Azərbaycanın İslam həmrəyliyinə

verə biləcəyi töhfələr kifayət qədərdir

 

Ölkəmizin İslam həmrəyliyi modeli buna bariz nümunədir

 

Azərbaycanın uzun əsrlərdən bəri İslam sivilizasiyasının əsas mərkəzlərindən biri olduğu heç kimdə şübhə doğurmur. Ölkəmizin İslam dəyərlərinə və irsinə həssas münasibəti və qayğısı da heç kimə sirr deyil. O da bəllidir ki, Azərbaycan mütəmadi olaraq İslam aləmi ilə qarşılıqlı faydalı münasibətlər qurub, qlobal əhəmiyyətli bir sıra mühüm tədbirlərin təşkilatçısı kimi çıxış edib.

Məhz bu mövqeyin nəticəsi olaraq prezident İlham Əliyev 2017-ci ili Azərbaycanda "İslam Həmrəyliyi İli" elan edib. Qeyd edək ki, dövlət başçısının belə bir qərar qəbul etməsinin dərin və məzmunlu mənası var. Məlum olduğu kimi, Azərbaycan tolerantlıq mühitinin təşəkkül tapmasına, multikulturalizmin, mədəniyyətlərarası və sivilizasiyalararası dialoqun qurulmasına, İslam dəyərlərinin dünyada təbliğinə böyük töhfələr veribbu istiqamətdə fəaliyyətini davam etdirməkdədir. Bununla bahəm, hazırda İslam ölkələrində baş verən hadisələr, onların qarşısında duran çağırışlar bu ölkələrin həmrəyliyini aktual məsələyə çevirir. Təbii ki, bu həmrəyliyin arzuolunan səviyyədə olmaması Azərbaycanı düşündürməyə bilməz. Prezident İlham Əliyev bu addımı ilə Azərbaycanın İslam həmrəyliyinə töhfə vermək əzmini bir daha nümayiş etdirdi. Millət vəkili, Milli Məclisin Aqrar siyasət komitəsinin sədri Eldar İbrahimov deyib ki, ölkə Prezidenti İlham Əliyev tərəfindən 2017-ci ilin Azərbaycanda "İslam Həmrəyliyi İli" elan edilməsi çox düzgün, çox əhəmiiyətli və zərurətdən yaranan bir addımdır. Bu, özü də yalnız İslam dünyasında yox, bütün dünyada böyük əks-səda doğuracaq təqdir olunası, alqışlanılası bir tarixi hadisədir: "Bu gün Azərbaycanın bütün dini konfessiyaları, bütün millətləri öz uzaqgörən, düşünülmüş, toletantmultikultural siyasəti ilə özündə birləşdirdiyini, bütünləşdirdiyini, eyni zamanda, İslam dünyasının da ən çətin, ən problemli dövrünü yaşadığını nəzərə alsaq, 2017-ci ilin "İslam Həmrəyliyi İli" elan edilməsi Azərbaycanın bütün İslam dünyasında, ümumiyyətlə, bütün dünyada bir barışdıcı qüvvəyə çevrilməsi baxımından çox məntiqli bir davranışdır. Kimsə də bunun əksini düşünə bilməz və buna da haqqı, ixtiyarı yoxdur". E.İbrahimovun sözlərinə görə, bu il həmçinin Azərbaycanda İslam Həmrəyliyi Oyunları keçiriləcək, Azərbaycan növbəti nüfuzlu və mötəbər bir beynəlxalq yarışmaya layiqli evsahibliyi edəcək: "Eyni zamanda, ötən ili "Multikulturalizm İli" elan etməklə Azərbaycan bütün konfessiyaları, dinləri, millətləri qarşılıqlı hörmət əsasında qarşılamaq qabiliyyətini ortaya qoydudünyaya da göstərdi, bir daha əyani şəkildə sübut etdi ki, bu konfessiyalar, dinlər içərisində xüsusi diqqətə layiq olan İslam dinidir. Bununla yanaşı, cənab Prezidentin "Biz İslam dünyasını birləşdirmək istiqamətində səylərimizi ortaya qoyacağıq" sözləri heç də təsadüfi deyilbu baxımdan da, hesab edirəm ki, bu, həm millətimizin adını İslam dünyasında, həm də İslam aləmini dünyada yeni və yüksək bir mərhələyə qaldıracaq. Azərbaycan dünyadakı imzalar içində öz imzasını bir daha var edəcək. Buna görə də elə bəri-başdan ölkə Prezidentinə öz adımdan və ümumən xalqımızın adından dərin minnətdarlığımı ifadə etmək istəyirəm". Millət vəkili, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib ki, Prezident İlham Əliyev tərəfindən 2017-ci ilin Azərbaycanda "İslam Həmrəyliyi İli" elan edilməsi çox düzgün, zərurətdən doğan və yalnız İslam dünyasında yox, bütün dünyada böyük əks-səda yaradacaq bir addımdır: "Bu gün Azərbaycanın bütün dini konfessiyaları, bütün millətləri öz siyasəti ilə birləşdirdiyini və İslam dünyasının ən çətin, ən problemli dövrünü yaşadığını nəzərə alsaq, 2017-ci ilin "İslam Həmrəyliyi İli" elan edilməsi Azərbaycanın bütün İslam dünyasında, ümumiyyətlə, bütün dünyada bir barışdıcı qüvvəyə çevrilməsi baxımından çox məntiqli bir addımdır: "Həmçinin bu il Azərbaycanda İslam Həmrəyliyi Oyunları keçiriləcək. Eyni zamanda, ötən ili "Multikulturalizm İli" elan etməklə Azərbaycan bütün konfessiyaları, dinləri, millətləri qarşılıqlı hörmət əsasında qarşılamaq qabiliyyətini ortaya qoydudünyaya göstərdi ki, bu konfessiyalar, dinlər içərisində xüsusi diqqətə layiq olan İslam dinidir. Bununla yanaşı, cənab Prezidentin "Biz İslam dünyasını birləşdirmək istiqamətində səylərimizi ortaya qoyacağıq" sözləri heç də təsadüfi deyilhesab edirəm ki, bu, həm millətimizin adını İslam dünyasında, həm də İslam aləmini dünyada yeni və yüksək bir mərhələyə qaldıracaq". Onu da qeyd edək ki, dövlətimizin başçısı 2017-ci ili Azərbaycanda "İslam Həmrəyliyi İli" elan etməklə İslam dünyasının həmrəyliyinə böyük önəm verdiyini göstərdi. Məlumdur ki, indiyə qədər müsəlman ölkələrini din ətrafında birləşməyə çağıran müəyyən təşəbbüslər göstərilib. Azərbaycan prezidenti isə tarixdə ilk dəfə olaraq İslam dünyasına siyasi mesaj ünvanladı, vahid mövqedən çıxış etməyin, birliyə nail olmağın, eyni zamanda, dünyaya inteqrasiyanın vacibliyinə ifarə etdi. Şübhəsiz ki, dövlətimiz bu istiqamətdə qarşıya qoyulan hədəflərə nail olmaqd üçün heç bir maneə ilə üzləşməyəcək. Çünki, İslam həmrəyliyinin Azərbaycan modeli göz qabağındadır. Təkcə bu amil deməyə əsas verir ki, ölkəmizin İslam həmrəyliyinə verə biləcəyi töhfələr kifayət qədərdir. Yeri gəlmişkən qeyd edək ki, İslam dünyasının əsas mədəni, dini mərkəzlərindən biri olan Azərbaycan tarixən İslam mədəniyyətinə və elminə böyük töhfələr verib. Azərbaycanın inkişaf perspektivləri, dünyadakı yeri, yüksək imici respublikamızın bu istiqamətdə mövqeyini daha da möhkəmləndirir. Azərbaycanın İslam dünyasında buya digər problemlərin həllində özünəməxsus rolanüfuza malik olması bu töhvələrin davamlı olacağına əminlik yaradır.

 

Alim

 

Olaylar.- 2017.- 18 yanvar.- S.4.