Kənd Təsərrüfatında
Özəl Bölmənin İnkişafına Yardım
Agentliyi haqqında
Əsasnamə
I. Ümumİ müddəalar
1.1. Kənd
Təsərrüfatında Özəl Bölmənin
İnkişafına Yardım Agentliyinin aparatı (bundan sonra —
Agentlik) və onun yerli orqanları (rayon işçi orqanları
və «Kənd təsərrüfatının inkişafı və
kreditləşdirilməsi Layihəsi»nə
uyğun yaradılan regional qurumlar) Agentliyin
vahid sistemini təşkil edirlər.
1.2.
Agentliyin əsas vəzifəsi kənd təsərrüfatında
islahatların aparılmasını və
özəl bölmənin inkişafını sürətləndirmək
üçün beynəlxalq maliyyə təşkilatları
ilə birlikdə «Təsərrüfatların özəlləşdirilməsi
Layihəsi»nin və «Kənd təsərrüfatının
inkişafı və kreditləşdirilməsi
Layihəsi»nin (bundan sonra — layihələr)
tabeliyində olan rayon işçi orqanları, regional qurumlar
və layihələrin iştirakçısı olan nazirlik,
komitə, aidiyyəti banklar və digər təşkilatlarla
birlikdə həyata keçirilməsini təmin
etməkdir.
1.3. Agentlik
öz fəaliyyətində Azərbaycan Respublikasının
Konstitusiyasını, Azərbaycan Respublikasının qanunlarını,
Azərbaycan Respublikası Prezidentinin fərman və
sərəncamlarını, Azərbaycan Respublikası Nazirlər
Kabinetinin qərar və sərəncamlarını, digər qanunvericilik
və normativ hüquqi aktları, habelə Kənd təsərrüfatında
özəl təsərrüfatların formalaşmasına
yardım üzrə Dövlət Komissiyasının
(bundan sonra — Dövlət Komissiyası) qərarlarını,
beynəlxalq maliyyə təşkilatları ilə
bağlanmış kredit sazişlərini və bu Əsasnaməni
rəhbər tutur.
1.4. Agentlik
Dövlət Komissiyasının tabeliyindədir.
1.5. Agentlik
Azərbaycan Respublikasının qanunvericiliyinə uyğun
olaraq hüquqi şəxsdir, Azərbaycan Respublikasının
Dövlət Gerbinin təsvirini və
özünün adını əks etdirən möhürə
malikdir və Bakı şəhərində yerləşir.
1.6. Agentlik
Azərbaycan Respublikasının Milli Bankında, Beynəlxalq
Səhmdar Kommersiya Bankında və digər aidiyyəti
banklarda hesablaşma və valyuta hesabları aça
bilər.
1.7. Agentlik
layihələrdə nəzərdə tutulmuş dövlət
büdcəsinin və beynəlxalq maliyyə təşkilatlarının
kredit vəsaitləri hesabına maliyyələşdirilir. Bərdə,
Lənkəran, Salyan, Ucar, Xaçmaz və Naxçıvan
Muxtar Respublikasının Şərur rayonlarında
yaradılmış rayon işçi orqanlarının və regional
qurumların fəaliyyətinə rəhbərlik edir.
1.8. Agentlik
Dövlət Komissiyasının rəhbərliyi altında
beynəlxalq və respublika maliyyə təşkilatları,
habelə layihələrin iştirakçısı
olan nazirlik, komitə, şirkət, konsern və
baş idarələrlə sıx əlaqədə işləyir.
II. Agentlİyİn FUNKSİYALARI və
hüquqları
2.1. Agentlik
öz vəzifəsini yerinə yetirmək üçün
aşağıdakı funksiyaları həyata keçirir:
layihələrin
tətbiqi ilə əlaqədar görülmüş işlər
barədə hər rübün yekununa görə Dövlət
Komissiyasına hesabat verir;
rayon
işçi orqanlarının və regional qurumların
ştat vahidləri və onların vəzifə
maaşları barədə təkliflərini Dövlət
Komissiyasının təsdiqinə verir;
növbəti
maliyyə ili üçün layihələrin tətbiqi ilə
əlaqədar büdcə və iş proqramlarını tərtib
edib Dövlət Komissiyasına və Dünya
Bankına göndərilməsini
təmin edir;
layihələrin
icrasına dair hesabat tələb edir və öz səlahiyyətləri
daxilində müvafiq göstərişlər verir;
rayon
işçi orqanlarına, regional qurumlara, habelə layihələrdə
iştirak edən nazirlik, komitə və digər təşkilatların
sifarişi əsasında lazımi iş şəraitinin
yaradılması üçün (tender müsabiqələrinin
keçirilməsi vasitəsilə inventar, avadanlıq, nəqliyyat
vasitələri və digər məsələlərin həlli
və s.) tədarük işlərini həyata keçirir və
bu barədə Dövlət Komissiyasına məlumatlar verir;
layihələr
daxilində aidiyyəti nazirlik, komitə və digər təşkilatlar
arasında koordinasiya, büdcənin hazırlanmasını,
əmək ehtiyatlarının idarə olunmasını, təlim, texniki köməklik,
ödəniş, hesabat, audit, nəzarət, qiymətləndirmə
ilə əlaqədar işləri təşkil edir və
Dövlət Komissiyası adından onlardan məlumatlar
alır;
layihələrin
tətbiqi ilə əlaqədar təklif, müraciət və
ərizələrə müntəzəm olaraq baxır,
onları təhlil edir, lazım gəldikdə, öz səlahiyyətləri daxilində
zəruri təkliflərin həyata keçirilməsini
təmin edir.
layihələrin
tətbiqinə ona verilən səlahiyyətlər daxilində
bağlanmış "Kredit Sazişi"ndən
irəli gələn vəzifələri icra edir;
layihə
üzrə həyata keçirilən işlərin
monitorinqini təşkil edir;
tətbiq
olunan layihələr çərçivəsində xaricdən
cəlb edilmiş kredit vəsaitlərinin istifadəsi üzrə
bütün prosedurlar barədə (audit,
tender, malların alqı-satqısı,
kontraktlar və s.) ödənişlər həyata keçirilməzdən əvvəl xarici
dövlət borcunun idarə edilməsini
həyata keçirən Azərbaycan Respublikasının
Maliyyə Nazirliyinə məlumat verir;
layihələrin
tətbiqi ilə əlaqədar malların tədarükü
və xidmətlərin göstərilməsi ilə
bağlı keçirilən tenderlərdə Azərbaycan
Respublikası maliyyə və İqtisadiyyat və Sənaye nazirliklərinin nümayəndələrinin
iştirakını təmin edir.
2.2.
Agentliyin hüquqları:
layihələrin
həyata keçirilməsi ilə əlaqədar Dövlət
Komissiyasına təkliflər verilməsi;
layihələrin
yerinə yetirilməsi ilə əlaqədar kənardan ekspert
və məsləhətçilərin cəlb edilməsi;
zəruri
hallarda Agentliyin və rayon işçi orqanlarının,
regional qurumların əsasnamələrinə əlavələr
və dəyişikliklər edilməsi barədə Dövlət
Komissiyasına təkliflərin verilməsi.
III. Agentlİyİn rəhbərİnİn səlahİyyətlərİ
3.1.
Agentliyin rəhbəri Dövlət Komissiyası sədrinin təklifinə
əsasən Dövlət Komissiyasının qərarı ilə
vəzifəyə təyin və vəzifədən azad
edilir.
3.2.
Agentliyin rəhbəri:
Agentliyin fəaliyyətinə
rəhbərlik edir və onun işini təşkil edir;
onun təqdimatına
əsasən Agentliyin rəhbərinin müavininin namizədliyi
Dövlət Komissiyasında təsdiq edildikdən
sonra vəzifəyə təyin və vəzifədən
azad edir;
Agentliyin və
rayon işçi orqanlarının işçilərini
müsabiqə əsasında vəzifəyə təyin edir və
vəzifədən azad edir;
Agentlik
işçiləri arasında iş bölgüsü
aparır və onların, eləcə də rəhbərin
müavininin görəcəyi iş funksiyalarını müəyyənləşdirir;
Agentliyi
üçüncü şəxslərlə münasibətlərdə
təmsil edir;
öz səlahiyyətləri
daxilində Agentliyin fəaliyyəti ilə əlaqədar əmr
və göstərişlər verir;
layihələrin
tətbiqi ilə əlaqədar nazirlik, komitə, şirkət
və digər baş idarə rəhbərlərinə, rayon
(şəhər) icra hakimiyyəti orqanlarına müraciət
edib onlardan lazımi məlumat və köməklik ala bilər;
layihələrin
ayrı-ayrı tərkib hissələrinin həyata
keçirilməsi üçün layihə
iştirakçılarının sifarişləri əsasında
Dövlət Komissiyası ilə razılaşdırılmaqla
xüsusi hesablardan vəsait götürmək səlahiyyətinə
malikdir;
texniki,
maliyyə və hüquq məsləhətlərinin verilməsi,
təhlillər aparmaq üçün yüksək
ixtisaslı yerli mütəxəssisləri cəlb etməkdən
ötrü layihələrdə göstərilən
məqsədlərdə nəzərdə tutulmuş vəsaitlərdən
Dövlət Komissiyasının sədri ilə razılaşdırılmaqla istifadə edə
bilər.
Azərbaycan
Respublikası Nazirlər Kabinetinin
2000-ci il 11 aprel tarixli, 65
nömrəli qərarı ilə
təsdİq
edİlmİşdİr.
Azərbaycan Respublikasının
Qanunvericilik toplusu. – 2000. – 30 aprel, ¹ 4. – S. 2081-2083.