Y. S. Vəkilovun xatirəsinin əbədiləşdirilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

Azərbaycan ədəbiyyatının görkəmli nümayəndəsi xalq yazıçısı Yusif Səməd Vurğun oğlu Vəkilovun (Yusif Səmədoğlunun) xatirəsini əbədiləşdirmək məqsədilə qərara alıram:

Bakı şəhər İcra Hakimiyyəti Yusif Səmədoğlunun Fəxri Xiyabanda qəbrüstü abidəsinin ucaldılmasını və yaşadığı binaya (Fikrət Əmirov küçəsi, 1) xatirə lövhəsinin vurulmasını təmin etsin.

Azərbaycan Respublikasının Prezidenti Heydər Əliyev

Bakı şəhəri, 15 avqust 2000-ci il

№ 503

Azərbaycan Respublikasının Qanunvericilik toplusu. – 2000. – 31 avqust, № 8.– S.3950.