Ölkəmizin
turizm potensialı “
“Azərbaycanın
adı olan lövhəyə çoxlu sayda yerli sakinlər yaxınlaşırdı”
Ölkəmizin turizm potensialının tanıdılması
və təbliği istiqamətində müxtəlif ölkələrdə
keçirilən beynəlxalq sərgilərdə
təmsil olunması çox zəruridir. Bu il ərzində Mədəniyyət
və Turizm Nazirliyinin təşkilatçılığı ilə sözügedən sahə üzrə ölkəmizin
dünyada tanıdılması üçün yerli nümayəndə heyətimiz çoxsaylı beynəlxalq sərgilərdə
iştirak edib.
Belə sərgilərdən biri də
bu il noyabrın 9-dan 12-dək Böyük
Britaniyanın paytaxtı Londonda keçirilmiş “London WTM 2008” sərgisidir. Mədəniyyət və Turizm
Nazirliyinin turizm şöbəsinin marketinq və təbliğat sektorunun
müdiri Səbinə Kərimovadan
aldığımız məlumata görə,
sərgidə Azərbaycanın turizm imkanlarını nümayiş etdirmək
üçün 60 kvadrat metrlik lövhə icarəyə götürülüb:””London WTM
2008” Beynəlxalq Turizm Sərgisində 200 ölkədən 5000 rəsmi
turizm qurumu iştirak edirdi. Azərbaycanın bu sərgidə iştirakı
bir çox ölkələrin rəsmi qurumları və turoperatorları tərəfindən
böyük maraqla qarşılandı”.
Sərginin davam etdiyi üç gün ərzində
Azərbaycanın adı olan lövhəyə çoxlu sayda yerli sakinlərin
yaxınlaşdığını deyən sektor müdirinin sözlərinə görə, Azərbaycana
səfər etmək marağında olan hər bir insana ölkəmizlə
bağlı ətraflı məlumatlar verilib: “Bizimlə birlikdə sərgidə
iştirak edən nümayəndələr tərəfindən ölkəmizin
turizm potensialını təbliğ edən müxtəlif reklam-çap məhsulları
Azərbaycan lövhəsini ziyarət edənlərə təqdim
olundu. Bundan əlavə, ölkəmizə gəlmək üçün
vizanın alınması qaydaları, gediş-gəliş üçün nəqliyyat vasitələri,
prioritet sayılan turizm növləri və inkişaf etmiş turizm əraziləri
haqqında maraqlananlara geniş məlumat verdik. Eyni zamanda sərgi müddətində
Azərbaycanın turizm potensialını əks etdirən film və reklam çarxları ziyarətçilərə
nümayiş etdirildi”.
S.Kərimova onu da xatırlatdı ki, iştirakçıları və ziyarətçiləri
ölkəmizin mədəniyyəti ilə tanış etmək məqsədilə
Dövlət Mahnı və Rəqs Ansamblının üzvləri də Londona ezam
edilən nümayəndə heyətinin tərkibinə daxil
edilib: “Sərgi günlərində ansamblın üzvləri onlar üçün
xüsusi ayrılmış ümumi səhnədə, həmçinin ölkəmizə
aid stenddə tərtib olunmuş proqram üzrə çıxış etdilər. Zəngin və dərin kökləri olan milli musiqimiz, rəqslərimiz sərgi
iştirakçıları və ziyarətçilərinin böyük marağına səbəb
oldu. Onlar bizim nümayəndə heyətinə yaxınlaşıb mədəniyyətimizə və musiqimizə aid çoxlu sayda suallar verirdilər”.
S.Kərimovanın dediyinə görə,
onlarla birlikdə sərgidə iştirak etmiş turist şirkətlərimizin nümayəndələri
yerli turist şirkətləri ilə əməkdaşlıq əlaqələri
yaradıblar. Öz növbəsində həmin şirkətlərin rəsmiləri
ölkəmizə turist qruplarının gətirilməsində maraqlı
olduqlarını bildiriblər.
Lövhəmizə Böyük Britaniyadakı səfirimiz F.
Qurbanovun baxdığını deyən S.Kərimova bildirdi ki, sərgi zamanı
bir sıra xarici mətbuat nümayəndələri tərəfindən
(“Absolute publishinq Ltd”, “Metro İnternational”, “Turbiznes”, “Mecdunarodnıy
turizm”, “Bloomberg”, “France 24”, “Silk Road Media”, “Discovery Travel
Magazine”, “Travel Jhanel”, “FTP İnternational”, “EuroSport”, “Buzz TV”, “CHH”,
“EuroHews” və sair) respublikamızın turizm potensialını əks etdirən
məqalələrin, reklam filmlərinin hazırlanması və mətbuat
orqanlarında yerləşdirilməsi məqsədilə təkliflər
verilib: “Bundan əlavə, “France 24” və “Travel Shanel”
televiziya şirkətlərinə Azərbaycanın turizm potensialı
haqqında müsahibələr verildi. Həmçinin Omanda (OİTE), Rusiyada
(MİTT), Hindistanın Mumbai (Bombey) şəhərində (OTM), Mərakeşdə
(MTM) və BƏƏ-nin Dubay əmirliyində (ATM) keçiriləcək
sərgilərin təşkilat komitələrinin nümayəndələri
ilə görüşlərimiz oldu və 2010-cu ildə adıçəkilən
sərgilərdə iştirakımızla bağlı dəvətlər aldıq”.
Həmsöhbətim sonda bildirdi ki, həmişə
olduğu kimi, bu sərgidə də Ermənistan tərəfindən
icarəyə götürülmüş sahədə Qarabağ Turizm İnkişafı Agentliyi
tərəfindən ayrıca olaraq Qarabağın turizm potensialını əks
etdirən reklam-çap məhsulları (Stepanakert, Gandzasar, Şuşa broşürləri,
“Qarabağ bələdçisi”) təqdim edilib. Məsələ ilə
bağlı Azərbaycanın Böyük Britaniyadakı səfirliyi tərəfindən
sərginin təşkilatçılarına etiraz məktub göndərilib.
Əminik ki, gələcəkdə bu
cür beynəlxalq sərgilərdə ölkəmizin iştirakı təmin ediləcək,turizm
potensialımız dünyada tanınacaq və
Azərbaycana gələn turistlərin sayı artacaq.
G.ƏSƏDOVA
Paritet.- 2009.- 26 noyabr-2 dekabr.- S. 13.