Ceyhun Hacıbəylinin anadan
olmasının 125 illiyinə həsr olunmuş
tədbir keçiriləcək
Fevralın 3-də Azərbaycan Musiqi Mədəniyyəti Dövlət Muzeyində
ədəbiyyatımızın tanınmış nümayəndəsi,
yazıçı-publisist, tərcüməçi, naşir və ictimai xadim Ceyhun Hacıbəylinin
anadan olmasının 125 illiyinə həsr
olunmuş tədbir keçiriləcək.
Movqe.az AZƏRTAC-a istinadən bildirir ki, tədbirdə tarixçi və tədqiqatçıların
Ceyhun Hacıbəyli şəxsiyyəti
və irsi barədə
çıxışları nəzərdə tutulub.
Həmçinin Ceyhun Hacıbəyliyə
həsr olunmuş, muzeyin
arxiv materialları əsasında
hazırlanmış slayd təqdim ediləcək
və fotosərgi nümayiş olunacaq. Tədbirin bədii hissəsində
Hacıbəyovlar nəslinin görkəmli nümayəndələri
Üzeyir Hacıbəylinin, Zülfüqar Hacıbəyovun, Niyazinin və Soltan
Hacıbəyovun əsərlərindən ibarət musiqi nömrələri səsləndiriləcək.
Mövqe.- 2016.- 2 fevral.- S.5