Fransalı senatorlar Cocuq Mərcanlı və Horadizdə olublar
“Biz Azərbaycanı
yaxından tanıyan insanlar kimi, Azərbaycanın haqq işinə dəstək verəcəyik”
Dağlıq Qarabağ münaqişəsi nəticəsində
torpaqlarımızın ermənilər
tərəfindən işğal
olunması faktının
dünya ictimaiyyətinə
çatdırılması ən mühüm amillərdən biridir. Bu istiqamətdə davamlı olaraq həyata keçirilən
tədbirlər bu gün də davam edir. Ölkə başçısının
sərəncamına əsasən,
Cəbrayıl rayonunun
işğaldan azad edilmiş Cocuq Mərcanlı kəndinin də dünya ictimaiyyətinə tanıdılması
ilə bağlı müvafiq işlər görülür.
Bu məqsədlə xarici
ölkələrin Azərbaycanda
akkreditə olunmuş
diplomatik nümayəndələrinin
və beynəlxalq təşkilatların rəhbərlərinin
Cocuq Mərcanlı kəndinə səfəri
təşkil olunub ki, 55 nəfərlik nümayəndə heyətinə
kənd haqda məlumat verilib. Bundan başqa, Azərbaycanda akkreditə olunmuş xarici KİV nümayəndələrinin
də Cocuq Mərcanlı kəndinə
səfəri təşkil
olunub ki, 30 nəfərə yaxın
media nümayəndəsinə burada mövcud vəziyyətlə bağlı
məlumat çatdırılıb.
Bu günlərdə ölkəmizdə səfərdə
olan Fransa tərəfdən Senatın
Fransa-Qafqaz Dostluq Qrupunun sədri Andre Reyşarın başçılıq
etdiyi nümayəndə
heyəti Cocuq Mərcanlıda olub.
Fransalı senatorlar məcburi
köçkünlərin həyat
şəraiti ilə tanış olublar
Ölkəmizdə səfərdə olan
Fransa Respublikası Senatının Fransa-Qafqaz
Dostluq Qrupunun sədri Andre Reyşarın
başçılıq etdiyi
nümayəndə heyəti
Abşeron rayonunun Masazır qəsəbəsi
ərazisində məcburi
köçkünlər üçün
salınmış qəsəbədə
yaradılan şəraitlə
tanış olublar. Qaçqınların
və Məcburi Köçkünlərin İşləri
üzrə Dövlət
Komitəsinin sədr müavini Fuad Hüseynov Ermənistan-Azərbaycan,
Dağlıq Qarabağ
münaqişəsi nəticəsində
uzun illərdir qaçqın və məcburi köçkün
vəziyyətində yaşayan
soydaşlarımızın həyat şəraiti ilə tanış
olduqlarına görə
qonaqlara təşəkkürünü
bildirib.
Məlumat verilib ki, doğma
yurdlarını tərk
etmiş bu insanların bütün problemlərinin həllini Azərbaycan hökuməti
öz üzərinə
götürüb. Qaçqınların və məcburi köçkünlərin məşğulluq,
təhsil, yaşayış,
tibbi, sosial təminatı ilə əlaqədar hərtərəfli
tədbirlərin həyata
keçirilməsi məqsədilə
Azərbaycan Prezidentinin
sərəncamı ilə
Dövlət Proqramı
və ona əlavələr təsdiq
edilib. Azərbaycan hökuməti tərəfindən
indiyədək məcburi
köçkünlər üçün
bütün sosial-texniki
infrastruktura malik 95 yaşayış kompleksi salınıb, 50 min ailənin
və ya 250 min nəfərdən çox
məcburi köçkünün
mənzil-məişət şəraiti
yaxşılaşdırılıb.
Qaçqın və məcburi
köçkünlərin sosial
problemlərinin həlli
üçün son 23 ildə
təxminən 6 milyard
ABŞ dollarından çox
vəsait sərf olunub. F.Hüseynov, həmçinin diqqətə çatdırıb
ki, Ermənistanın təcavüzkar siyasəti
nəticəsində münaqişə
həll olunmadığından
bu gün on millərlə soydaşımız
hələ də yataqxanalarda, tikintisi yarımçıq qalmış
binalarda ağır şəraitdə yaşayırlar.
Onların mənzil problemlərinin
həlli istiqamətində
Azərbaycan dövləti
mərhələli şəkildə
tədbirlər həyata
keçirir.
Fransalı senatorlar 540 yerlik
33 nömrəli Zəngilan
rayon tam orta məktəbində
yaradılan şəraitlə
tanış olub, Zəngilan rayon Tarix-Diyarşünaslıq
Muzeyinin eksponatlarına
və 280 yerlik uşaq bağçasında
təhsil alan balacaların əl işlərinə baxıblar.
Senatorlar məhəllədə məskunlaşmış
məcburi köçkünlərin
həyat şəraiti
ilə də maraqlanıblar. Zəngilandan olan məcburi köçkün Vəli
Quliyevin mənzilində
çay süfrəsi
ətrafında söhbət
zamanı qonaqların
diqqətinə çatdırılıb
ki, bu gün
Azərbaycan dövləti
qaçqın və məcburi köçkün
həyatı yaşayan
vətəndaşlarına hərtərəfli qayğı
və diqqət göstərir, onların problemlərinin həllini daim diqqət mərkəzində saxlayır.
Bütün bunlara baxmayaraq,
məcburi köçkünlər
doğma yurdlarına qayıtmaq arzusu ilə yaşayırlar.
Onlar əmindirlər ki, Azərbaycan Respublikasının
Prezidenti, Silahlı Qüvvələrin Ali Baş
Komandanı İlham Əliyevin rəhbərliyi
ilə bu arzuları tezliklə reallaşacaq.
Məcburi köçkünlər üçün yaradılmış
şəraitlə tanış olan fransalı qonaqlar münaqişənin sülh
yolu ilə həllinə ümid etdiklərini bildiriblər.
Fransa Respublikası Senatının
Fransa-Qafqaz Dostluq Qrupunun sədri Andre Reyşarın başçılıq
etdiyi nümayəndə
heyəti Horadiz şəhərinə və
Cəbrayıl rayonunun
işğaldan azad olunmuş Cocuq Mərcanlı kəndinə
səfər edib.
Əvvəlcə Cocuq Mərcanlı kəndinə gələn
nümayəndə heyətinə
ermənilərin işğal
olunmuş ərazilərdə
törətdikləri vəhşiliklər,
Azərbaycan Respublikası
Prezidentinin kəndin bərpası haqqında sərəncamına əsasən
ərazidə aparılan
minalardan təmizləmə
və tikinti işləri barədə
məlumat verilib. Bildirilib
ki, işğalçı
Ermənistan ordusu tərəfindən tamamilə
dağıdılan Cocuq
Mərcanlıda birinci
mərhələdə 50 fərdi
yaşayış evinin,
məktəb binasının
və müvafiq infrastrukturun tikintisi həyata keçiriləcək.
Növbəti mərhələdə isə 150 evin və digər infrastrukturun tikintisi və bərpası nəzərdə tutulur.
Kənddə aparılan tikinti-quruculuq
işlərini müşahidə
edən fransalı qonaqlar münaqişənin
sülh yolu ilə həllinə ümid bəslədiklərini
bildiriblər.
Sonra Horadiz şəhərinə gələn
nümayəndə heyətinə
Ermənistan silahlı
bölmələrinin cəbhənin
müxtəlif istiqamətlərində
snayper tüfənglərindən
və minaatanlardan da istifadə etməklə atəşkəs
rejimini pozmaları barədə məlumat verilib. Füzuli Rayon İcra Hakimiyyətinin
başçısı Alı
Alıyev bildirib ki, düşmən atəşlərinə baxmayaraq,
rayonda həyat öz axarı ilə davam edir. Sakinlər gündəlik məişət
qayğıları və
təsərrüfat işləri
ilə məşğul
olurlar.
Diqqətə çatdırılıb ki,
Cocuq Mərcanlı kəndi kimi, Horadiz şəhəri də Ermənistan silahlı birləşmələri
tərəfindən işğal
olunaraq dağıdılmışdı. 1994-cü ildə şəhər işğaldan azad edildikdən sonra burada geniş bərpa-yenidənqurma, abadlıq-quruculuq
işləri aparılıb.
Görülən işlər sayəsində
Horadiz bu gün gözəlliyi ilə seçilən abad bir şəhərə
çevrilib. İndi Horadiz
Fransanın Altkirch şəhəri ilə qardaşlaşmış şəhərdir.
Fransalı senator:
“Azərbaycanın ərazi
bütövlüyü təmin
edilməlidir”
Onu da qeyd edək ki, dünən Milli Məclisdə Fransa Senatının dostluq qrupunun üzvləri ilə görüş keçirilib. Görüşdə Azərbaycan tərəfdən deputatlar Cavanşir Feyziyev, Səməd Seyidov, Fransa tərəfdən isə Senatın Fransa-Qafqaz Dostluq Qrupunun sədri Andre Reyşar, qrupun üzvü Natalie Qule və digərləri iştirak ediblər. C. Feyziyev iki ölkə arasında münasibətlərin inkişafından, Dağlıq Qarabağ münaqişəsindən danışıb. A. Reyşar isə bildirib ki, Fransa Azərbaycanın əsas probleminin Dağlıq Qarabağ münaqişə olduğunu başa düşür: “Bizim, burada əyləşən şəxslərin hər birinin, artıq bu barədə yetərincə məlumatı var. Biz Azərbaycanı yaxından tanıyan insanlar kimi Azərbaycanın haqq işinə dəstək verəcəyik. Azərbaycanın torpaqları işğal olunub. Yaxşı olardı ki, bu münaqişə sülh yolu ilə həll olunsun. Ancaq hansı yolla olur olsun, bu torpaqlar geri qaytarılmalıdır, Azərbaycanın ərazi bütövlüyü təmin edilməlidir. Azərbaycan öz torpaqları üzərində nəzarəti bərpa etməlidir. Ötən ilin aprel ayında baş verən hücumlar artıq narahatlığın pik həddə olduğunu göstərir. Biz Dağlıq Qarabağ münaqişəsinin həllinə öz töhfəmizi verməyə hazırıq”.
Senator:
“Fransa dövləti Azərbaycanın ərazi bütövlüyünə hörmətlə yanaşır”
Fransa Senatının üzvü, parlamentin Fransa-Qafqaz Dostluq Qrupunun sədri Andre Reyşar bəzi fransız senatorların işğal olunmuş Dağlıq Qarabağa səfərlərini tənqid edib. Milli Məclisdə keçirilən mətbuat konfransında A. Reyşar bildirib ki, Fransa dövləti və rəsmi qurumları Azərbaycanın ərazi bütövlüyünə, sərhədlərinə hörmətlə yanaşır. Bəzi həmkarlarının Dağlıq Qarabağa səfərlərinin qanuna zidd olduğunu söyləyən senator qeyd edib ki, beynəlxalq qanunlara əsasən Azərbaycanın sərhədlərinə hörmətlə yanaşmaq hər kəsin borcudur: “Bizim hökumətin mövqeyi odur ki, hər bir dövlətin, o cümlədən Azərbaycanın ərazi bütövlüyü toxunulmazdır, hörmətlə yanaşılmalıdır”. A. Reyşar onu da əlavə edib ki, onlar səfər çərçivəsində cəbhədə, Azərbaycan-Ermənistan silahlı qüvvələrinin təmas xəttində olublar və vəziyyətin hazırkı durumu onları ciddi narahat edir: “Biz münaqişənin tez bir zamanda həll olunmasını istəyirik”.
Nigar Abdullayeva
Palitra.-2017.-14 mart.-S.11.