“İlaxır çərşənbə” təntənəli şəkildə qeyd edilib

 

Dünən Mərkəzi Parkda Bakı Şəhər İcra Hakimiyyəti xalqımızın Milli bayramı - “İlaxır çərşənbə”ni təntənəli şəkildə qeyd edib. Bu məqsədlə saat 10.30-da metronun “İçərişəhər” stansiyası və Bakı Şəhər İcra Hakimiyyəti binasının yanındakı ərazidən Novruz personajları - Dədə Qorqud, Bahar qızı, Kosa, Keçəl və musiqi qruplarının iştirakı ilə böyük karvan Suraxanı “Atəşgahı”na yollanıb. Bayram karvanı Bakı Şəhər İcra Hakimiyyətindən hərəkətə başlayaraq İstiqlaliyyət küçəsi ilə Heydər Əliyev Sarayının yanından keçməklə, Bülbül prospekti, Xaqani, Nizami küçələri ilə Xətai heykəli və fəvvarənin yanından keçib, Heydər Əliyev prospektinə çıxıb, metronunKoroğlu” stansiyasının qarşısından keçib, Hava limanı avtomagistralı ilə hərəkət edərək Suraxanı “Atəşgah”ına yola düşüb. “Atəşgah”dan od götürən bayram karvanı geriyə qayıtdıqdan sonra Mərkəzi Parkda bayram tonqalı alovlandırılıb.

 

Palitra.-2016.-16 mart.-S.16.