Azərbaycan Respublikasında Mişovdağ və Kəlaməddin neft yataqlarının daxil olduğu blokun bərpası, kəşfiyyatı və işlənməsi haqqında

Azərbaycan Respublikası Prezidentinin Sərəncamı

Azərbaycan Respublikasında Mişovdağ və Kəlaməddin neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında Sazişin əsas kommersiya prinsipləri və müddəalarına dair Azərbaycan Respublikasının Dövlət Neft Şirkəti ilə Amerika Birləşmiş Ştatlarının Monkrif Oyl İnterneşnl İnkorporeyted şirkəti və Türkiyə Cümhuriyyətinin Pet Oyl Petroleum ənd Petroleum Prodakts İnterneyşn Eksploreyşn ənd Prodakşn İnkorporeyted şirkəti arasında ümumi razılığın əldə edilməsi barədə Azərbaycan Respublikası Dövlət Neft Şirkətinin təklifini qəbul edərək qərara alıram:

1. Azərbaycan Respublikası Dövlət Neft Şirkətinə Monkrif Oyl İnterneşl İnkorporeyted şirkəti və Pet Oyl Petroleum ənd Petroleum Prodakts İnterneyşn Eksploreyşn ənd Prodakşn İnkorporeyted şirkəti ilə birlikdə Azərbaycan Respublikasında Mişovdağ və Kəlaməddin neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında Sazişin hazırlanması və bağlanması səlahiyyəti verilsin.

2. Azərbaycan Respublikasının Dövlət Neft Şirkəti Azərbaycan Respublikasında Mişovdağ və Kəlaməddin neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında Saziş hazırlandıqdan sonra onu baxılmaq üçün Azərbaycan Respublikasının Prezidentinə təqdim etsin.

Azərbaycan Respublikasının Prezidenti Heydər ƏLİYEV

Bakı şəhəri, 14 avqust 2000-ci il

№ 502

Azərbaycan Respublikasının Qanunvericilik toplusu. – 2000. – 31 avqust, № 8.– S.3949-3950.