Azərbaycan Respublikası Nazirlər Kabinetinin 1997-ci il 10 mart tarixli, 16 nömrəli qərarı ilə təsdiq edilmiş “Azərbaycan Respublikasının Dövlət büdcəsindən maliyyələşən idarə və təşkilatların büdcədənkənar vəsaitləri haqqında Əsasnamə”yə dəyişikliklər və əlavələr edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

“Dövlət büdcəsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1999-cu il 22 iyul tarixli, 159 nömrəli Fərmanının 1-ci bəndinə və “Azərbaycan Respublikasının 2000-ci il dövlət büdcəsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1999-cu il 4 dekabr tarixli, 212 nömrəli Fərmanının 3-cü bəndinə əsasən Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 1997-ci il 10 mart tarixli, 16 nömrəli qərarı ilə təsdiq edilmiş “Azərbaycan Respublikasının Dövlət büdcəsindən maliyyələşən idarə və təşkilatların büdcədənkənar vəsaitləri haqqında Əsasnamə”də aşağıdakı dəyişikliklər və əlavələr edilsin:

Əsasnamənin 1-ci bölməsinin 1-ci bəndinin 2-ci abzasında “ayrıca cari hesablarında” sözlərinin əvəzinə “müvafiq xəzinə hesablarında” sözləri yazılsın.

2-ci bölmənin 3-cü bəndinin 1-ci abzasından sonra aşağıdakı redaksiyada yeni abzas əlavə edilsin:

“Azərbaycan Respublikası ərazisində büdcə təşkilatlarının ayrı-ayrı gəlir növlərinin, o cümlədən istehsal-texniki malların satışından, işlərin görülməsindən və xidmətlərin göstərilməsindən, habelə digər fəaliyyətdən əldə olunacaq gəlirlər üzrə dövriyyələrin əlavə dəyər vergisinə cəlb olunması “Əlavə dəyər vergisi haqqında” Azərbaycan Respublikasının Qanununa uyğun olaraq həyata keçirilir”.

4-cü bəndin 1-ci abzası aşağıdakı yeni redaksiyada verilsin:

“Dövlət büdcəsindən maliyyələşən təşkilatların xüsusi vəsaitlər üzrə əməliyyatlarını həyata keçirmək üçün xəzinə orqanlarında müvafiq qaydada xəzinə hesabı açılır”.

5-ci bəndin əvvəlinə “Yerli struktur vahidlərindən yığılaraq mərkəzləşdirilmiş qaydada xərclənmək üçün bütövlükdə onların tabe olduqları yuxarı orqanın sərəncamına köçürüləsi vəsaitlər istisna edilməklə” sözləri əlavə edilsin.

6-cı bəndin 3-cü abzasında “qalıqların” sözlərindən sonra “(xarici dövlətlər, beynəlxalq təşkilatlar, hüquqi və fiziki şəxslər tərəfindən büdcə təşkilatlarına əvəzsiz olaraq verilmiş maddi yardım və qrantlar istisna olmaqla)” sözləri əlavə edilsin, həmin abzasda “(bu bölgü ilin sonuna büdcə vəsaitlərinin istifadə olunmayaraq təşkilatın xüsusi vəsaitinə aid edilən məbləğlərinə şamil edilmir)” sözləri mətndən çıxarılsın.

3-cü abzasdan sonra yeni abzas əlavə edilsin: “Büdcə təşkilatları xüsusi vəsait kimi əldə etdikləri gəlirlərin 5 faizinədək tabe olduqları yuxarı təşkilatların sərəncamına köçürə bilər”.

3-cü bölmənin 8-ci bəndinin 1-ci abzası aşağıdakı yeni redaksiyada verilsin:

“Dövlət büdcəsindən maliyyələşən təşkilatlar üçün tapşırıqlar üzrə məbləğlərin hər bir fəaliyyət növünə xəzinə orqanlarında müvafiq qaydada xəzinə hesabı açılır”.

9-cu bəndin əvvəlinə “Yerli struktur vahidlərində yığılaraq mərkəzləşdirilmiş qaydada xərclənmək üçün bütövlükdə onların tabe olduqları yuxarı orqanın sərəncamına köçürülməsi vəsaitlər istisna edilməklə” sözləri əlavə edilsin.

10-cu bəndin 3-cü abzasında “(bu bölgü ilin sonuna büdcə vəsaitinin istifadə olunmayaraq təşkilatın “tapşırıqlar üzrə” vəsaitinə aid edilən məbləğlərinə şamil edilmir)” sözləri mətndən çıxarılsın.

4-cü bölmənin 12-ci bəndində “üzrə hesablardan vəsait” sözlərinin əvəzinə “xəzinə hesabından” sözləri, 13-cü bəndində “cari hesablarda” sözlərinin əvəzinə “xəzinə hesablarında” sözləri əlavə edilsin.

14-cü bəndində “cari hesablardan” sözlərinin əvəzinə “xəzinə hesablarından” sözləri əlavə edilsin.

Əsasnamədə olan “respublika büdcəsi” sözləri “dövlət büdcəsinin mərkəzləşdirilmiş xərcləri” sözləri ilə, “yerli büdcə” sözləri isə “dövlət büdcəsinin yerli xərcləri” sözləri ilə əvəz edilsin.

2. Azərbaycan Respublikasının Maliyyə Nazirliyinə tapşırılsın ki, bir ay müddətində “Büdcədənkənar vəsaitlərin formalaşdırılması, istifadə edilməsi, uçota alınması və hesabatın təqdim olunması qaydaları haqqında” təlimatda müvafiq dəyişikliklər etsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasizadə

Bakı şəhəri, 8 avqust 2000-ci il

№ 137

Azərbaycan Respublikasının Qanunvericilik toplusu. – 2000. – 31 avqust, № 8. – S. 3966-3968.