təchizatı, çirkli suların və tullantıların təmizlənməsi bölməsində əvvəlki ilin müvafiq dövrü ilə müqayisədə istehsalın həcmi 0.5 faiz azalma müşahidə olunub. 2011-ci ilin yanvar-noyabr aylarında bu sahələrdə 374 nəfər çalışıb, onların orta aylıq əmək haqqı 138.4 manat təşkil edib. Emal bölməsində əvvəlki ilin müvafiq dövrü ilə müqayisədə istehsalın həcmi 9.6 faiz artıb.

2011-ci ilin noyabr ayında bu sahələrdə 1319 nəfər və yaxud əvvəlki ilin müvafiq dövrü ilə müqayisədə 162 nəfər və ya 14.0 faiz çox işçi işləyib, onların orta aylıq əməkhaqqı 26.1 faiz artaraq 272.7 manat təşkil edib. Emal sənayesində əməkhaqqının ən yüksək səviyyəsi toxuculuq, kompyuter, optik və elektroavadanlıqların istehsalı və digər sahələr olub.

2011-ci ilin noyabr ayında sənaye sahəsində işçilərin sayı 4893 nəfər təşkil etməklə əvvəlki ilin müvafiq dövrünün səviyyəsindən 1.5 faiz çox olub. Dövlət müəssisələrdə çalışan işçilərin sayı 0.3 faiz azalaraq 1989 nəfər və qeyri-dövlət müəssisələrində işləyənlərin sayı 2.7 faiz artaraq 2904 nəfər olub. Çalışan muzdlu işçilərin orta aylıq nominal əməkhaqqı 523.8 manata çatıb və əvvəlki ilin müvafiq dövrü ilə müqayisədə 7.1 faiz artıb. Orta aylıq əməkhaqqı dövlət sektorunda 28.0 faiz artaraq 325.0 manat, qeyri-dövlət sektorunda isə 2.3 faiz artaraq 665.8 manat təşkil edib.

(ardı var)

Tərlan Nəsirli,

Bakı-Şirvan-Bakı

Mövqe.- 2012.- 4 fevral.- S.10