"Azərbaycan Respublikası Əmək Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun tətbiqi ilə əlaqədar Azərbaycan Respublikası Prezidentinin bəzi fərmanlarının və sərəncamlarının qüvvədən düşmüş hesab edilməsi və onlara dəyişikliklər edilməsi barədə

AZƏRBAYCAN RESPUBLİKASI PREZİDENTİNİN FƏRMANI

"Azərbaycan Respublikası Əmək Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun tətbiqi ilə əlaqədar qərara alıram:

I. Azərbaycan Respublikası Prezidentinin aşağıdakı fərmanları və sərəncamları qüvvədən düşmüş hesab edilsin:

1. "Fərdi əmək müqavilələri (kontraktları) haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 1996-cı il 14 sentyabr tarixli 420 nömrəli Sərəncamı (Azərbaycan Respublikasının Qanunvericilik toplusu, 1997-ci il, № 1, maddə 13, № 2, maddə 113);

2. Kollektiv müqavilələr və sazişlər haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1996-cı il 14 sentyabr tarixli 491 nömrəli Fərmanı (Azərbaycan Respublikasının Qanunvericilik toplusu, 1997-ci il, № 2, maddə 115);

3. "Kollektiv müqavilələr və sazişlər haqqında" Azərbaycan Respublikası Qanununun tətbiqi ilə əlaqədar Azərbaycan Respublikasının bəzi qanunlarına əlavələr və dəyişikliklər edilməsi barədə" Azərbaycan Respublikası Qanununun tətbiq edilməsi haqqında" Azərbaycan Respublikası Prezidentinin 1997-ci il 29 may tarixli 592 nömrəli Fərmanı (Azərbaycan Respublikasının qanunvericilik toplusu, 1997-ci il, № 5, maddə 380);

4. "Kollektiv əmək mübahisələrinin həlli haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1998-ci il 19 avqust tarixli 748 nömrəli Fərmanı (Azərbaycan Respublikasının Qanunvericilik toplusu, 1998-ci il, № 8, maddə 498).

II. Azərbaycan Respublikası Prezidentinin aşağıdakı fərmanlarında dəyişikliklər edilsin;

1. "Əlillərin sosial müdafiəsi haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikası Qanununun tətbiqi ilə əlaqədar Azərbaycan Respublikasının Əmək Qanunları Məcəlləsinə, "Əməyin mühafizəsi haqqında" və "Dövlət rüsumu haqqında" Azərbaycan Respublikası qanunlarına dəyişikliklər və əlavələr edilməsi haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1998-ci il 19 avqust tarixli 754 nömrəli Fərmanının (Azərbaycan Respublikasının Qanunvericilik toplusu, 1998-ci il, № 8, maddə 504) 1-ci bəndi çıxarılsın;

2. "Azərbaycan Respublikası əmək Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1999-cu il 15 aprel tarixli 122 nömrəli Fərmanının (Azərbaycan Respublikasının Qanunvericilik toplusu, 1999-cu il, № 4, maddə 231) 2-ci bəndinin üçüncü abzasında "166-cı maddəsinin birinci hissəsində" sözlərindən sonra "177-ci maddəsinin altıncı hissəsində" sözləri əlavə edilsin.

Azərbaycan Respublikasının Prezidenti Heydər Əlİyev

Bakı şəhəri, 6 mart 2000-ci il

№ 292

Azərbaycan Respublikasının Qanunvericilik toplusu .- 2000.- 31 mart, № 3.- S.975-976