Azərbaycan Tarixi Muzeyi qiymətli eksponatlar əldə edib

 

Bu yaxınlarda Milli Azərbaycan Tarixi Muzeyi tarixi əhəmiyyətə malik milli zərgərlik məmulatı olan Sinəbənd, Rusiya məmulatı olan ətir qabı və Avropa dövlətlərinə məxsus olan qadın əl çantası əldə edib. AMEA-dan Movqe.az-a verilən xəbərə görə, qiymətli materialların XIX əsrin sonu, XX əsrin əvvəllərinə aid olduğu müəyyənləşdirilib.Bildirilib ki, qızıl suyuna salınmış gümüş Sinəbənd şəbəkə işləmədir. Sinəbəndin mərkəzi ikiqat şəbəkəlidir, gül təsvirli lövhəyə rəngli qaşları olan ay-ulduz, üzərinə isə mirvari ilə bəzədilmiş balıq asmalar düzülüb.Qeyd olunub ki, Rusiyaya məxsus ətirqabı gümüşdəndir. Çəkisi 21,6 qr.-dır. Avropa dövlətlərinə xas olan gümüş metaldan qadın əl çantası isə kiçik ölçülü, narın tordandır.

Mövqe.- 2016.- 14 yanvar.- S.5