Azərbaycan Respublikası Milli Məclisinin Daxili Nizamnaməsində dəyişiklik edilməsi haqqında

Azərbaycan Respublİkasının Qanunu

Azərbaycan Respublikası Milli Məclisinin iş həcminin artmasını nəzərə alaraq, onun fəaliyyətini təkmilləşdirmək və daha səmərəli qurmaq məqsədi ilə Azərbaycan Respublikasının Milli Məclisi qərara alır:

Azərbaycan Respublikası Milli Məclisinin Daxili Nizamnaməsində (Azərbaycan Respublikasının 17 may 1996-cı il tarixli Qanunu ilə təsdiq edilmişdir) aşağıdakı dəyişikliklər edilsin:

1. 32-ci maddənin birinci hissəsində və 34-cü maddənin ikinci hissəsində «birinci müavini və müavini» sözləri «birinci müavini və müavinləri» sözləri ilə əvəz edilsin.

2. 32-ci maddənin üçüncü hissəsində «sədrinin müavini» sözləri «sədrinin daha yaşlı müavini, o olmadıqda isə Milli Məclisin sədrinin müavini» sözləri ilə əvəz edilsin.

Azərbaycan Respublikasının Prezidenti Heydər ƏLİYEV

Bakı şəhəri, 24 noyabr 2000-ci il

№ 3-IIQ

Azərbaycan Respublikasının Qanunvericilik toplusu .- 2000.- 31 dekabr, № 12.- S.4718.