Ermənistan silahlı qüvvələrinin hərbi təcavüzünə məruz qalmış ərazilərin yaşayış məntəqələrindəki fiziki və hüquqi şəxslərin 2000-ci il yanvarın 1-dən 2002-ci il yanvarın 1-dək torpaq vergisini ödəməkdən azad edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi qərara alır:

1. Ermənistan silahlı qüvvələrinin hərbi təcavüzünə məruz qalmış ərazilərin yaşayış məntəqələrindəki fiziki və hüquqi şəxslərin 2000-ci il yanvarın 1-dən 2002-ci il yanvarın 1-dək bu məntəqələrin torpaqlarına görə torpaq vergisini ödəməkdən azad edilsinlər.

2. Həmin ərazilərin yaşayış məntəqələrinin siyahısı Azərbaycan Respublikasının müvafiq icra hakimiyyəti orqanı tərəfindən müəyyən edilir.

Azərbaycan Respublikasının Prezidenti Heydər Əliyev

Bakı şəhəri, 15 fevral 2000-ci il

Azərbaycan Respublikasının Qanunvericilik toplusu.- 2000.- 31 mart, № 3.- S.924-925.