Azərbaycan Respublikası Nazirlər Kabinetinin bəzi qərarlarına dəyişikliklər edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"İnzibati Hüquqpozmalar haqqında Azərbaycan Respublikası Məcəlləsinə əlavələr və dəyişikliklər edilməsi barədə" Azərbaycan Respublikası Qanununun tətbiq edilməsi haqqında" Azərbaycan Respublikası Prezidentinin 2000-ci il 17 iyun tarixli, 444 nömrəli Sərəncamının icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. Azərbaycan SSR Nazirlər Sovetinin 1983-cü il 8 fevral tarixli, 64 nömrəli qərarı ilə təsdiq edilmiş "Azərbaycan SSR ərazisində ov və ov təsərrüfatının aparılması haqqında Əsasnamə"nin 40-cı bəndinin "Д" yarımbəndi çıxarılsın.

2. Azərbaycan Respublikası Nazirlər Kabinetinin 1993-cü il 9 mart tarixli, 140 nömrəli qərarı ilə təsdiq edilmiş "Azərbaycan Respublikasının dövlət sərhədindən buraxılış məntəqələrində sərhəd qoşunlarının nəzarət-buraxılış məntəqələri haqqında Əsasnamə"nin 4-cü bölməsinin 7-ci və 8-ci abzasları aşağıdakı redaksiyada yeni abzasla əvəz edilsin:

"Azərbaycan Respublikasının dövlət sərhədindən buraxılış məntəqələrində rejimi pozmuş şəxsləri qanunla müəyyən edilmiş qaydada və müddətdə inzibati qaydada tutmaq, habelə onlarda olan əşyaları yoxlamaq və lazım olduqda almaq".

3. Azərbaycan Respublikası Nazirlər Kabinetinin 1999-cu il 24 sentyabr tarixli, 152 nömrəli qərarı ilə təsdiq edilmiş "Azərbaycan Respublikasında balıq ehtiyatlarının mühafizəsi və balıq ovu Qaydaları"na aşağıdakı dəyişikliklər edilsin:

a) 6-cı bəndin 8-ci abzası çıxarılsın;

b) 47-ci bəndin 5-ci abzasında "Balıq mühafizəsi xidmətinə” sözləri "Daxili işlər orqanlarının vəzifəli şəxslərinə" sözləri ilə əvəz edilsin.

4. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasizadə

Bakı şəhəri, 17 avqust 2000-ci il

№ 142

Azərbaycan Respublikasının Qanunvericilik toplusu. – 2000. – 31 avqust, № 8. – S. 3971-3972.