İctimai televiziyanın Yayım
Şurasının tərkibində dəyişikliklər edildi
Dünən Milli Məclisin növbəti plenar iclası keçirildi. İlk olaraq İctimai Televiziya və Radio Yayımları Şirkəti
Yayım Şurasının
tərkibində dəyişikliklər
edilməsi haqqında
məsələyə baxıldı.
Milli Məclisin Mədəniyyət komitəsinin
sədri Nizami Cəfərov bildirdi ki, “İctimai televiziya və radio yayımı haqqında” qanuna uyğun olaraq İctimai Televiziya və Radio Yayımları Şirkətinin
Yayım Şurasına
Azərbaycan Həmkarlar
İttifaqları Konfederasiyası,
Azərbaycan Milli Elmlər Akademiyası və Mətbuat Şurası tərəfindən
irəli sürülmüş
namizədlərin altı
illik səlahiyyət müddəti başa çatıb. Bununla əlaqədar olaraq
həmin qurumlar yeni namizədlərini irəli sürüblər.
Bundan sonra səsvermə
keçirildi.
AHİK-dən Aqil Dadaşov, AMEA-dan Muxtar İmanov, MŞ-dən isə Cahangir Məmmədli İctimai Televiziya və Radio Yayımları
Şirkətinin Yayım
Şurasına üzv
seçildilər.
Gündəlikdəki
ikinci məsələ
“Elektroenergetika haqqında”
qanuna, “Qaz təchizatı haqqında”
qanuna və “Su təchizatı və tullantı suları haqqında” qanuna əlavələr və dəyişikliklər edilməsi
barədə qanun layihəsi idi. Layihə ilə bağlı Milli Məclis Sədrinin müavini parlamentin Təbii ehtiyatlar, energetika və ekologiya komitəsinin sədri Valeh Ələsgərov məlumat
verdi. “Elektroenergetika
haqqında” qanunun
3-cü maddəsinin 3-cü hissəsinə əlavə
olunan 2-ci cümlədə
deyilirdi: “Elektrik və istilik enerjisi istehlakçısının
enerji təchizatı şəbəkəsinə qoşulması
və ya əlavə enerji (güc) alınması üçün texniki şərtlərin verilməsi
qaydaları müvafiq
icra hakimiyyəti orqanı tərəfindən
müəyyən edilir”.
“Qaz təchizatı haqqında” qanunun 13-cü
maddəsinin 3-cü hissəsinə
də bu məzmunda 2-ci cümlə
əlavə olunur: “İstehlakçılara qazın
verilməsi üçün
qazpaylayıcı şəbəkəyə
qoşulmanın texniki
şərtlərinin verilməsi
qaydası müvafiq icra hakimiyyəti orqanı tərəfindən
müəyyən edilir”.
“Su təchizatı və tullantı suları haqqında” qanunun 13-cü maddəsinin
2-ci bəndi çıxarılıb,
23-cü maddənin 1-ci bəndinin
“b” yarımbəndi “qoşulma,
fiziki şəxs olan istehlakçılar istisna edilməklə digər istehlakçı
qruplar üzrə istehlakçının hesabına
aparılsın” redaksiyasında
verilib. Bu maddənin
2-ci bəndinin “b” yarımbəndi
çıxarılıb, aşağıdakı
məzmunda isə 5-ci
bənd əlavə edilib: “İstehlakçının
su təchizatı və tullantı sularının axıdılması
sistemlərinə qoşulması
üçün texniki
şərtlərin verilməsi
qaydaları müvafiq
icra hakimiyyəti orqanı tərəfindən
müəyyən edilir”.
Qanunun 30-cu maddəsinə
isə aşağıdakı
məzmunda 3-cü bəndin
əlavə edilməsi
təklif olunurdu: “Fiziki şəxs olan istehlakçıların
sayğaclarla (suölçən
cihazlarla) təchiz edilməsi, onların quraşdırılması və
dəyişdirilməsi su
təchizatı müəssisəsinin
hesabına həyata keçirilir”. Qeyd edək ki, qanun layihəsi təsdiq olundu.
Milli Məclisin İqtisadi
siyasət komitəsinin
sədri Ziyad Səmədzadə “Dövlət
rüsumu haqqında” qanunda dəyişikliklər
edilməsi barədə
qanun layihəsini müzakirəyə təqdim
etdi. Dəyişikliklərə əsasən dövlət
rüsumunun məbləğləri
barədə məlumat
lövhə şəklində
müvafiq xidmət göstərən hər bir dövlət orqanının yerləşdiyi
binanın (otağın)
görünən yerində
asılmalıdır. Z.Səmədzadə digər
dəyişikliklər barədə
məlumat verdi.
Əlavəyə əsasən şəhadətnamənin
(apostilin) verilməsi üçün tutulan dövlət rüsumunun dərəcəsi 10 manat təsdiqlənib. Qanun layihəsi
təsdiq olundu.
Gündəlikdəki
digər məsələlər
- “Məhkəmələr və
hakimlər haqqında”,
“Konstitusiya Məhkəməsi
haqqında” və “Əmək pensiyaları haqqında” qanunlarda dəyişiklik edilməsi
barədə layihələrlə
bağlı Hüquq siyasəti və dövlət quruculuğu komitəsinin sədri Əli Hüseynli məlumat verdi. İlk iki qanuna təklif
olunan dəyişikliklər
hakimlərin sosial müdafiəsi özündə
ehtiva edir. Bu dəyişikliklər hakimlərin ailə üzvlərinin də pensiya təminatının
“Əmək pensiyaları
haqqında” qanuna uyğunlaşdırılmasını nəzərdə tutur.
Ə.Hüseynlinin sözlərinə görə, sözügedən
qanuna təklif olunan dəyişiklik də digər iki qanuna nəzərdə
tutulan dəyişikliklərin
məntiqi davamıdır.
Hər üç qanun layihəsi təsdiq olundu.
Ə.Hüseynli “Əməliyyat-axtarış
fəaliyyəti haqqında”
və “Prokurorluq haqqında” qanunlarda dəyişikliklər edilməsi
barədə layihələri
də müzakirəyə
təqdim etdi.
Birinci qanuna təklif olunan dəyişiklik məntiqi
surətdə “Prokurorluq
haqqında” qanunla bağlıdır. “Əməliyyat-axtarış fəaliyyəti
haqqında” qanunvericiliyə
görə əməliyyat-axtarış
fəaliyyətini cinayət-prossesual
qanunvericilikdə nəzərdə
tutulmuş təhqiqat
orqanları həyata keçirirlər. Bunlar hüquq-mühafizə
orqanlarıdır. Təklif olunan
dəyişiklik isə
ondan ibarətdir ki, korrupsiya ilə bağlı cinayətlər üzrə
əməliyyat-axtarış tədbirlərini isə yalnız korrupsiyaya qarşı mübarizə
sahəsində ixtisaslaşmış
prokurorluq orqanı, yaxud həmin prokurorluq orqanının yazılı tapşırığı
əsasında təhqiqat
orqanları həyata keçirsinlər. Ə.Hüseynlinin sözlərinə görə,
bu, qanunvericiliyimiz üçün müəyyən
mənada yenilikdir.
Komitə sədri bu dəyişikliyin “Prokurorluq
haqqında” qanuna təklif olunan dəyişikliklə üzvi
surətdə bağlı
olduğunu diqqətə
çatdırdı. Qısa müzakirələrdən
sonra qanun layihələri təsdiqləndi.
FUAD
Paritet.-2011.- 19-28 mart.-
S.3.