Azərbaycan
Tələbə Gənclər Təşkilatları
İttifaqı gənclərimizin həyatında yeni bir səhifə
açacaq
Şahin İsmayılov: “Birliyimizin ən mühüm məqsədlərindən biri region tələbələri ilə paytaxt tələbələri arasında əlaqələri gücləndirməkdir”
Artıq
gənclərimiz dövlət idarəçiliyi,
iqtisadiyyat, idman, mədəniyyət sahələrində uğurlu
fəaliyyət göstərir, Azərbaycanı beynəlxalq aləmdə
layiqincə təmsil edirlər. Azərbaycan gəncliyi
ölkəmizin qüdrətinin
daha da artırılmasına
və Azərbaycanın
güclü dövlət
kimi formalaşmasına
öz töhfələrini
verməlidirlər. Elə
bu səbəbdən
də bir müddət
əvvəl
dövlət
rəsmilərinin
iştirakı ilə
Azərbaycan Tələbə
Gənclər
Təşkilatları İttifaqı
İctimai Birliyi
(ATGTİ) təsis
olunub. Fəaliyyətə
başladığı gündən
ATGTİ intensiv işləyərək
bir sıra
layihələr
həyata keçirib.
Bizdə sözügedən
təşkilatın
həyata keçirdiyi
layihələrlə
və fəaliyyəti
ilə yaxından
-Bir müddət
əvvəl yaradılmış
ATGTİ hansı
zərurətdən
yarandı və piroritet istiqaməti
nədir?
-Bildiyimiz kimi, Azərbaycanda Tələbə
Gənclər
Təşkilatları 2005-ci
ildən fəaliyyət
göstərir.
Yarandığı vaxtdan keçən
dövr ərzində
bir sıra
uğurlu layihələr, ortaya
çıxardığı yeni gənc
liderlərlə, tələbələrin
həyatında
oynadığı mühüm
rola görə,
bu layihə öz
uğurunu sübut
etdi. Zaman dəyişir
və hər
zamanın özünə
uyğun tələbləri
olur. Artıq
bu gün
belə bir ittifaqın
yaranması zərurəti
ortaya çıxmışdı.
Əminliklə söyləyə
bilərəm
ki, ittifaq Tələbə
Gənclər
Təşkilatlarının
həyatında
yeni və çox
mühüm
bir səhifə
açacaqdır.
-Birliyiniz yaranan
vaxtdan bu günə
kimi hansı
layihələri
həyata keçirmisiniz?
-Hər
hansı bir təşkilat
yarananda ilkin dövr
nisbətən
çətin olur. Belə
ki, ofisin tapılması,
sənədlərin
qaydaya salınması,
iş planının
hazırlanması və
s. Artıq
bu gün ATGTİ-nın
ofisi fəaliyyət
göstərir.
Eyni zamanda biz
boş da dayanmamışıq. Belə
ki,Yeni il
və Dünya
Azərbaycanlılarının
həmrəylik
gününə
həsr olunmuş
mədəni-kütləvi
tədbir, 20 yanvarda
“ Mənim 20 yaşım
var “ adlı aksiya,Amerika
Dövlət
Departamentinin Azərbaycan
tələbələrinin
böyük
əksəriyyətinin
narkotik maddə istifadəçisi
olması haqqında
hesabatına qarşı
etiraz aksiyası və
sair. Qeyd edim ki, dövlət departamenti bu etirazdan sonra hesabatda
dəyişiklik edib. Bundan başqa Novruz Bayramında “Gənclər
Bizə Sarı Gəlin” adlı mədəni-kütləvi tədir
keçirilib. Həmçinin, təşkilatımızın
fəalları Moskvada, Minskdə, Brüsseldə keçirilən
müxtəlif tədbirlərdə iştirak edib və bir sıra beynəlxalq təşkilatlarla
əlaqə qurublar.
-Sizin
birliyin fəaliyyəti təkcə paytaxta yerləşən
Tələbə Gənclər Təşkilatlarının(TGT)
fəaliyyətini koordinasiya edir, yoxsa
regionlardakı TGT ilə əlaqələriniz var?
-ATGTİ-na
təkcə paytaxtda olan ali məktəblər deyil, eyni zamanda
regionlarda yerləşən ali
təhsil müəsissələri də daxildir. Ümumilikdə,
ittifaqa 39 ali təhsil ocağı daxildir. Bir amili xüsusi
vurğulamaq istərdim ki, ittifaqın qarşısına
qoyduğu ən mühüm məqsədlərdən biri də
region tələbələri ilə paytaxt tələbələri
arasında əlaqələri gücləndirməkdir.
-
Həm ictimai fəal gənc, həm də gənclərlə
sıx işləyən, əməkdaşlıq edən
birisi kimi, deyə bilərsinizmi bu gün gənclərin əsas
problemləri nədir və onların həlli istiqamətdə hansı işlər
görülür?
-Azərbaycan
müstəqilliyini yeni qazanmış dövlətlərdən
biridir. Təbii ki, bəzi sahələrdə
olduğu kimi, gənclərin həyatında da müəyyən
çətinliklər var. Amma burada incə bir nüans var. Əgər
çətinlik varsa demək iş gedir. Hər kəs bilir
ki, məhz işin gedişində çətinliklər ortaya
çıxır. Əgər biz hər ili ondan öncə
ki, illə müqayisə etsək yaxşılığa
doğru böyük dəyişikliklərin olduğunu
görərik.
-Sizin
təşkil etdiyiniz tədbirlərə hər hansı
dövlət idarələrindən dəstək varmı?
-
Təbii ki, biz dövlət orqanları və müxtəlif
ictimai təşkilatlarla əməkdaşlıq edirik. Əməkdaşlıq
etdiyimiz dövlət orqanlarından Gənclər və
İdman Nazirliyi, Təhsil Nazirliyi və Bakı Şəhər Gənclər
və İdman Baş İdarəsini göstərmək olar.
-
Rəhbəri olduğunuz birliyin xarici ölkələrdə
yaşayan Azərbaycan gəncləri və gənclər təşkilatları
ilə əlaqələri varmı?
-
Biz beynəlxalq əlaqələrimizə xüsusi bir ciddiyətlə fikir veririk. Bu
sırada azərbaycanlı tələbələr önəmli
bir nüans təşkil edir. Təsadüfü deyil ki, mart
ayında Brüsseldə keçirilən FASE-nin (Avropada təhsil
alan azərbaycanlı gənclərin forumu) tədbirində
bizim ittifaqdan da nümayəndələr iştirak edib. Həmin
tədbir bizim üçün olduqca uğurlu oldu,
çünki forum zamanı olduqca yaxşı əlaqələr
qura bildik.
-Bəs,
ölkəmizdə fəaliyyət göstərən
hansısa bir təşkilatla əlaqələriniz və
iş birliyiniz varmı?
-Biz
niyyəti, əqidəsi düzgün olan, gənclərə,
tələbələrə xeyir verən istənilən təşkilatla
əlaqə qurub əməkdaşlıq etməyə
hazırıq. Əməkdaşlıq etdiyimiz təşkilatlar
sırasında İrəli İctimai Birliyini, Gənclər
Milli Şurasını göstərmək olar.
-Azərbaycan
həqiqətlərinin dünyaya çatdırılması
üçün siz gənclər təşkilatı olaraq
hansı işləri həyata keçirirsiniz?
-
Azərbaycan reallıqlarını dünyaya çatdırmaq
hər bir azərbaycanlının vətəndaşlıq
borcudur. Bu işdə təbii tələbələr
xüsusi fəallıq göstərməlidirlər və deyə
bilərəm ki, göstərirlər də.
Reallıqlarımızı dünyaya çatdırmaq
üçün müxtəlif yollardan istifadə edirik. Belə
ki, xaricə etdiyimiz səfərlər zamanı Azərbaycan
reallıqlarını əks etdirən kifayət qədər
əyani-vəsait götürüb xaricdə əsaslandırılmış
şəkildə paylayırıq. Bundan başqa dövlətimiz
üçün əhəmiyyətli olan günlərdə
kütləvi e-mail hücumları həyata keçiririk. Bu
sahədə iş gələcəkdə də mütəmadi və məsuliyyətli
şəkildə aparılacaqdır.
Məlumat
üçün bildirək ki,
Şahin İsmayilov 2004-cü ildə Bakı şəhəri
Suraxanı rayonu Aslan Muradov adına 84 saylı orta məktəbi
bitirərək, yüksək balla Azərbaycan Dillər
Universitetinin Avropaşünaslıq və Beynəlxalq
Münasibətlər fakültəsinin
fransaşünaslıq ixtisasına qəbul olub. 2008-ci ildə
qırmızı diplomla
universiteti bitirib və elə
həmin sözügedən ali təhsil müəsissəsinin
magistr pilləsinə qəbul olunub.
O, hazırda magistr üzrə ikinci kurs tələbəsidir.
İngilis, fransız, alman,rus dillərini bilir və ölkənin
ictimai həyatında daim fəallıq
göstərir.
GÜNAY
Paritet.- 2010.- 13-14 may.- S. 9.