"Azərbaycan Respublikasında təhsil sisteminin təkmilləşdirilməsi haqqında" Azərbaycan Respublikası Prezidentinin 13 iyun 2000-ci il tarixli, 349 nömrəli Fərmanına dəyişikliklər edilməsi barədə

AZƏRBAYCAN RESPUBLİKASI PREZİDENTİNİN FƏRMANI

"Azərbaycan Respublikasında təhsil sisteminin təkmilləşdirilməsi haqqında" Azərbaycan Respublikası Prezidentinin 2000-ci il 13 iyun tarixli, 349 nömrəli Fərmanında aşağıdakı dəyişikliklər edilsin:

1. Fərmanın 2-ci bəndindəki "Azərbaycan Respublikası Milli Təhlükəsizlik Nazirliyinin" sözlərindən sonra "Azərbaycan Respublikası Mədəniyyət Nazirliyinin, Azərbaycan Respublikası Gənclər və İdman Nazirliyinin, Azərbaycan Respublikası Səhiyyə Nazirliyinin, Azərbaycan Dövlət Xəzər Dəniz Gəmiçiliyinin, Azərbaycan Hava Yolları Dövlət Konserninin" sözləri əlavə edilsin.

2. Fərmanın 3-cü və 7-ci bəndləri aşağıdakı redaksiyada verilsin:

"3. Azərbaycan Respublikasının Nazirlər Kabineti Bakı şəhərində orta təhsil sisteminin idarəedilməsinin təkmilləşdirilməsi barədə təkliflərini bir ay müddətində Azərbaycan Respublikasının Prezidentinə təqdim etsin";

"7. Azərbaycan Dövlət İqtisad İnstitutunun, Bakı Əmtəəşünaslıq və Kommersiya İnstitutunun bazasında Azərbaycan Dövlət İqtisad Universiteti yaradılsın.

Ölkədə iqtisadi profilli mütəxəssislərin hazırlanması işinin təkmilləşdirilməsi zərurətini nəzərə alaraq Azərittifaqa tövsiyə olunsun ki, Azərbaycan Kooperasiya İnstitutunun gələcək fəaliyyəti və Bakı Kooperativ Texnikumunun profilinin dəyişdirilməsi məsələsini Azərbaycan Respublikasının Təhsil Nazirliyi ilə birlikdə baxıb həll etsin".

3. Azərbaycan Respublikasının Nazirlər Kabineti təhsilin və elmin inteqrasiyası barədə təkliflərini iki ay müddətində Azərbaycan Respublikasının Prezidentinə təqdim etsin.

Azərbaycan Respublikasının Prezidenti Heydər Əliyev

Bakı şəhəri, 30 avqust 2000-ci il

№ 391

Azərbaycan Respublikasının Qanunvericilik toplusu. – 2000. – 31 avqust, № 8. – S. 3940.