Naxçıvan Muxtar Respublikası üçün İran İslam Respublikasından alınan elektrik enerjisinə görə yaranmış borcun ödənilməsi barədə

AZƏRBAYCAN RESPUBLİKASI PREZİDENTİNİN SƏRƏNCAMI

"Azərenerji" Səhmdar Cəmiyyəti tərəfindən Naxçıvan Muxtar Respublikası üçün İran İslam Respublikasından alınan elektrik enerjisinə görə yaranmış borcun ödənilməsi və İrandan alınan elektrik enerjisi verilişinin bərpa edilməsi məqsədi ilə qərara alıram:

1. "Azərenerji" Səhmdar Cəmiyyəti tərəfindən Naxçıvan Muxtar Respublikası üçün İran İslam Respublikasından alınan elektrik enerjisinin dəyərini qismən ödəmək məqsədi ilə Azərbaycan Respublikası Dövlət Neft Şirkətinin hesabından 3 milyon ABŞ dolları məbləğində vəsait ayrılsın.

2. "Azərenerji" Səhmdar Cəmiyyəti bu Sərəncamın 1-ci bəndində əsasən onun xüsusi hesabında olan vəsaiti İran İslam Respublikası Energetika Nazirliyinin "Təvanir" Şirkətinin hesabına köçürülməsini təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

4. Bu Sərəncam imzalandığı gündən qüvvəyə minir.

Azərbaycan Respublikasının Prezidenti Heydər Əlİyev

Bakı şəhəri, 21 dekabr 2000-ci il

№ 594

Azərbaycan Respublikasının Qanunvericilik toplusu. - 2000.- 31 dekabr, № 12.- S.4806;4807.