Azərbaycan SSR Nazirlər Sovetinin 1954-cü il 14 iyul tarixli, 770 nömrəli və 1989-cu il 11 noyabr tarixli, 449 nömrəli qərarlarının qüvvədən düşmüş hesab edilməsi barədə

AZƏRBAYCAN RESPUBLİKASI NAZİRLӘR KABİNETİNİN QƏRARI

"Prokurorluq haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 1999-cu il 24 dekabr tarixli, 232 nömrəli Fərmanının icrası məqsədi ilə Azərbaycan Respublikasının Nazirlər Kabineti qərara alır:

1. "Azərbaycan SSR nazirliklərində, idarələrində və yerli hakimiyyət orqanlarında prokurorluğun protest və təqdimatlarına baxılması haqqında" Azərbaycan SSR Nazirlər Sovetinin 1954-cü il 14 iyul tarixli, 770 nömrəli və "Məhkəmə, prokurorluq orqanlarının və dövlət notariat kontorlarının işçilərinin maddi təminatının yaxşılaşdırılması haqqında" SSRİ Nazirlər Sovetinin 1989-cu il 25 oktyabr tarixli, 896 nömrəli qərarı barəsində Azərbaycan SSR Nazirlər Sovetinin 1989-cu il 11 noyabr tarixli, 449 nömrəli qərarları qüvvədən düşmüş hesab edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 15 mart 2000-ci il

№ 41

Azərbaycan Respublikasının Qanunvericilik toplusu.-2000.- 31 mart, № 3.- S. 1223.