Hacıqabul rayonu ötən ili uğurlarla başa vurub

Regionların sosial-iqtisadi inkişafı tədbirlərinin məntiqi nəticəsi olaraq Hacıqabul rayonu 2011-ci ilin ötən 9 ayında da mühüm nailiyyətlərə imza atıb. Hesabat dövründə rayonda abadlıq-quruculuq tədbirləri uğurla davam etdirilib. İlin 9 ayı ərzində rayon üzrə məhsul buraxılışının həcmi 113,0 milyon manat, sənaye məhsulunun həcmi isə 2,2 milyon manat təşkil edib. 2010-cu ilin müvafiq dövrünə nisbətən ümumi məhsul buraxılışı 12,2 faiz, sənaye məhsulunun həcmi 35,4 faiz artıb.

Əhaliyə göstərilən pullu xidmətlərin həcmi keçən ilin müvafiq dövrü ilə müqayisədə 23,1 faiz artaraq 10317,7 min manata çatıb. Poçt və rabitə xidmətlərinin həcmi 239,8 min manat təşkil edib və bu da ötən ilin eyni dövrü ilə müqayisədə 11,7 faiz çoxdur. Pərakəndə əmtəə dövriyyəsi 88098,8 min manat, yəni 2010-cu ilin müvafiq dövründən 26,3 faiz çox olub.

Avtomobil nəqliyyatı ilə yük daşınması keçən ilin müvafiq dövrü ilə müqayisədə 12 min ton artaraq 153 min ton, sərnişin daşınmasında isə 315 min nəfər artaraq 2773 min nəfər təşkil edib. Ötən il də rayon iqtisadiyyatının əsasını kənd təsərrüfatı təşkil edib. Rayonda aqrar islahatların uğurla həyata keçirilməsi kənd təsərrüfatının dinamik inkişaf etdirilməsinə, bu sahədə qazanılan uğurları ilbəil artırmağa zəmin yaradır.

Hacıqabul rayonunda kənd təsərrüfatı məhsulları istehsal edən kəndli fermer təsərrüfatlarının, xidmət təşkilatlarının gərgin əməyi sahəsində rayonda istehsal olunan kənd təsərrüfatı məhsullarının həcmi 2010-cu ilin müvafiq dövrü ilə müqayisədə xeyli artıb. 2011-ci ilin məhsulu üçün 11500 hektar sahədə taxıl əkilib və bu da ötən ilin müvafiq dövrü ilə müqayisədə 2349 hektar artıqdır. Taxıl əkininin 6150 hektarını buğda, 5350 hektarını arpa əkini təşkil edir. 11500 hektar taxıl sahəsindən 34148 ton məhsul əldə edilib və bu da ötən ilin müvafiq dövrü ilə müqayisədə 7338 ton çoxdur. İstehsal olunmuş taxılın 21094 tonunu buğda, 13054 tonunu arpa təşkil edir.

2011-ci ildə 1617 hektar sahədə bostan, 727 sahədə tərəvəz, 200 hektar sahədə pambıq, 72 hektar sahədə günəbaxan, 59 hektar sahədə qarğıdalı, 285 hektar sahədə yonca əkilib. Keçən ilin müvafiq dövrünə nisbətən müvafiq olaraq 4 hektar tərəvəz, 3 hektar bostan, 170 hektar pambıq, 1 hektar günəbaxan, 1 hektar qarğıdalı, 5 hektar yonca sahəsi çox əkilib. 2011-ci ildə kənd əməkçilərinin pambıq əkininə marağı xeyli dərəcədə artıb.

2011-ci ilin 9 ayında meyvə və tərəvəzçilikdə də müəyyən irəliləyişlər olub. Bu dövrdə 18930 ton tərəvəz və 8400 ton meyvə istehsal olunub. Ötən ilin müvafiq dövrü ilə müqayisədə tərəvəz istehsalı 5390 ton, meyvə istehsalı isə 2810 ton çox olub. İlk dəfə olaraq 25 hektar sahədə kartof əkilib, 273 ton məhsul istehsal olunub. Rayonda heyvandarlıq məhsullarının istehsalında da nəzərəçarpacaq artım qeydə alınıb. İlin 9 ayı ərzində süd istehsalı 10919 ton, ət istehsalı 3790 ton, yun istehsalı isə 216 ton olub. 2010-cu ilin ötən 9 ayı ilə müqayisədə müvafiq olaraq 885 ton süd, 290 ton ət, 10 ton yun çox istehsal olunub. Hesabat dövründə yumurta istehsalı 71,0 milyon ədəd olub. Rayon üzrə iribuynuzlu heyvanların baş sayı bu ilin 9 ayı ərzində 36311 baş, xırda buynuzluların sayı isə 129550 baş olub. Və bu da 2010-cu ilin eyni dövrü ilə müqayisədə 1721 və 5350 baş çoxdur. Cənab İlham Əliyevin "Kənd təsərrüfatı məhsulları istehsalçılarına dövlət dəstəyi haqqında" sərəncamının icrası ilə bağlı Hacıqabul Rayon İcra Hakimiyyəti müvafiq tədbirlər görüb. Kənd təsərrüfatı istehsalçılarına əkin sahələrinin becərilməsində istifadə etdikləri yanacaq və motor yağlarına görə dövlət büdcəsinin vəsaiti hesabına yardımlar verilib. Həmçinin torpaq mülkiyyətçilərinə güzəştli qiymətlərlə mineral gübrələrin satışı təşkil olunub.

"Aqrolizinq" vasitəsilə 2011-ci ilin 9 ayı ərzində kənd əməkçilərinə 50 faiz güzəştli qiymətlə 66,5 ton azot satılıb. Rayonda fiziki və hüquqi şəxslərə hər hektar əkin sahəsinin, çoxillik əkmələrin becərilməsinə görə 2011-ci ilin 9 ayı ərzində 2283 nəfərə 515,023 manat dövlət yardımı edilib.

"2009-2013-cü illəri əhatə edən regionların sosial-iqtisadi inkişafı Dövlət Proqramı"na əsasən Ağsu rayonu ərazisindən başlayan və rayonun Padar, Qarasu, Muğan yaşayış məntəqələrini keçərək 55 kilometrlik Baş Şirvan kanalının çəkilişi və Pirsaat çayı üzərində yerləşən su anbarının lildən təmizlənməsi işi 2011-ci ilin ilin 9 ayı ərzində də davam etdirilib.

Hesabat dövründə Bakı şəhərində təşkil olunmuş kənd təsərrüfatı məhsullarının satış yarmarkasında rayon sahibkarları da yaxından iştirak edirlər. Təkcə bu ilin 9 ayı ərzində həmin təsərrüfatlardan Bakı əhalisinə 3,9 ton mal əti, 1,6 milyon ədəd yumurta, 12,4 ton meyvə, 13 ton toyuq əti, 19 ton bostan tərəvəz məhsulları satışı təşkil olunub.

2011-ci ilin 9 ayında rayonda 8 tikinti təşkilatı fəaliyyət göstərib. Bu müddətdə tikinti təşkilatları öz gücü ilə 386,5 min manatlıq iş görüblər. Tikintidə işləyənlərin sayı 114 nəfərə çatıb. Bundan başqa, 2011-ci ilin yanvar-sentyabr aylarında rayonda bütün maliyyə mənbələri hesabına 9172,4 min manatlıq əsas fondlar istifadəyə verilib. İqtisadiyyatın və sosial sahələrin inkişafına, əsas kapitala 24461,3 min manatlıq investisiyalar yönəldilib. İnvestisiyaların 96,4 faizi tikinti və quraşdırma işlərində istifadə olunub. Ümumi investisiyanın 80,1 faizi istehsal təyinatlı sahələrə yönəldilib. 2011-ci ildə adambaşına düşən investisiyanın həcmi 359,6 manat olub. Hesabat dövründə rayonda tikinti, quruculuq, abadlıq və yaşıllaşdırma işləri davam etdirilib.

Hesabat dövründə Şəhidlər Xiyabanında abidə memorial kompleksi 40 sm qalınlıqda 40 kvadratmetr 40 sm qalınlığında, 76 kvadratmetr tumbalarla hörülməsi, 133 kvadratmetr divarın sement məhlulu ilə suvanması, emulsiya məhlulu ilə rənglənməsi, 100 kvadratmetr qranit tavalarla üzlənməsi, 20 kvadratmetr beton səki daşlarının quraşdırılması nəticəsində istifadəyə verilib. Kompleksin giriş hissəsinə 185 kvadratmetr qum-çınqıl qarışığından əsas qoyulub və 1223 kvadratmetr sahəyə asfalt-beton örtüyü vurulub. Şəhərin Heydər Əliyev, İ.Qayıbov küçələrinə ümumilikdə 40 sm qalınlıqda, ümumilikdə 1960 kvadratmetr divar hörülüb.

Bundan əlavə, şəhərin Dədə-Qorqud, A.Şaiq, Savalan, Ə.Şıxlinski, Şəhriyar, S.Almazov, V.Talıbov, M.Füzuli, Ş.İ.Xətai, C.Cabbarlı, Xəqani, S.Vurğun, küçələrinə, Şəhidlər Xiyabanına, daxili küçələri birləşdirən avtomobil yoluna, 8 saylı məktəbə gedən yola 130 kubmetr qum-çınqıl qarışığından, 41738 kvadratmetr sahəyə asfalt-beton örtüyündən əsas qoyulub, 610 ton asfalt-beton örtüyündən hamarlayıcı qat verilib. Heydər Əliyev, İ.Qayıbov, M.Əsədov küçələrinə paralel piyadaların hərəkəti üçün səkilər və asfalt-beton örtüyü sökülərək, ümumilikdə 6350 kvadratmetr tamet tavalar döşənib. Dədə Qorqud parkında aparılan yenidənqurma işlərində kadratmetr divar, 28 kvadratmetr güldanlar mişar daşından hörülüb. Parkda 350 kadratmetr divar ağ lay daşı ilə üzlənib, 14 ədəd polad işıq dirəkləri quraşdırılıb. Əraziyə 385 metr məsafədə polietilen borudan keçirilməklə kabel, 236 metr plastik borudan isə su xətti çəkilib. 20 ədəd su çiləyicilərinin və 26 ədəd su kranlarının quraşdırılması ilə yanaşı, 1 ədəd fəvvarə də quraşdırılıb.

Rayonda tikinti-quraşdırma işləri nəticəsində Polis Şöbəsinin, Bəyannamələrin qəbulu üçün Vergi Terminalının inzibati binası, Meyniman kənd tibb məntəqəsi, Navahı polis məntəqəsi, Daxili Qoşunların əməkdaşları üçün 68 mənzilli yataqxana binası, 2000 tonluq soyuducu anbar istismara qəbul olunaraq istifadəyə verilib. İşlərin davamı olaraq, Rayon Statistika İdarəsinin, Fövqəladə Hallar Nazirliyinin Yanğından Mühafizə İdarəsinin inzibati binasında işlər başa çatmaq üzrədir.

2011-ci ilin 9 ayı ərzində Hacıqabul Elektrik Şəbəkəsinin xidməti ərazisində - 35 kv-luq Udullu-Muğan hava xəttində və 35 kv-luq Axtaçı hava xəttində 4 ədəd travers, 540 metr məftil və 8 ədəd dayaq dəyişdirilib. 35 kv-luq Atbulaq hava xəttində 1 ədəd dayaq dəyişdirilib, 1400 metr naqil quraşdırılaraq elektrik verici xətlər bərpa edilib. 10 kv-luq Ələtli hava xəttində 1 ədəd vakuum açarı və yağ açarında 2 ədəd cərəyan transformatoru yenisi ilə əvəz olunub. 10 kv-luq Cəngən hava xəttində və 10 kv-luq Şorbaçı hava xəttində yağ açarları cari təmir olunub. 6 kv-luq PQ-13 hava xəttində 250 kva transformatorun yüksək tərəfində açar yenisi ilə əvəz olunub. Hacıqabul REŞ-nin balansında olan 75 ədəd 10/04 kv-luq güc transformatorları cari, 32 ədədi isə əsaslı təmir edilib. 29 ədəd transformator isə "Şirvan REŞ" MMC-nin təmir sexinə göndərilərək təmir olunub, yerində quraşdırılıb və həmin transformatorlara 800 litr transformator yağı əlavə edilib. Qarasu kəndində fərdi əhali üçün yeni 10 kv-lu EVX çəkilərək 1 ədəd 100 kv-luq transformator quraşdırılıb. 10 kv-luq Padar hava xəttində 0,5 km uzunluqda məftil yenisi ilə əvəz edilib. Şəbəkənin xidməti ərazisində olan 15,3 km uzunluqda 6/10 kv-luq elektrik verici xətlər dartılıb və təmir qrafikinə əsasən nəzərdə tutulmuş təmir işləri yerinə yetirilib.

2011-ci ilin 9 ayı ərzində 199 yeni abonentə "SMART" kart tipli elektrik sayğacı quraşdırılıb. Rayonun Rəncbər, Udullu, Abdulabad, Atbulaq, Navahı, Talış Meyniman, Qubalıbaloğlan kəndlərində, Muğan və Padar qəsəbələrində isə yanmış və sıradan çıxmış sayğaclar yenisi ilə əvəz olunaraq 522 ədəd 1 fazalı, 15 ədəd isə 3 fazalı elektrik sayğacı quraşdırılıb.

(ardı var)

Tərlan Nəsirli

Bakı-Hacıqabul-Bakı

Mövqe.- 2012.- 26 yanvar.- S. 10.