"Azərbaycan Hava Yolları"Dövlət Konserni tərəfindən 2 ədəd Boinq-757-200 sərnişin təyyarəsinin alınması ilə əlaqədar ödənişlərin tam həcmdə həyata keçirilməsini təmin etmək üçün 2000-ci il avqustun 4-də imzalanmış "Tənzimləyici sənədlər"ə dəyişikliklər edilməsi ilə bağlı "Əlavə Saziş"i imzalamaq səlahiyyətlərinin verilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

1. "Tənzimləyici sənədlər" toplusuna daxil olan sənədlərdə tərəflərin razılaşdırdığı dəyişikliklərin rəsmiləşdirilməsi məqsədi ilə "Əlavə Saziş"i (əlavə olunur) imzalamaq səlahiyyəti "Azərbaycan Hava Yolları" Dövlət Konserninin Baş direktoru Cahangir Cəlal oğlu Əsgərova, Azərbaycan Respublikası maliyyə nazirinin birinci müavini İlqar Fəti oğlu Fətizadəyə və Səhmdar Kommersiya "Azərbaycan Respublikası Beynəlxalq Bankı" İdarə Heyətinin sədri Fuad Namiq oğlu Axundova verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən "Əlavə Saziş"i imzalamaq səlahiyyətlərinin "Azərbaycan Hava Yolları" Dövlət Konserninin Baş direktoru Cahangir Cəlal oğlu Əsgərova, Azərbaycan Respublikası maliyyə nazirinin birinci müavini İlqar Fəti oğlu Fətizadəyə və Səhmdar Kommersiya "Azərbaycan Respublikası Beynəlxalq Bankı" İdarə Heyətinin sədri Fuad Namiq oğlu Axundova verilməsi barədə xarici tərəfdaşlara müvafiq bildiriş göndərsin.

Azərbaycan Respublikasının Prezidenti Heydər Əlİyev

Bakı şəhəri, 18 dekabr 2000-ci il

№ 590

Azərbaycan Respublikasının Qanunvericilik toplusu. - 2000.- 31 dekabr, № 12.- S.4805.