Avropa Birliyi yanında Azərbaycan Respublikası Nümayəndəliyinin fəaliyyətinin təşkilatı təminatı haqqında

AZƏRBAYCAN RESPUBLİKASI PREZİDENTİNİN SƏRƏNCAMI

Avropa Birliyi yanında Azərbaycan Respublikası Nümayəndəliyinin fəaliyyətinin təmin edilməsi məqsədi ilə qərara alıram:

1. Avropa Birliyi yanında Azərbaycan Respublikası Nümayəndəliyinin ştat vahidlərinin sayı dörd nəfər müəyyən edilsin.

2. Azərbaycan Respublikasının Xarici İşlər Nazirliyinə tapşırılsın ki, üç gün müddətində Nümayəndəliyin strukturunu və ştat cədvəlini təsdiq etsin.

3. Azərbaycan Respublikasının Nazirlər Kabinetinə tapşırılsın ki, on beş gün müddətində Nümayəndəliyin maddi-texniki təchizatı və maliyyələşdirməsi məsələlərini həll etsin.

4. Bu Sərəncam imzalandığı gündən qüvvəyə minir.

Azərbaycan Respublikasının Prezidenti Heydər Əliyev

Bakı şəhəri, 3 aprel 2000-ci il

№ 379

Azərbaycan Respublikasının Qanunvericilik toplusu. – 2000. – 30 aprel, № 4. – S. 2058-2059.