Azərbaycan Respublikası Hökuməti ilə BMT-nin Əhali Fondu arasında 2000-2003-cü illər üçün əməkdaşlıq üzrə "Əhalinin məskunlaşması, inkişafı, cender və reproduktiv sağlamlıqla əlaqədar məlumatın toplanılması, təhlili və yayılması sahəsində Dövlət Statistika Komitəsinin institusional və texniki imkanlarının gücləndirilməsi" layihə sənədini imzalamaq səlahiyyətlərinin verilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

1. Azərbaycan Respublikası Hökuməti ilə BMT-nin Əhali Fondu arasında 2000-2003-cü illər üçün əməkdaşlıq üzrə "Əhalinin məskunlaşması, inkişafı, Cender və reproduktiv sağlamlıqla əlaqədar məlumatın toplanılması, təhlili və yayılması sahəsində Dövlət Statistika Komitəsinin institusional və texniki imkanlarının gücləndirilməsi" layihə sənədinin Azərbaycan Respublikası Hökuməti adından imzalanması səlahiyyətləri Azərbaycan Respublikası Dövlət Statistika Komitəsinin sədri Arif Mikayıl oğlu Vəliyevə verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən sənədin Azərbaycan Respublikasının Hökuməti adından imzalanması səlahiyyətinin Azərbaycan Respublikası Dövlət Statistika Komitəsinin sədri Arif Mikayıl oğlu Vəliyevə verilməsi barədə Birləşmiş Millətlər Təşkilatının Əhali Fonduna müvafiq bildiriş göndərsin.

Azərbaycan Respublikasının Prezidenti Heydər Əliyev

Bakı şəhəri, 30 avqust 2000-ci il

№ 515

Azərbaycan Respublikasının Qanunvericilik toplusu. – 2000. – 31 avqust, № 8.– S. 3957.