Azərbaycan Respublikası Hökuməti ilə Avropa Komissiyası arasında TACİS Proqramı çərçivəsində 1999-cu maliyyə ili üçün qrant ayrılması haqqında Maliyyə Memorandumunun Azərbaycan Respublikasının Hökuməti adından imzalamaq səlahiyyətinin verilməsi barədə

AZƏRBAYCAN RESPUBLİKASI PREZİDENTİNİN SƏRƏNCAMI

1. Azərbaycan Respublikası Hökuməti ilə Avropa Komissiyası arasında TACİS Proqramı çərçivəsində 1999-cu maliyyə ili üçün qrant ayrılması haqqında Maliyyə Memorandumunun Azərbaycan Respublikası Hökuməti adından imzalanması səlahiyyəti Azərbaycan Respublikası Baş nazirinin müavini Abid Qoca oğlu Şərifova verilsin.

2. Azərbaycan Respublikasının Xarici İşlər Nazirliyinə tapşırılsın ki, bu sərəncamın 1-ci bəndində göstərilən Maliyyə Memorandumunun Azərbaycan Respublikası Hökuməti adından imzalanması səlahiyyətinin Azərbaycan Respublikası baş nazirinin müavini Abid Qoca oğlu Şərifova verilməsi barədə Avropa Komissiyasına müvafiq bildiriş göndərsin.

Azərbaycan Respublikasının Prezidenti Heydər Əlİyev

Bakı şəhəri, 2 fevral 2000-ci il

№ 326

Azərbaycan Respublikasının Qanunvericilik toplusu. - 2000.- 29 fevral, № 2.- S.556;557.