Yaponiya Hökumətinin "İnkişaf üçün Rəsmi Yardım Proqramı" çərçivəsində Azərbaycan Respublikasının kənd təsərrüfatı sahəsinin inkişafı üçün Yaponiya Hökuməti tərəfindən ayrılan qrant barədə Notalar Mübadiləsi sənədlərinin imzalanması səlahiyyətinin verilməsi barədə

AZƏRBAYCAN RESPUBLİKASI PREZİDENTİNİN SƏRƏNCAMI

1. Yaponiya Hökumətinin "İnkişaf üçün Rəsmi Yardım Proqramı" çərçivəsində Yaponiya Hökuməti tərəfindən Azərbaycan Respublikasının kənd təsərrüfatı sahəsinin inkişafı üçün ayrılan 380 milyon iyen məbləğində qrant barədə Notalar Mübadiləsi sənədlərinin imzalanması səlahiyyəti Azərbaycan Respublikasının kənd təsərrüfatı naziri İrşad Nadir oğlu Əliyevə verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən sənədlərin Azərbaycan Respublikası tərəfindən imzalanması səlahiyyətinin Azərbaycan Respublikasının kənd təsərrüfat naziri İrşad Nadir oğlu Əliyevə verilməsi barədə Yaponiyanın Xarici İşlər Nazirliyinə müvafiq bildiriş göndərsin.

Azərbaycan Respublikasının Prezidenti Heydər Əlİyev

Bakı şəhəri, 6 mart 2000-ci il

№ 341

Azərbaycan Respublikasının Qanunvericilik toplusu .- 2000.- 31 mart, № 3.- S.998.