Qoru olmasın
Allahdan istəyim budur,-Heç zaman
Saçların vədəsiz qarı olmasın.
Əzabla
salınan ömür
bağının
Çürüyüb tökülmüş
barı olmasın.
Başı ərşə çatan
qoca dağların,
Tərlanlar qıy vuran uca dağların,
Cənublu, şimallı haça
dağların,
Qarğası, quzğunu, sarı olmasın.
Günəşin şəfəqi düzlərə
gülsün,
Xoş aylar, xoş illər üzlərə gülsün,
Həyatın sevinci gözlərə
gülsün,
Sevgi bağçasının
xarı olmasın.
Var-dövlət çoxluğu qəbahət
deyil,
Səhvi
üzə demək ədavət deyil,
Dünyaya kor baxmaq fəlakət deyil,
Taleyin, qismətin
koru olmasın.
Ay Seyyid, düzü gəz, düz yolu ara,
Ağa ağ deginən,
qaraya qara.
Bədbəxt o insandır özündən
sora
Külünün altında qoru olmasın.
10.01.2017
Tutası
ol
Bel bağlama namərd dosta,
Xar olmamış
atası ol.
Yeri gəlsə, mərd düşmənin,
Kölgəsində yatası ol.
Vaxt-vədəsiz solmaqdansa,
Sonda tənha qalmaqdansa,
Yaxşı ata olmaqdansa,
Yaxşı oğul atası ol.
Gülməsə tale üzünə,
Baxmasa dizin sözünə,
Qəfil
tor gəlsə gözünə,
Dar məzarda yatası
ol.
Yoldaşı seç öz tipinə,
Baxma əlinə, cibinə,
Güvənmə saman çöpünə,
Dəryalarda batası ol.
Coşsalar da, əssələr
də,
Üz turşudub küssələr
də,
Seyyid, dili kəssələr də,
Haqq tərəfin
tutası ol.
04.12.2016
Qiyamətim var
Ey oğul, diqqətlə qulaq as mənə,
Sənə söyləməyə hekayətim
var.
Kiminə
atadan çoxlu var-dövlət,
Mənimsə “Şeirlər” əmanətim
var.
Dəyərli, dəyərsiz, - sözə
deyərlər.
“Daşı da sındırır”, - gözə
deyərlər.
Səhvi
arxada yox, üzə deyərlər,
Xalq içində
desəm, qəbahətim
var.
Birinin dalıyca min dəfə rəhmət,
Birinə söylənər goruna lənət.
Kiminin milyonu hec kimə
qismət,
Yavan bir loxmamla səxavətim var.
Əyri
yonulsa da qələm, düz yazar,
Fərqi
yox, ya gecə,
ya gündüz yazar,
Hikmətli kəlamı dahi
kəs yazar,
Daim dahilərdən
dəlalətim var.
Seyyidəm, düz yolu əyri getmirəm,
Salam verdiyimdən salam
güdmürəm.
Qəsdlə, bilə-bilə günah
etmirəm,
Qorxuram,
qabaqda qiyamətim var
02.11.2016
Müəllim
Özünün dayağı olmasa
belə,
Yüzlərlə insana dayaqdır müəllim.
İsti
bir qucağa həsrət qalsa da,
Minlərlə şagirdə qucaqdır müəllim.
Harama göz dikməz, qazanar halal,
Soğan-çörəyini hesab edər bal.
Qəlbini sıxsa da qəm, kədər, məlal,
Sınıq könüllərə çıraqdır
müəllim.
Qəsd
ilə heç kəsin xətrinə dəyməz,
Kimsənin önündə başını
əyməz.
Boş-boş qürrələnib özünü
öyməz,
Doğruya, düzlüyə mayakdır
müəllim.
Xalqın
arasında üzüağ
gəzər,
Şirin söhbətilə məclislər
bəzər.
Qürurun alçaltmaz, cəfaya dözər.
Elin dar günündə sınaqdır
müəllim.
İnsanlıq, ləyaqət nümunəsidir.
Ən incə
duyğular təranəsidir.
Bilik xəzinəsi, hikmət səsidir,
Müqəddəs adıyla ocaqdır müəllim.
05.10.2016
Seyyid Süleyman
Palitra.-2017.-12 aprel.-S.13.