“Metallurgiya” Dövlət Şirkətinin “Təkrar qara metal” İstehsalat Birliyinin özəlləşdirilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

Azərbaycan Respublikasında qara metal qırıntıları və tullantılarının toplanması işinin təşkilini yaxşılaşdırmaq, onların emal olunmasının və istifadəsinin səmərəliliyini artırmaq məqsədi ilə qərara alıram:

1. "Metallurgiya" Dövlət Şirkətinin "Təkrarqarametal" İstehsalat Birliyi özəlləşdirmək üçün Azərbaycan Respublikası Dövlət Əmlak Nazirliyinin sərəncamına verilsin.

2. Azərbaycan Respublikası Dövlət Əmlakı Nazirliyi "Təkrarqarametal" İstehsalat Birliyinin qanunvericiliklə müəyyən olunmuş qaydada səhmdar cəmiyyətinə çevrilməsini və özəlləşdirilməsini təmin etsin.

3. "Təkrarqarametal" İstehsalat Birliyinin özəlləşdirilməsində yerli sərmayəçilərlə yanaşı xarici sərmayəçilərin də iştirakına icazə verilsin.

4. Bu Sərəncam imzalandığı gündən qüvvəyə minir.

Azərbaycan Respublikasının Prezidenti Heydər Əlİyev

Bakı şəhəri, 25 aprel 2000-ci il
                   № 397

Azərbaycan Respublikasının Qanunvericilik toplusu. – 2000. – 30 aprel, № 4. – S. 2067-2068.