Azərbaycan və Fransa arasında mədəni körpü kimi fəaliyyət göstərirəm

 

Təranə Paris Baku: Sənətçi kimi Azərbaycanı tanıtmağa, onun reallıqlarını Fransa kimi mühüm ölkədə yaymağa çalışıram

Fransada yaşayan azərbaycanlı vokal ifaçısı Təranə Paris Baku ilə (Təranə Allahverdiyeva) müsahibəni təqdim edirik.

-Təranə xanım, öncə özünüz haqda məlumat vermənizi istərdik.

-Mən Fransada yaşayan azərbaycanlı müğənni-sənətçiyəm. Özüm Laçında anadan olmuşam, Şuşada böyümüşəm. Elə ilk musiqi təhsilimi də Şuşada almışam, şəhərin uşaq xorunda oxuyurdum. Qarabağ müharibəsi başladıqdan sonra qaçqın düşən ailəmiz Bakıda məskunlaşdı. Hazırda Fransada öz sənətimlə Azərbaycan və Fransa arasında mədəni körpü kimi fəaliyyət göstərirəm.

- Necə oldu ki, Parisə getməli oldunuz?

- Uşaqlıqdan ən böyük arzum Sarbon Universitetində təhsil almaq idi. Ümumiyyətlə, ailəmizdə xarici dillərə sevgi maraq vardı, bu da hər halda fransız dili müəlliməsi olan anamdan qaynaqlanırdı. Bakıda Xarici Dillər Universitetində İngilis dili tərcüməçilik fakültəsini bitirəndən sonra Fransada Sarbon Universitetinin Xarici dillər; media kommunikasiya fakültəsinə qəbul olub, fərqlənmə diplomu ilə başa vurdum. Daha sonra musiqi təhsili aldım. Viktor Hüqonun doğma şəhərində - Bezansonda milli konservatoriyanın Parisin tanınmış Manufacture Chanson məktəbinin məzunu oldum. On ildən artıqdır ki, Fransadayam, həyat yoldaşım Erik Monbarbyula da burada tanış olub evlənmişik. Ulduza Leyli adında iki qızımız var.

- Parisdə musiqi ilə məşğul ola bilirsinizmi?

- Fransanın çox şəhərlərində, xüsusi ilə Parisdə mədəni həyat çox zəngindir. Mən müxtəlif proqramlarda, məclislərdə, beynəlxalq festivallarda iştirak edirəm. Peşəkar musiqiçilərlə, qruplarla bir yerdə işləyirik. Tez-tez Fransadan kənara da çıxırıq. Bakıda gənc vokalçılar caz-festivalının laureatı olmuşam, İngiltərədə konsertlər vermişəm. 2011-ci ildə Moskvada fransız şansonunun ən yaxşı ifaçıları festivalına Fransadan fəxri qonaq kimi dəvət olunmuşdum. Tarana Colors adlı ilk albomum işıq üzü görüb. Bu ilin aprelin 6-da doğma Bakıda -Jazz Centerdə ilk konsertim oldu burada həmin albomdakı musiqiləri ilk dəfə dinləyicilərə təqdim etdim. Albomda məşhur fransız kompozisiyaları Azərbaycan dilində səslənilir.

- Fransa ermənilərin nisbətən çox aktiv olduğu ölkələrdən biridir. Belə bir yerdə yaşamaq sizə çətin deyil ki?

-Fransada çox güclü erməni lobbisi var. qədər çətin olsa da, məncə, elə məhz burada Azərbaycanı tanıtmalıyıq, məhz burada Qarabağ həqiqətini çatdırmalıyıq. Mən sənətçiyəm, mənim silahım sənətimdir. Bu çox mənalı dəyərli mübarizədir. Çünki musiqi universal dildir hamıya təsir edə bilir.

- Olubmu ki, ermənilər sizə təhlükəli vəziyyət yaratsın ya hər hansı təxribatlar törətsinlər?

-Yox, şükür, belə hallar olmayıb.

-Fransadakı Azərbaycan diasporunu güclü hesab etmək olarmı?

-Onu demək istəyirəm ki, son illərdə Azərbaycan Fransada özünü tanıtmağa başlayır. Bu işdə millət vəkili Mehriban Əliyeva və Azərbaycanın Fransadakı səfiri Elçin Əmirbəyov çox böyük xidmət göstərirlər. Bunlarla kifayətlənmək lazım deyil. Qarabağ hələ də işğal altındadır. Azərbaycan barədə hələ də məlumat azlığı var, görüləsi çoxdur

- Fransada Azərbaycan diasporu ilə əlaqələriniz varmı?

- Bir azərbaycanlı, həm Qarabağdan olan azərbaycanlı kimi çalışıram, vətənimin üzləşdiyi problemləri fransız xalqına çatdırım. Gördüyüm işlərlə Azərbaycanı tanıtmağa, onun reallıqlarını Fransa kimi mühüm ölkədə yaymağa çalışıram bu istiqamətdə işləyən insanlara dəstək oluram. Məsələn, Parisdə Azərbaycan Evi adlı təşkilatda mədəni məsələlər üzrə məsləhətçi kimi fəaliyyət göstərirəm. Güc birlikdədir, məncə, harada yaşamağımızdan asılı olmayaraq beynəlxalq ictimaiyyətə Azərbaycan həqiqətlərini çatdırmaq üçün bir olmalıyıq. Azərbaycanın təcavüzə məruz qaldığını, torpaqlarının işğal olduğunu beynəlxalq ictimaiyyət bilməlidir.

- Azərbaycanın təbliği baxımdan hansı addımlar atırsınız?

-Mənim qızlarımın pasportda iki adı var: Ulduza Şuşa Leyli Şuşa. Məncə, bu bir növ Qarabağı yaşatmaqdır, Qarabağı unutmamaqdır unutdurmamaqdır. Bilirsiniz, Fransada olan situasiya mürəkkəbdir. Burada erməni mənşəli fransızlar çoxdur. Onlar heç zaman Ermənistanda olmayıblar. Qarabağ barədə heç bir doğru məlumatları yoxdur, bildikləri yalan məlumatlardır. Bir qrup erməni çox fəal işlər görür yalan məlumatlar yayır. Mən Qarabağ müharibəsi barədə kimdənsə eşitməmişəm, müharibənin şahidi olmuşam. Mən sadəcə olaraq həqiqəti çatdırıram üstəlik sənətçi olmağım, məncə, hər hansı həqiqəti çatdırmaq üçün ən diplomatik yoldur.

- Vətəndən ötrü qəribsəyən vaxtlarda edirsiniz?

-Musiqiyə qulaq asıram, şeir yazıram. Şuşadan qalan xatirələr şəkillərdir...

 

Fuad Hüseynzadə

Palitra.-2013.-19 oktyabr.-S.7.