Azərbaycan Respublikasında gömrük fəaliyyətinin növləri üzrə alınan yığımların miqdarları haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

Azərbaycan Respublikası Gömrük Məcəlləsinin müddəalarına uyğun olaraq Azərbaycan Respublikasının Nazirlər Kabineti qərara alır:

1. Azərbaycan Respublikası Gömrük Məcəlləsinin müvafiq olaraq 120-ci, 159-cu və 160-ci maddələri ilə müəyyən olunmuş qaydada aşağıdakı gömrük fəaliyyəti növləri üzrə alınan yığımların miqdarları təsdiq edilsin:

bankların və digər kredit təşkilatlarının Dövlət Gömrük Komitəsinin apardığı reyestrə salınmasına görə - 10.000.000 (on milyon) manat;

gömrük rəsmiləşdirilməsi üzrə mütəxəssislərə ixtisas attestatlarının verilməsi üçün - 500.000 (beş yüz min) manat;

gömrük rəsmiləşdirilməsi üzrə mütəxəssislərə verilmiş ixtisas attestatlarının fəaliyyətinin bərpa edilməsinə görə - 750.000 (yeddi yüz əlli min) manat.

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasizadə

Bakı şəhəri, 29 avqust 2000-ci il

№ 151

Azərbaycan Respublikasının Qanunvericilik toplusu. – 2000. – 31 avqust, № 8. – S. 3983.