Azərbaycan Respublikası Qadın Problemləri üzrə Dövlət Komitəsi kollegiyasının tərkibi haqqında Azərbaycan Respublikası Nazirlər Kabinetinin 1999-cu il 6 dekabr tarixli, 181 nömrəli qərarına dəyişikliklər və əlavələr edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

Azərbaycan Respublikasının Nazirlər Kabineti qərara alır:

1. Azərbaycan Respublikası Qadın Problemləri üzrə Dövlət Komitəsinin kollegiyasının tərkibinin 7 nəfərə çatdırılması və komitə sədrinin birinci müavini Dilruba Cəbrayıl qızı Camalovanın, komitənin beynəlxalq əlaqələr və informasiya şöbəsinin müdiri Hicran Kamran qızı Hüseynovanın kollegiyanın tərkibinə daxil edilməsi barədə Qadın Problemləri üzrə Dövlət Komitəsinin təklifi qəbul edilsin.

2. "Azərbaycan Respublikası Qadın Problemləri üzrə Dövlət Komitəsi kollegiyasının tərkibi haqqında" Azərbaycan Respublikası Nazirlər Kabinetinin 1999-cu il 6 dekabr tarixli, 181 nömrəli qərarının 1-ci bəndində "5" rəqəmi "7" rəqəmi ilə əvəz edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasizadə

Bakı şəhəri, 29 avqust 2000-ci il

№ 149

Azərbaycan Respublikasının Qanunvericilik toplusu. – 2000. – 31 avqust, № 8. – S. 3982.