“Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun tətbiq edilməsi barədə

AZƏRBAYCAN RESPUBLİKASI PREZİDENTİNİN FƏRMANI

"Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun qüvvəyə minməsi ilə əlaqədar həmin Qanunun tətbiq edilməsini təmin etmək məqsədi ilə qərara alıram:

1. Azərbaycan Respublikasının Nazirlər Kabinetinə tapşırılsın ki, iki ay müddətində:

1.1. qüvvədə olan qanunvericilik aktlarının "Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununa uyğunlaşdırılması barədə təkliflərini Azərbaycan Respublikasının Prezidentinə təqdim etsin;

1.2. Nazirlər Kabinetinin və müvafiq mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını təmin etsin və bu barədə Azərbaycan Respublikasının Prezidentinə məlumat versin;

1.3. inzibati xətalar haqqında işlərə Azərbaycan Respublikasının İnzibati Xətalar Məcəlləsinin 357.0.3-cü maddəsində nəzərdə tutulmuş orqanlar adından baxmağa səlahiyyəti olan vəzifəli şəxslər barədə təkliflərini Azərbaycan Respublikasının Prezidentinə təqdim etsin;

1.4. öz səlahiyyəti hüdudlarında "Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanunundan irəli gələn digər məsələləri həll etsin.

2. Müəyyən edilsin ki,

2.1 Azərbaycan Respublikasının İnzibati Xətalar Məcəlləsinin 15.5-ci maddəsində və 15-ci maddəsinin qeydinin birinci abzasında "müvafiq icra hakimiyyəti orqanları" dedikdə Azərbaycan Respublikasının Müdafiə Nazirliyi, Azərbaycan Respublikasının Daxili İşlər Nazirliyi, Azərbaycan Respublikasının Milli Təhlükəsizlik Nazirliyi, Azərbaycan Respublikasının Ədliyyə Nazirliyi (Naxçıvan Muxtar Respublikasının ərazisində Naxçıvan Muxtar Respublikasının Ədliyyə Nazirliyi), Azərbaycan Respublikasının Fövqəladə Hallar Nazirliyi, Azərbaycan Respublikası Dövlət Sərhəd Xidməti, Azərbaycan Respublikasının Ali Dövlət Hakimiyyəti və İdarəetmə Orqanlarının Baş Mühafizə İdarəsi nəzərdə tutulur;

2.2. həmin Məcəllənin 15-ci maddəsinin qeydinin ikinci abzasında “müvafiq icra hakimiyyəti orqanları” dedikdə “Azərbaycan Dəmir Yolları” Qapalı Səhmdar Cəmiyyəti nəzərdə tutulur;

2.3. həmin Məcəllənin 53-2-ci, 318-ci, 318-1-ci, 322.3-cü və 322.4-cü maddələrində "müvafiq icra hakimiyyəti orqanı" dedikdə Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur;

2.4. həmin Məcəllənin 38-6.3-cü, 38-7-ci, 65-1.0.2-ci, 65-1.0.3-cü, 67-ci, 326-4.1-ci, 326-4.2-ci maddələrində "müvafiq icra hakimiyyəti orqanı" dedikdə Azərbaycan Respublikasının Səhiyyə Nazirliyi nəzərdə tutulur;

2.5. həmin Məcəllənin 114.2-ci maddəsində nəzərdə tutulmuş "müvafiq icra hakimiyyəti orqanı" dedikdə Azərbaycan Respublikasının Energetika Nazirliyi nəzərdə tutulur;

2.6. həmin Məcəllənin 122.2-ci maddəsində "müvafiq icra hakimiyyəti orqanı" dedikdə Azərbaycan Respublikasının Kənd Təsərrüfatı Nazirliyi nəzərdə tutulur;

2.7. həmin Məcəllənin 144-cü və 455.3-cü maddələrində "müvafiq icra hakimiyyəti orqanı" dedikdə Azərbaycan Respublikasının Fövqəladə Hallar Nazirliyi nəzərdə tutulur;

2.8. həmin Məcəllənin 151.3-cü, 154.5-ci, 158.3-cü, 163.0.12-ci, 164.0.8-ci (yol hərəkətinin təhlükəsizliyi sahəsində), 221.2-ci, 232-ci, 233-cü, 346.1-ci, 346.2-ci, 348–2.0.2-ci, 348–2.0.3-cü, 397.3-cü, 398.1.1-ci, 404.8-ci, 406.1.7-ci, 407.1-ci maddələrində, 407.1–1-ci maddəsinin birinci cümləsində, 407.2-407.3-1-ci 408-ci maddələrində, 429-5.1-ci maddəsinin ikinci və üçüncü cümlələrində, 429-6.3-cü maddəsinin ikinci cümləsində, 451.7-ci maddəsinin üçüncü cümləsində, 455.2-ci və 458.2-ci maddələrində "müvafiq icra hakimiyyəti orqanı" dedikdə Azərbaycan Respublikasının Daxili İşlər Nazirliyi nəzərdə tutulur;

2.8-1. həmin Məcəllənin 391.1-1-ci maddəsində, 421.3-cü maddəsində, 429-3.1-ci maddəsinin birinci cümləsində, 429-3.2-ci maddəsində, 429-3.4-cü maddəsinin ikinci cümləsində, 429-4.1-ci maddəsində, 429-4.2-ci maddəsinin üçüncü cümləsində, 429-5.4-cü maddəsinin birinci və dördüncü cümlələrində, 429-5.5-ci maddəsinin üçüncü cümləsində, 429-5.6-cı maddəsinin üçüncü cümləsində, 429-6.1-ci maddəsində (birinci halda) və 429-7.3-cü maddəsində “müvafiq icra hakimiyyəti orqanının mərkəzi informasiya sistemi” dedikdə, Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi nəzərdə tutulur;

2.8-2. həmin Məcəllənin 429-3.1-ci maddəsinin ikinci cümləsində, 429-6.1-ci maddəsində (ikinci halda), 429-6.2.1-ci maddəsində və 429-6.2.2-ci maddəsində “müvafiq icra hakimiyyəti orqanının informasiya sistemi” dedikdə, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “ASAN ödəniş” sistemi nəzərdə tutulur;

2.8-3. həmin Məcəllənin 451.3-cü maddəsinin üçüncü cümləsində “müvafiq icra hakimiyyəti orqanlarının informasiya sistemləri” dedikdə, Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “ASAN ödəniş” sistemi nəzərdə tutulur;

2.9. həmin Məcəllənin 28-1.1-ci maddəsinin ikinci cümləsində, 300.0.3-cü, 314-1.1-ci, 314-1.2-ci maddələrində, 370-1.3-cü maddəsinin birinci cümləsində, 370-3.3-cü, 456-1.1-ci və 456-1.3-cü maddələrində “müvafiq icra hakimiyyəti orqanı”, 194.1-ci, 235-ci və 356.1-ci maddələrində “müvafiq icra hakimiyyəti orqanları” dedikdə Azərbaycan Respublikasının yerli icra hakimiyyəti orqanları nəzərdə tutulur;

2.10. həmin Məcəllənin 213-cü, 324-cü maddəsinin adında, 324.1-ci və 324.2-ci maddələrində "müvafiq icra hakimiyyəti orqanı" dedikdə Azərbaycan Respublikasının Qiymətli Kağızlar üzrə Dövlət Komitəsi nəzərdə tutulur;

2.11. həmin Məcəllənin 247.1-ci, 247.2-ci və 325-ci maddələrində "müvafiq icra hakimiyyəti orqanı" dedikdə Azərbaycan Respublikasının Vergilər Nazirliyi nəzərdə tutulur;

2.12. həmin Məcəllənin 256-cı maddəsində "müvafiq icra hakimiyyəti orqanı" dedikdə Azərbaycan Respublikasının Azərbaycan Respublikasının Maliyyə Nazirliyi nəzərdə tutulur;

2.13. həmin Məcəllənin 258-ci, 260-cı, 261.2-ci, 263-cü, 264-cü, 265.0.1-ci, 265.0.3-265.0.5-ci, 266-cı maddəsinin adında, 266.1-266.3-cü, 267-ci, 268-ci, 269-cu, 272-ci, 273-cü, 275-ci, 276-ci, 277-ci, 282.2-ci, 287-ci, 288-ci, 291-ci, 292-ci və 326-cı maddələrində "müvafiq icra hakimiyyəti orqanı" dedikdə Azərbaycan Respublikasının Dövlət Gömrük Komitəsi nəzərdə tutulur;

2.14. həmin Məcəllənin 317-ci maddəsində "müvafiq icra hakimiyyəti orqanı" dedikdə Azərbaycan Respublikasının Standartlaşdırma, Metrologiya və Patent üzrə Dövlət Komitəsi nəzərdə tutulur;

2.15. həmin Məcəllənin 76-1.0.1-ci, 92.3.4-cü, 319-cu və 455.4-cü maddələrində "müvafiq icra hakimiyyəti orqanı" dedikdə Azərbaycan Respublikasının Ekologiya və Təbii Sərvətlər Nazirliyi nəzərdə tutulur;

2.16. həmin Məcəllənin 320-1-ci maddəsində "müvafiq icra hakimiyyəti orqanları" dedikdə Azərbaycan Respublikasının Energetika Nazirliyi, Azərbaycan Meliorasiya və Su Təsərrüfatı Açıq Səhmdar Cəmiyyəti, Azərbaycan Respublikasının Fövqəladə Hallar Nazirliyi nəzərdə tutulur;

2.17. həmin Məcəllənin 324-6-cı maddəsində nəzərdə tutulmuş "müvafiq icra hakimiyyəti orqanının səlahiyyətlərini Azərbaycan Respublikasının Əmlak Məsələləri Dövlət Komitəsi həyata keçirir;

2.17-1. həmin Məcəllənin 221.3-cü və 323.1-ci maddələrində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının İqtisadiyyat və Sənaye Nazirliyi həyata keçirir;

2.18. həmin Məcəllənin 357.0.3-cü və 361-ci maddələrində "müvafiq icra hakimiyyəti orqanları" dedikdə bu Fərmanın 3-cü bəndində göstərilmiş inzibati xətalar haqqında işlərə baxmağa səlahiyyəti olan Azərbaycan Respublikasının nazirlikləri, dövlət komitələri və digər müvafiq icra hakimiyyəti orqanları, habelə yerli icra hakimiyyəti orqanları nəzərdə tutulur;

2.19. həmin Məcəllənin 359.2-ci maddəsində nəzərdə tutulmuş "Azərbaycan Respublikasının müvafiq icra hakimiyyəti orqanı"nın səlahiyyətlərini Azərbaycan Respublikasının Prezidenti həyata keçirir;

2.20. həmin Məcəllənin 398.1.2-ci maddəsində "müvafiq icra hakimiyyəti orqanı" dedikdə Azərbaycan Respublikasının Dövlət Sərhəd Xidməti nəzərdə tutulur;

2.21. həmin Məcəllənin 130.6-cı və 398.1.4-cü maddələrində "müvafiq icra hakimiyyəti orqanı" dedikdə Azərbaycan Respublikasının Müdafiə Nazirliyi nəzərdə tutulur;

2.22. həmin Məcəllənin 126.1.4-cü, 126.1.11-ci, 404.10-cu və 406.6-cı maddələrində nəzərdə tutulmuş "müvafiq icra hakimiyyəti orqanı"nın səlahiyyətlərini Azərbaycan Respublikasının Nazirlər Kabineti həyata keçirir;

2.23. həmin Məcəllənin 426.3.4-cü maddəsində "müvafiq icra hakimiyyəti orqanı" dedikdə Azərbaycan Respublikası Prezidentinin İcra Aparatı nəzərdə tutulur;

2.24. həmin Məcəllənin 326-2-ci və 402.3-cü maddələrində nəzərdə tutulmuş "müvafiq icra hakimiyyəti orqanı" dedikdə Azərbaycan Respublikasının Nazirlər Kabineti yanında Dövlət Feldyeger Xidməti nəzərdə tutulur;

2.25. həmin Məcəllənin 223-1.1-ci maddəsində "müvafiq icra hakimiyyəti orqanı” dedikdə Azərbaycan Respublikasının Ədliyyə Nazirliyi və Azərbaycan Respublikasının İqtisadiyyat və Sənaye Nazirliyi nəzərdə tutulur;

2.26. "həmin Məcəllənin 223-1.2-ci, 300.0.1-ci və 300.0.3-cü maddələrində "müvafiq icra hakimiyyəti orqanı" dedikdə Azərbaycan Respublikasının Dini Qurumlarla İş üzrə Dövlət Komitəsi nəzərdə tutulur;

2.27. həmin Məcəllənin 326.1-cı maddəsində "bələdiyyələrin fəaliyyətinə inzibati nəzarəti həyata keçirən orqan" dedikdə Azərbaycan Respublikasının Ədliyyə Nazirliyi nəzərdə tutulur;

2.28. həmin Məcəllənin 349-cu, 350-ci, 351-ci, 354.2.1-ci, 354.2.3-cü, 354.3-cü və 356-1.1-ci maddələrində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri həyata keçirirlər;

2.29. həmin Məcəllənin 125.0.3-cü maddəsində "müvafiq icra hakimiyyəti orqanları dedikdə, Azərbaycan Respublikasının Kənd Təsərrüfatı Nazirliyi yanında Dövlət Baytarlıq Nəzarəti Xidməti nəzərdə tutulur.

2.30. həmin Məcəllənin 53-4.1-ci və 53-4.2-ci maddələrində nəzərdə tutulmuş "müvafiq icra hakimiyyəti orqanları" dedikdə Azərbaycan Respublikasının Dövlət Sosial Müdafiə Fondu və Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur.

2.31. həmin Məcəllənin 324-3.2-ci maddəsində “müvafiq icra hakimiyyəti orqanları” dedikdə, Azərbaycan Respublikasının Mədəniyyət və Turizm Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Energetika Nazirliyi, Azərbaycan Respublikasının Rabitə və Yüksək Texnologiyalar Nazirliyi, Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Dövlət Şəhərsalma və Arxitektura Komitəsi, Azərbaycan Meliorasiya və Su Təsərrüfatı Açıq Səhmdar Cəmiyyəti, rayon və şəhər icra hakimiyyəti orqanları nəzərdə tutulur.

2.32. həmin Məcəllənin 348–2.0.1-ci maddəsində “müvafiq icra hakimiyyəti orqanı” dedikdə, Azərbaycan Respublikasının ərazisində xarici hüquqi şəxslər və ya əcnəbi və ya vətəndaşlığı olmayan şəxslər tərəfindən təsis edilmiş hüquqi şəxslər, o cümlədən birbaşa və ya dolayı yolla xarici kapitalın iştirakı ilə yaradılmış hüquqi şəxslərə münasibətdə Azərbaycan Respublikasının Milli Təhlükəsizlik Nazirliyi, digər hüquqi şəxslərə münasibətdə Azərbaycan Respublikasının Daxili İşlər Nazirliyi nəzərdə tutulur.

2.33. həmin Məcəllənin 257-4-cü maddəsində “müvafiq icra hakimiyyəti orqanı” dedikdə Azərbaycan Respublikasının Dövlət Sosial Müdafiə Fondu nəzərdə tutulur.

2.34. həmin Məcəllənin 88-2.1.1-ci və 88-2.1.2-ci maddələrində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Əmlak Məsələləri Dövlət Komitəsi, Azərbaycan Respublikasının Fövqəladə Hallar Nazirliyi, Azərbaycan Respublikasının Dövlət Sərhəd Xidməti və rayon (şəhər) icra hakimiyyəti orqanları ilə razılaşdırmaqla həyata keçirir.

2.34-1. həmin Məcəllənin 88-2.1.3-cü maddəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Nazirlər Kabineti həyata keçirir

2.35. həmin Məcəllənin 324-1-ci maddəsində “müvafiq icra hakimiyyəti orqanı” dedikdə Azərbaycan Respublikasının Əmlak Məsələləri Dövlət Komitəsi nəzərdə tutulur.

2.36. həmin Məcəllənin 155.1.9-cu maddəsində “müvafiq icra hakimiyyəti orqanı” dedikdə, Azərbaycan Respublikasının Fövqəladə Hallar Nazirliyi və Azərbaycan Respublikasının Daxili İşlər Nazirliyi nəzərdə tutulur;

2.37. həmin Məcəllənin 320-ci maddəsində “müvafiq icra hakimiyyəti orqanları” dedikdə, Azərbaycan Respublikasının Energetika Nazirliyi və Azərbaycan Respublikasının Fövqəladə Hallar Nazirliyi nəzərdə tutulur;

2.38. həmin Məcəllənin 321.1-ci maddəsində “müvafiq icra hakimiyyəti orqanı” dedikdə, Azərbaycan Respublikasının Fövqəladə Hallar Nazirliyi və Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur.

2.39. həmin Məcəllənin 398.1.6-cı maddəsində «müvafiq icra hakimiyyəti orqanı» dedikdə, Azərbaycan Respublikasının Dövlət Miqrasiya Xidməti nəzərdə tutulur;

2.40. həmin Məcəllənin 457.2-ci, 457.2-1-ci, 457.4-cü maddələrində «müvafiq icra hakimiyyəti orqanı» dedikdə, Azərbaycan Respublikasının Dövlət Miqrasiya Xidməti nəzərdə tutulur.

2.41. həmin Məcəllənin 221.5-ci maddəsində “müvafiq icra hakimiyyəti orqanı” dedikdə Azərbaycan Respublikasının şəhər və kənd yaşayış məntəqələrində, digər ərazilərində yerləşən küçə reklamı daşıyıcılarına münasibətdə rayon və şəhər icra hakimiyyəti orqanları, “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqları ərazisində və qoruqlara daxil olan abidələrin üzərində yerləşən küçə reklamı daşıyıcılarına münasibətdə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi nəzərdə tutulur.

2.42. həmin Məcəllənin 247-4-cü maddəsində, 407.1–1-ci maddəsinin ikinci cümləsində “müvafiq icra hakimiyyəti orqanı” dedikdə Azərbaycan Respublikasının Maliyyə Nazirliyi nəzərdə tutulur.

2.43. həmin Məcəllənin 163.0.1-ci, 164.0.8-ci (yol hərəkətinin təhlükəsizliyi sahəsi istisna olmaqla) və 326-5-ci maddələrində “müvafiq icra hakimiyyəti orqanı” dedikdə Azərbaycan Respublikasının Nəqliyyat Nazirliyi nəzərdə tutulur.

2.44. həmin Məcəllənin 451.7-ci maddəsinin altıncı cümləsində “müvafiq icra hakimiyyəti orqanı” dedikdə Azərbaycan Respublikasının Ədliyyə Nazirliyi nəzərdə tutulur;

2.45. həmin Məcəllənin 200-1-ci, 200-3-cü maddələrində “müvafiq icra hakimiyyəti orqanı” dedikdə Azərbaycan Respublikasının Vergilər Nazirliyinə bilavasitə tabe olan vergi orqanları, habelə Naxçıvan Muxtar Respublikasının Vergilər Nazirliyi, Azərbaycan Respublikasının Ədliyyə Nazirliyi, Azərbaycan Respublikası Ədliyyə Nazirliyinin rayon (şəhər) qeydiyyat şöbələri və Naxçıvan Muxtar Respublikasının Ədliyyə Nazirliyi, Azərbaycan Respublikasının Dini Qurumlarla İş üzrə Dövlət Komitəsi və Naxçıvan Muxtar Respublikasının Dini Qurumlarla İş üzrə İdarəsi nəzərdə tutulur;

2.46. həmin Məcəllənin 451.8-ci maddəsinin dördüncü cümləsində “müvafiq icra hakimiyyəti orqanı” dedikdə Azərbaycan Respublikasının Ədliyyə Nazirliyi nəzərdə tutulur.

2.47. həmin Məcəllənin 54.0.9-cu maddəsində “müvafiq icra hakimiyyəti orqanı” dedikdə, Azərbaycan Respublikasının Dövlət Statistika Komitəsi nəzərdə tutulur;

2.48. həmin Məcəllənin 340-3-cü, 340-4-cü, 348-8.2.1-ci, 348-8.2.2-ci və 348-8.2.3-cü maddələrində “müvafiq icra hakimiyyəti orqanı” dedikdə, Azərbaycan Respublikasının Ədliyyə Nazirliyi nəzərdə tutulur;

2.49. həmin Məcəllənin 74.2-ci maddəsində “müvafiq icra hakimiyyəti orqanı” dedikdə, Azərbaycan Respublikasının Mədəniyyət və Turizm Nazirliyi, “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqları ərazisində yerləşən mədəni sərvətlərə münasibətdə isə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi nəzərdə tutulur.

3. Azərbaycan Respublikasının İnzibati Xətalar Məcəlləsinin 357.0.3-cü maddəsinə müvafiq olaraq müəyyən edilsin ki:

3.1. həmin Məcəllənin 53, 53-1, 53-2, 54-59-cu, 253-1.2-ci, 318-ci, 318-1-ci və 322-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Əmək və Əhalinin Sosial Müdafiəsi Nazirliyi baxır;

3.2. həmin Məcəllənin 64-68-ci, 68-8.1-ci, 103-cü və 230-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Səhiyyə Nazirliyi baxır;

3.3. həmin Məcəllənin 49-cu, 68-10-cu, 69-cu, 104.3-cü, 104.4-cü, 123-1-ci, 126.1.1-126.1.8-ci, 126.2-ci (baxılması səlahiyyətlərinə aid edilmiş maddələr üzrə), 140-1-ci, 150-2.1.2, 150-2.1.7-ci, 150-3-cü, 150-4-cü, 151.1—151.4-cü, 151-1 – 151-4-cü, 152.1-152.3-cü, 152-3.1–152-3.4-cü, 152-4-cü, 152-5.1–152-5.4-cü, 153.1-153.5, 154.1-ci, 155.1-155.3-cü, 155.6-cı, 156-1-ci, 158-ci, 158-1-ci, 160-cı, 162-ci, 163.0.1–163.0.3-cü, 163.0.6-cı, 163.0.12-ci, 163.0.14-cü, 163-1.1–163-1.3-cü, 164.0.1-ci, 164.0.4-cü, 164.0.7-ci, 165-168-ci, 221.2-ci, 224-1.2-ci, 232-ci, 296-cı, 298-1-ci, 301.0.1-301.0.6-cı, 301.0.9-301.0.13-cü, 305-ci, 306-ci, 308-ci, 327-329-cu, 337-ci, 341-ci, 341-1-ci, 341-2-ci, 342-ci və 344-348-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Daxili İşlər Nazirliyi baxır;

3.3-1. həmin Məcəllənin 38-1-ci, 152-1.1-ci, 152-2.1-ci, 152-2.2-ci, 156.2-ci, 298-ci, 307-1-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Daxili İşlər Nazirliyi baxır və ya inzibati xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, məsuliyyəti ağırlaşdıran halların mövcudluğunu nəzərə alaraq şəxs barəsində həmin maddələrdə nəzərdə tutulan xəbərdarlıq və ya cərimə inzibati tənbeh tədbirlərindən daha ağır tənbeh tədbirinin tətbiqini mümkün hesab etdikdə inzibati xəta haqqında işi baxılması üçün məhkəməyə göndərir;

3.3-2. həmin Məcəllənin 253-1.3-cü maddəsində nəzərdə tutulmuş inzibati xətalar haqqında işlərə avtonəqliyyat vasitəsi sahiblərinin mülki məsuliyyətinin icbari sığortası üzrə standart sığorta müqaviləsi növünə münasibətdə - Azərbaycan Respublikasının Daxili İşlər Nazirliyi, sərhəd sığorta müqaviləsinə və Azərbaycan Yaşıl Kartı növünə münasibətdə - Azərbaycan Respublikasının Dövlət Gömrük Komitəsi baxır.

3.4. həmin Məcəllənin 70-ci, 86-cı (meşə fondu torpaqlarına aid hissəsində), 92-100-cü maddələrində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi baxır;

3.5. həmin Məcəllənin 71-ci, 85.0.3-cü, 85.0.5-85.0.7-ci, 102.0.6-ci və 102.0.7-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi baxır;

3.6. həmin Məcəllənin 72-ci, 101-ci, 102.0.2-ci, 102.0.3-cü, 102.0.5-ci və 106-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Nazirlər Kabineti yanında Meliorasiya və Su Təsərrüfatı Komitəsi baxır;

3.7. həmin Məcəllənin 73-cü, 78-84-1-ci, 102.0.1-ci, 102.0.4-cü, 104.1-ci, 104.2-ci, 110-cu, 112-ci, 113.1.1-113.1.9-cu, 113.1.11-ci, 113.1.12-ci, 113.2-ci, 127-129-cu, 319-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi baxır;

3.8. həmin Məcəllənin 74.2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Mədəniyyət və Turizm Nazirliyi, bu inzibati xətalar “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqları ərazisində yerləşən mədəni sərvətlərə münasibətdə törədildikdə isə Azərbaycan Respublikasının Nazirlər Kabineti yanında “İçərişəhər” Dövlət Tarix Memarlıq Qoruğu İdarəsi baxır;

3.8-1. həmin Məcəllənin 74.3-cü və 74.4-cü maddələrində nəzərdə tutulmuş inzibati xətalar haqqında işlərə mədəni irsə münasibətdə Azərbaycan Respublikasının Mədəniyyət və Turizm Nazirliyi, təbii irsə münasibətdə Azərbaycan Respublikasının Ekologiya və Təbii Sərvətlər Nazirliyi, bu inzibati xətalar “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqları ərazisində törədildikdə isə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi baxır

3.9. həmin Məcəllənin 75-ci 119-cu, 119-1.1-ci, 119-1.3-cü, 120-ci, 121-ci, 123-cü, 124-cü, 125-ci, 126.1.9-126.1.11-ci və 126.2-ci (baxılması səlahiyyətlərinə aid edilmiş maddələr üzrə) maddələrində nəzərdə tutulmuş inzibati xətalar haqqında işlərə Azərbaycan Respublikasının Kənd Təsərrüfatı Nazirliyi baxır;

3.10. həmin Məcəllənin 86-cı (meşə fonduna aid olan torpaqlar istisna olmaqla), 87-89-cu və 90.2-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Əmlak Məsələləri Dövlət Komitəsi baxır;

3.11. həmin Məcəllənin 90.1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi, yerquruluşu və kadastr məqsədləri üçün daimi fəaliyyət göstərən geodeziya istinad məntəqələrinin sıradan çıxarılması ilə əlaqədar inzibati xətalar haqqında işlərə isə Azərbaycan Respublikasının Əmlak Məsələləri Dövlət Komitəsi baxır.

3.12. həmin Məcəllənin 108-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi baxır;

3.13. həmin Məcəllənin 109.0.1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi, xüsusi (sahəvi) təyinatlı geodeziya materiallarının və məlumatlarının, avadanlığının və cihazlarının ticarət dövriyyəsinə daxil edilməsi ilə əlaqədar inzibati xətalar haqqında işlərə isə Azərbaycan Respublikasının Əmlak Məsələləri Dövlət Komitəsi baxır;

3.13-1. həmin Məcəllənin 109.0.2-ci və 109.0.3-cü maddələrində nəzərdə tutulmuş inzibati xətalar haqqında işlərə Azərbaycan Respublikasının Ekologiya və Təbii Sərvətlər Nazirliyi, yerquruluşu və kadastr məqsədləri üçün daimi fəaliyyət göstərən geodeziya istinad məntəqələrinin korlanması, yaxud məhv edilməsi, yerlərinin dəyişdirilməsi, habelə belə məntəqələrin yenidən qurulması, yaxud yeni məntəqələrin quraşdırılması ilə əlaqədar inzibati xətalar haqqında işlərə isə Azərbaycan Respublikasının Əmlak Məsələləri Dövlət Komitəsi baxır;

3.14. həmin Məcəllənin 111-ci maddəsində nəzərdə tutulmuş inzibati xətalar haqqında işlərə həmin işlər üzrə inzibati icraata başlamış Azərbaycan Respublikasının Daxili İşlər Nazirliyi və ya Azərbaycan Respublikasının Ekologiya və Təbii Sərvətlər Nazirliyi baxırlar, yaxud inzibati xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, məsuliyyəti ağırlaşdıran halların mövcudluğunu nəzərə alaraq şəxs barəsində həmin maddədə nəzərdə tutulan cərimə inzibati tənbeh tədbirindən daha ağır tənbeh tədbirinin tətbiqini mümkün hesab etdikdə inzibati xəta haqqında işi baxılması üçün məhkəməyə göndərirlər;

3.15. həmin Məcəllənin 114.1-ci və 115-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır;

3.16. həmin Məcəllənin 116-118-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Energetika Nazirliyi baxır;

3.17. həmin Məcəllənin 115-1-ci və 320-1-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Energetika Nazirliyi, Azərbaycan Respublikasının Fövqəladə Hallar Nazirliyi öz səlahiyyətləri daxilində baxırlar;

3.18. həmin Məcəllənin 149.2-149.5-ci, 150.2–150.5-ci, 150-2.1.3–150-2.1.6-cı, 150-5.2-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Nəqliyyat Nazirliyi baxır;

3.19. həmin Məcəllənin 135-140-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Nəqliyyat Nazirliyi baxır;

3.20. həmin Məcəllənin 141-143-cü, 145-148-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Dəniz Administrasiyası baxır;

3.21. həmin Məcəllənin 144-cü maddəsində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır;

3.22. həmin Məcəllənin 149.1-ci, 150.1-ci, 193-195-ci, 197-ci, 198-ci, 199-2-ci, 221.1-ci, 231-ci, 236.1-ci, 239-241-ci və 342-1-ci maddələrində nəzərdə tutulmuş inzibati xətalar haqqında işlərə Azərbaycan Respublikasının yerli icra hakimiyyəti orqanları baxırlar;

3.23. həmin Məcəllənin 169-180-ci, 183-1-ci, 240-1.3-cü və 240-1.4-cü maddələrində nəzərdə tutulmuş inzibati xətalar haqqında işlərə Azərbaycan Respublikasının Rabitə və Yüksək Texnologiyalar Nazirliyi baxır;

3.24. həmin Məcəllənin 190-ci və 191-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Statistika Komitəsi baxır;

3.25. həmin Məcəllənin 192-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Nazirlər Kabineti yanında Baş Arxiv İdarəsi baxır;

3.26. həmin Məcəllənin 196.0.2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Dövlət Tikinti və Arxitektura Komitəsi, 196.0.3-196.0.6-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi, 196.0.1-ci maddəsində nəzərdə tutulmuş xüsusi razılıq (lisenziya) olmadan I və II məsuliyyət səviyyəli bina və qurğuların layihələndirilməsi ilə əlaqədar inzibati xətalar haqqında işlərə Azərbaycan Respublikasının Dövlət Tikinti və Arxitektura Komitəsi, xüsusi razılıq (lisenziya) olmadan I və II məsuliyyət səviyyəli bina və qurğuların mühəndis-axtarış və tikinti-quraşdırma işlərinin aparılması ilə əlaqədar inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır;

3.27. həmin Məcəllənin 206-220-ci, 220-1-ci, 221-1-ci və 324-cü maddələrində nəzərdə tutulmuş xətalar haqqında işlərə Azərbaycan Respublikasının Qiymətli Kağızlar üzrə Dövlət Komitəsi baxır;

3.28. həmin Məcəllənin 221.3-cü, 221.4-cü, 224-cü, 225-ci, 226-cı, 227-ci, 228.0.2-ci, 228.0.7-ci, 228.0.13-cü, 231-ci, 231–1-ci, 323.2-ci maddələrində nəzərdə tutulmuş inzibati xətalar haqqında işlərə Azərbaycan Respublikasının İqtisadiyyat və Sənaye Nazirliyi baxır;

3.29. həmin Məcəllənin 222.2-ci, 247.1-ci, 247.2-ci, 248-ci, 249-cu, 252-ci və 325-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Vergilər Nazirliyi baxır;

3.29-1. həmin Məcəllənin 246-cı maddəsində nəzərdə tutulmuş inzibati xətalar haqqında işlərə vergilərə münasibətdə Azərbaycan Respublikasının Vergilər Nazirliyi, məcburi dövlət sosial sığorta haqlarına münasibətdə Azərbaycan Respublikasının Dövlət Sosial Müdafiə Fondu baxır;

3.30. həmin Məcəllənin 222.3-cü və 222.4-cü, 223-2-223-9-cu, 247-2-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Mərkəzi Bankı baxır;

3.31. həmin Məcəllənin 204-1-ci, 204-2-ci, 238-1-ci, 253-cü, 253-2-ci, 254-cü, 255-ci, 255-1-ci, 255-2-ci, 255-3-cü, 257-1-ci və 257-5-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Maliyyə Nazirliyi baxır;

3.32. həmin Məcəllənin 52-1.2-ci, 257-2-ci və 257-4-cü maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Sosial Müdafiə Fondu baxır;

3.33. həmin Məcəllənin 74.1-ci, 259-291-ci, 293-cü, 294-cü, 295-ci və 326-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Gömrük Komitəsi baxır;

3.34. həmin Məcəllənin 302-304-cü, 253.1-ci və 316-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır;

3.35. həmin Məcəllənin 228.0.1-ci, 228.0.8 - 228.0.11-ci, 317.2-ci və 317-1-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Standartlaşdırma, Metrologiya və Patent üzrə Dövlət Komitəsi baxır;

3.36. həmin Məcəllənin 228.0.3-cü maddəsində nəzərdə tutulmuş standartların və digər normativ sənədlərin tələblərinə cavab verməyən malların istehsalı ilə əlaqədar işlərə Azərbaycan Respublikasının Standartlaşdırma, Metrologiya və Patent üzrə Dövlət Komitəsi, standartların və digər normativ sənədlərin tələblərinə cavab verməyən malların satılması, işlərin yerinə yetirilməsi, xidmətlərin göstərilməsi ilə əlaqədar işlərə Azərbaycan Respublikasının İqtisadiyyat və Sənaye Nazirliyi, 228.0.4-cü maddəsində nəzərdə tutulmuş qanunvericiliyə uyğun olaraq sertifikatlaşdırılmalı olan, lakin sertifikatlaşdırılmadan malların istehsalı ilə əlaqədar işlərə Azərbaycan Respublikasının Standartlaşdırma, Metrologiya və Patent üzrə Dövlət Komitəsi, qanunvericiliyə uyğun olaraq sertifikatlaşdırılmalı olan, lakin sertifikatlaşdırılmadan malların satılması, işlərin yerinə yetirilməsi, xidmətlərin göstərilməsi ilə əlaqədar işlərə Azərbaycan Respublikasının İqtisadiyyat və Sənaye Nazirliyi, 228.0.5-ci maddəsində nəzərdə tutulmuş standartların, digər normativ sənədlərin tələblərinin pozulması nəticəsində insanların həyatı, sağlamlığı, əmlakı və ya ətraf mühit üçün təhlükəli məhsulun istehsalı ilə əlaqədar işlərə Azərbaycan Respublikasının Standartlaşdırma, Metrologiya və Patent üzrə Dövlət Komitəsi, standartların, digər normativ sənədlərin tələblərinin pozulması nəticəsində insanların həyatı, sağlamlığı, əmlakı və ya ətraf mühit üçün təhlükəli məhsulun satılması, işin (xidmətin) görülməsi ilə əlaqədar işlərə Azərbaycan Respublikasının İqtisadiyyat və Sənaye Nazirliyi baxır.

3.37. həmin Məcəllənin 150-1-ci və 334-336-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Sərhəd Xidməti baxır;

3.38. həmin Məcəllənin 350-ci, 354.2-ci, 354.3-cü və 355-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti baxır;

3.39. həmin Məcəllənin 326-2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Nazirlər Kabineti yanında Dövlət Feldyeger Xidməti baxır;

3.40. həmin Məcəllənin 223.1. 1-ci maddəsində nəzərdə tutulmuş inzibati xətalar haqqında işlərə fiziki şəxslərə və dini qurumlar istisna olmaqla, digər qeyri-kommersiya qurumlarına münasibətdə Azərbaycan Respublikasının Ədliyyə Nazirliyi və kommersiya hüquqi şəxslərə münasibətdə Azərbaycan Respublikasının İqtisadiyyat və Sənaye Nazirliyi baxırlar;

3.41. həmin Məcəllənin 223.1-1.2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Dini Qurumlarla İş üzrə Dövlət Komitəsi baxır;

3.42. həmin Məcəllənin 257-3-cü maddəsində nəzərdə tutulmuş inzibati xətalar haqqında işlərə Azərbaycan Respublikasının Nəqliyyat Nazirliyi baxır;

3.43. həmin Məcəllənin 187-1-ci və 187-2-ci maddələrində nəzərdə tutulmuş inzibati xətalar haqqında işlərə Milli Televiziya və Radio Şurası baxır.

3.44. həmin məcəllənin 247-1-ci maddəsində nəzərdə tutulmuş inzibati xətalar haqqında işlərə bank olmayan kredit təşkilatlarına münasibətdə Azərbaycan Respublikasının Mərkəzi Bankı və digər mühasibat uçotu subyektlərinə (kredit təşkilatları, siyasi partiyalar istisna olmaqla), həmçinin sığorta, təkrarsığorta və sığorta vasitəçiliyinə münasibətdə Azərbaycan Respublikasının Maliyyə Nazirliyi baxırlar;

3.45. həmin Məcəllənin 324.1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Əmlak Məsələləri Dövlət Komitəsi baxır.

3.46. həmin Məcəllənin 356.2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Müdafiə Nazirliyi baxır.

3.47 həmin Məcəllənin 150-2.1.1-ci, 150-2.1.8-ci, 161.2-ci, 163.0.4-cü, 163.0.5-ci, 163.0.7–163.0.10-cu, 164.0.2-ci, 164.0.3-cü, 164.0.5-ci, 164.0.6-cı, 164.0.8–164.0.10-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Daxili İşlər Nazirliyi və Azərbaycan Respublikasının Nəqliyyat Nazirliyi öz səlahiyyətləri daxilində baxırlar.

3.48. həmin Məcəllənin 53-4.2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Dövlət Sosial Müdafiə Fondu və Azərbaycan Respublikasının Əmək və Əhalinin Sosial Müdafiəsi Nazirliyi öz səlahiyyətləri daxilində baxırlar.

3.49. həmin Məcəllənin 348–2-ci maddəsində nəzərdə tutulmuş inzibati xətalar haqqında işlərə Azərbaycan Respublikasının ərazisində xarici hüquqi şəxslər və ya əcnəbi və ya vətəndaşlığı olmayan şəxslər tərəfindən təsis edilmiş hüquqi şəxslər, o cümlədən birbaşa və ya dolayı yolla xarici kapitalın iştirakı ilə yaradılmış hüquqi şəxslərə (onların vəzifəli şəxsləri və mühafizəçilərinə) münasibətdə Azərbaycan Respublikasının Milli Təhlükəsizlik Nazirliyi, digər hüquqi şəxslərə (onların vəzifəli şəxsləri və mühafizəçilərinə) münasibətdə Azərbaycan Respublikasının Daxili İşlər Nazirliyi baxır.

3.50. həmin Məcəllənin 238-ci maddəsində nəzərdə tutulmuş bank fəaliyyəti sahəsində qiymətli metalların və qiymətli daşların uçotu, saxlanılması, mühafizəsi və dövriyyəsi qaydalarının pozulması ilə əlaqədar işlərə Azərbaycan Respublikasının Mərkəzi Bankı, qiymətli metalların və qiymətli daşların hasilatı sahəsində qiymətli metalların və qiymətli daşların uçotu, saxlanılması və mühafizəsi qaydalarının pozulması ilə əlaqədar işlərə Azərbaycan Respublikasının Energetika Nazirliyi, qalan hallarda qiymətli metalların və qiymətli daşların istehsalı, emalı, istifadəsi və dövriyyəsi qaydalarının, qiymətli metalların və qiymətli daşların, onlardan hazırlanmış məhsulların (məmulatların) mühafizəsi, pərakəndə satışı, uçotu, saxlanılması, onların qırıntılarının və tullantılarının yığılması qaydalarının pozulması ilə əlaqədar işlərə Azərbaycan Respublikasının Maliyyə Nazirliyi baxır.

3.51. həmin Məcəllənin 199-cu maddəsində nəzərdə tutulmuş inzibati xətalar haqqında işlərə sığorta, təkrarsığorta və sığorta vasitəçiliyi fəaliyyətinə münasibətdə Azərbaycan Respublikasının Maliyyə Nazirliyi baxır;

3.52. Həmin Məcəllənin 253-1.1-ci maddəsində nəzərdə tutulmuş inzibati xətalar haqqında işlərə ümumi istifadədə olan nəqliyyat vasitələri və taksi minik avtomobilləri sərnişinlərinin icbari fərdi qəza sığortasına münasibətdə Azərbaycan Respublikasının Daxili İşlər Nazirliyi, dəmiryol nəqliyyatı vasitələri sərnişinlərinin icbari fərdi qəza sığortasına münasibətdə Azərbaycan Respublikasının Nəqliyyat Nazirliyi, su nəqliyyatı vasitələri sərnişinlərinin icbari fərdi qəza sığortasına münasibətdə Azərbaycan Respublikasının Dövlət Dəniz Administrasiyası, hava nəqliyyatı vasitələri sərnişinlərinin icbari fərdi qəza sığortasına münasibətdə Azərbaycan Respublikasının Dövlət Mülki Aviasiya Administrasiyası, yaşayış binalarının, yaşayış evlərinin və mənzillərin icbari sığortasına münasibətdə Azərbaycan Respublikasının yerli icra hakimiyyəti orqanları, digər daşınmaz əmlakın icbari sığortasına və daşınmaz əmlakın istismarı ilə bağlı mülki məsuliyyətin icbari sığortasına münasibətdə Azərbaycan Respublikasının Fövqəladə Hallar Nazirliyi baxır.

3.53. həmin Məcəllənin 339-cu və 340-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Daxili İşlər Nazirliyi və Azərbaycan Respublikasının Dövlət Miqrasiya Xidməti öz səlahiyyətləri daxilində baxırlar;

3.54. həmin Məcəllənin 331-ci maddəsində nəzərdə tutulmuş inzibati xətalar haqqında işlərə öz səlahiyyətləri daxilində Azərbaycan Respublikasının Daxili İşlər Nazirliyi (şəxsiyyət vəsiqəsi və pasporta aid hissədə), Azərbaycan Respublikasının Xarici İşlər Nazirliyi (pasporta aid hissədə), Azərbaycan Respublikasının Dövlət Miqrasiya Xidməti (Azərbaycan Respublikasının ərazisində müvəqqəti və ya daimi yaşamaq üçün sənədlərə aid hissədə) və Azərbaycan Respublikasının Dövlət Dəniz Administrasiyası (dənizçinin şəxsiyyət sənədinə aid hissədə) baxırlar;

3.55. həmin Məcəllənin 130-134-cü, 149.6-cı və 150.6-cı maddələrində nəzərdə tutulmuş inzibati xətalar haqqında işlərə Azərbaycan Respublikasının Dövlət Mülki Aviasiya Administrasiyası baxır.

3.56. həmin Məcəllənin 258-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Dövlət Gömrük Komitəsi və Azərbaycan Respublikasının Dövlət Sərhəd Xidməti öz səlahiyyətləri daxilində baxırlar;

3.57. həmin Məcəllənin 71-ci, 76-cı, 85.0.2-ci, 85.0.8-ci, 85.0.9-cu, 85.0.10-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi və Azərbaycan Respublikasının Ekologiya və Təbii Sərvətlər Nazirliyi öz səlahiyyətləri daxilində baxırlar;

3.57-1. həmin Məcəllənin 85.0.1-ci maddəsində nəzərdə tutulmuş inzibati xətalar haqqında işlərə yerin təkindən istifadə ilə əlaqədar işlərin təhlükəsiz aparılması tələblərinin pozulması hissəsində Azərbaycan Respublikasının Fövqəladə Hallar Nazirliyi, yer təkinin və ətraf mühitin mühafizəsi üzrə standartların (normaların, qaydaların) tələblərinin pozulması hissəsində Azərbaycan Respublikasının Ekologiya və Təbii Sərvətlər Nazirliyi, yer təkinin və ətraf mühitin mühafizəsi üzrə standartların (normaların, qaydaların) tələblərini pozmaqla torpaq və ya qum ehtiyatlarının əldə edilməsinə münasibətdə həmin işlər üzrə inzibati icraata başlamış Azərbaycan Respublikasının Daxili İşlər Nazirliyi və ya Azərbaycan Respublikasının Ekologiya və Təbii Sərvətlər Nazirliyi baxırlar;

3.58. həmin Məcəllənin 77-ci, 85.0.4-cü, 107-ci, 114.2-ci, maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi baxır;

3.59. həmin Məcəllənin 144-1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi və Azərbaycan Respublikasının Dövlət Dəniz Administrasiyası öz səlahiyyətləri daxilində baxırlar;

3.60. həmin Məcəllənin 155.1.9-cu və 159-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi və Azərbaycan Respublikasının Daxili İşlər Nazirliyi öz səlahiyyətləri daxilində baxırlar;

3.61. həmin Məcəllənin 161.1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi və Azərbaycan Respublikasının Daxili İşlər Nazirliyi öz səlahiyyətləri daxilində baxırlar;

3.62. həmin Məcəllənin 301.0.7-ci və 301.0.8-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Fövqəladə Hallar Nazirliyi və Azərbaycan Respublikasının Daxili İşlər Nazirliyi öz səlahiyyətləri daxilində baxırlar;

3.63. həmin Məcəllənin 320-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Energetika Nazirliyi və Azərbaycan Respublikasının Fövqəladə Hallar Nazirliyi öz səlahiyyətləri daxilində baxırlar;

3.64. həmin Məcəllənin 321-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Əmək və Əhalinin Sosial Müdafiəsi Nazirliyi və Azərbaycan Respublikasının Fövqəladə Hallar Nazirliyi öz səlahiyyətləri daxilində baxırlar.

3.65. həmin Məcəllənin 113.1.10-cu maddəsində nəzərdə tutulmuş inzibati xətalar haqqında işlərə radioaktiv tullantılara, işlənmiş, lakin yenidən istifadəyə yararlı olan nüvə yanacağına, radioaktiv maddələrə və nüvə materiallarına aid hissədə Azərbaycan Respublikasının Fövqəladə Hallar Nazirliyi, digər hallarda Azərbaycan Respublikasının Ekologiya və Təbii Sərvətlər Nazirliyi baxır.

3.66. həmin Məcəllənin 326-4.3-cü maddəsində nəzərdə tutulmuş inzibati xətalar haqqında işlərə Azərbaycan Respublikasının Ədliyyə Nazirliyi baxır.

3.67. həmin Məcəllənin 235-ci və 236.2-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Daxili İşlər Nazirliyi və Azərbaycan Respublikasının yerli icra hakimiyyəti orqanları baxırlar;

3.68. həmin Məcəllənin 68-6-cı, 68-7-ci, 68-8.2-ci və 68-9-cu maddələrində nəzərdə tutulmuş inzibati xətalar haqqında işlərə Azərbaycan Respublikasının Gənclər və İdman Nazirliyi baxır.

3.69. həmin Məcəllənin 348–3-cü maddəsində nəzərdə tutulmuş inzibati xətalar haqqında işlərə Azərbaycan Respublikasının Mərkəzi Bankı (kredit təşkilatları, həmçinin lizinq xidmətləri göstərən kredit təşkilatlarına münasibətdə), Azərbaycan Respublikasının Qiymətli Kağızlar üzrə Dövlət Komitəsi (qiymətli kağızlar bazarının peşəkar iştirakçıları olan brokerlərə, aktivlərin idarə edilməsi üzrə fəaliyyəti həyata keçirənlərə, lotereya təşkilatçısına və investisiya fondlarına münasibətdə), Azərbaycan Respublikasının Maliyyə Nazirliyi (sığortaçı, təkrarsığortaçı və sığorta vasitəçilərinə, qiymətli daşların, qiymətli metalların, o cümlədən qiymətli daşlardan və ya qiymətli metallardan hazırlanmış zərgərlik və ya digər məişət məmulatlarının alqı-satqısı ilə məşğul olan fiziki və ya hüquqi şəxslərə münasibətdə), Azərbaycan Respublikasının Rabitə və Yüksək Texnologiyalar Nazirliyi (pul vəsaitlərinin köçürülməsi ilə məşğul olan poçt xidməti göstərən müəssisələrə münasibətdə), Azərbaycan Respublikasının Ədliyyə Nazirliyi (öz fəaliyyətinin tərkib hissəsi kimi vəsait alan, toplayan, verən və ya vəsait köçürən qeyri-hökumət təşkilatlarına, xarici dövlətlərin qeyri-hökumət təşkilatlarının filial və nümayəndəliklərinə münasibətdə), Azərbaycan Respublikasının Dini Qurumlarla İş üzrə Dövlət Komitəsi (öz fəaliyyətinin tərkib hissəsi kimi vəsait alan, toplayan, verən və ya vəsait köçürən dini təşkilatlara münasibətdə) və Azərbaycan Respublikasının Mərkəzi Bankı yanında Maliyyə Monitorinqi Xidməti (lombardlara və daşınmaz əmlakın alqı-satqısı üzrə vasitəçilik xidmətləri göstərən fiziki və ya hüquqi şəxslərə münasibətdə) baxırlar.

3.70. həmin Məcəllənin 68-5-ci maddəsində nəzərdə tutulmuş ekoloji təmiz kənd təsərrüfatının tələblərinə cavab verməyən kənd təsərrüfatı və ərzaq məhsullarına ekoloji təmiz kənd təsərrüfatı və ərzaq məhsullarının milli əmtəə nişanının vurulması, ekoloji təmiz kənd təsərrüfatı və ərzaq məhsullarının dövriyyəsi ilə məşğul olan şəxslər tərəfindən həmin məhsulların ənənəvi üsullarla istehsal edilmiş məhsullarla qarışdırılması və spesifikliyinin qorunmaması ilə əlaqədar işlərə həmin məhsulların istehsalı və satışaqədər saxlanması mərhələsində Azərbaycan Respublikasının Standartlaşdırma, Metrologiya və Patent üzrə Dövlət Komitəsi, həmin məhsulların istehlakçılara təklif olunması mərhələsində Azərbaycan Respublikasının İqtisadiyyat və Sənaye Nazirliyi, etiketi üzərində istehsalında genetik modifikasiya olunmuş orqanizmlər və onların törəmələrindən istifadə edilməməsi haqqında məlumat göstərilməyən məhsulların ekoloji təmiz kənd təsərrüfatı və ərzaq məhsulları kimi Azərbaycan Respublikasında satışa çıxarılması ilə əlaqədar işlərə Azərbaycan Respublikasının İqtisadiyyat və Sənaye Nazirliyi baxırlar.

3.71. həmin Məcəllənin 340-1-ci maddəsində nəzərdə tutulmuş inzibati xətalar haqqında işlərə Azərbaycan Respublikasının Dövlət Miqrasiya Xidməti baxır;

3.72. həmin Məcəllənin 222.1-ci maddəsində nəzərdə tutulmuş inzibati xətalar haqqında işlərə həmin işlər üzrə inzibati icraata başlamış Azərbaycan Respublikasının Daxili İşlər Nazirliyi və ya Azərbaycan Respublikasının Vergilər Nazirliyi baxırlar;

3.73. həmin Məcəllənin 91-ci maddəsində nəzərdə tutulmuş inzibati xətalar haqqında işlərə həmin işlər üzrə inzibati icraata başlamış Azərbaycan Respublikasının Daxili İşlər Nazirliyi və ya Azərbaycan Respublikasının Ekologiya və Təbii Sərvətlər Nazirliyi baxırlar;

3.74. həmin Məcəllənin 200-3-cü maddəsində nəzərdə tutulmuş inzibati xətalar haqqında işlərə kommersiya qurumlarına münasibətdə Azərbaycan Respublikasının Vergilər Nazirliyi, dini qurumlara münasibətdə Azərbaycan Respublikasının Dini Qurumlarla İş üzrə Dövlət Komitəsi, digər qeyri-kommersiya qurumlarına münasibətdə Azərbaycan Respublikasının Ədliyyə Nazirliyi baxır;

3.75. həmin Məcəllənin 340-2 — 340-5-ci maddələrində nəzərdə tutulmuş inzibati xətalar haqqında işlərə Azərbaycan Respublikasının Ədliyyə Nazirliyi baxır;

3.76. həmin Məcəllənin 223-1.4-cü maddəsində nəzərdə tutulmuş inzibati xətalar haqqında işlərə qeyri-hökumət təşkilatlarına, xarici dövlətlərin qeyri-hökumət təşkilatlarının filial və ya nümayəndəliklərinə münasibətdə Azərbaycan Respublikasının Ədliyyə Nazirliyi, banklara münasibətdə Azərbaycan Respublikasının Mərkəzi Bankı baxır.

Azərbaycan Respublikasının Prezidenti Heydər Əliyev

Bakı şəhəri 29 avqust 2000-ci il

№ 389

Azərbaycan Respublikasının Qanunvericilik toplusu. – 2000. – 31 avqust, № 8. – S. 3934-3939.