Olsun!

Döyüşdə yenilməz zəfərlər çalan,

Əsgər balalarım, görüm sağ olsun!

Düşməni çökdürən, dərbədər salan,

Qəhrəman Ordumuz salamat olsun!

İllərdir yurduna həsrətli qalan,

"Köçkün", "qaçqın" adı payimal olsun!

Bayrağımı ucalara qaldıran,

Hər kəsə xoşbəxtlik mükafat olsun!

Bu sevinci bizə fəxrlə yaşadan,

Oğullara Allah özü yar olsun!

HƏR gün xalqa şad xəbərlər çatdıran,

Ali Baş Komandan daim var olsun!

Qoru, İlahi!

Torpaq müqəddəsdir, torpaq ilahi,

Müqəddəs torpağı qoru, İlahi!

" Torpaqdan pay olmaz!"-deyir əhali,

İslami torpağı qoru, İlahi!

Qarabağ həsrətlə gözləyir bizi,

Torpağımı bizə qaytar, İlahi!

Diyarım darıxıb, çağırır bizi,

Yurdumu, Ordumu qoru, İlahi!

Torpağım sevməyir düçmənlərimi,

Yurdumu onlardan qoru, İlahi!

Xəstə təxəyyüllü düşmənlərimi,

Sənə tapşırıram, sənə, İlahi!

Ölkəmə göz dikib neçə nadürüst,

Mərdimi namərddən qoru, İlahi!

Bir yandan yağı, bir yandan virus,

Hər iki düşməndən qoru, İlahi!

Cəfər Cabbarlı ev muzeyinin böyük elmi-işçisi

Əlibalayeva Gülnarə

Olaylar.- 2020.- 6-12 noyabr.- S.24.