Birləşmiş Millətlər Təşkilatının Baş Assambleyasının "Qadınlar 2000-ci ildə: XXI əsrdə gender bərabərliyi, inkişaf və sülh" mövzusunda keçirilən xüsusi sessiyasında iştirak etmək üçün Azərbaycan Respublikasının nümayəndə heyəti haqqında

AZƏRBAYCAN RESPUBLİKASI PREZİDENTİNİN SƏRƏNCAMI

1995-ci ildə dünya ölkələri Birləşmiş Millətlər Təşkilatının keçirdiyi I V Ümumdünya Qadınlar Konfransının Pekin Platformasını qəbul etmişdir.

2000-ci il iyunun 5-9-da Nyu-Yorkda Birləşmiş Millətlər Təşkilatının Baş Assambleyasının "Qadınlar 2000-ci ildə: XXI əsrdə gender bərabərliyi, inkişaf və sülh" mövzusunda xüsusi sessiyası keçiriləcəkdir.

Bu sessiyada Birləşmiş Millətlər Təşkilatının Qadın Statusu üzrə Komissiyasının hazırladığı sənəd qəbul olunacaqdır. Sənəd qadın hərəkatının perspektivlərini, gender bərabərliyi, sülh problemləri və inkişaf məsələlərini müəyyən edir.

Birləşmiş Millətlər Təşkilatının Baş Assambleyasının xüsusi sessiyasında Azərbaycan Respublikasının təmsil edilməsi məqsədilə qərara alıram:

1. Birləşmiş Millətlər Təşkilatının Baş Assambleyasının "Qadınlar 2000-ci ildə: XXI əsrdə gender bərabərliyi, inkişaf və sülh" mövzusunda xüsusi sessiyasının işində iştirak etmək üçün Azərbaycan Respublikasının nümayəndə heyətinin aşağıdakı tərkibi təsdiq edilsin:

Zəhra Quliyeva - Qadın Problemləri üzrə Dövlət Komitəsinin sədri

Sevil Zeynalova - Naxçıvan Muxtar Respublikasının Baş nazirinin müavini

Möminat Ömərova - Qadın Problemləri üzrə Dövlət Komitəsinin sədr müavini

Sevda Məmmədəliyeva - Mədəniyyət nazirinin müavini

Eleonora Hüseynova - Azərbaycan Respublikasının Fransadakı fövqəladə və səlahiyyətli səfəri

2. Azərbaycan Respublikasının Xarici İşlər Nazirliyi Azərbaycan Respublikasının nümayəndə heyətinin tərkibi barədə Birləşmiş Millətlər Təşkilatına müvafiq bildiriş göndərsin.

Azərbaycan Respublikasının Prezidenti Heydər ƏLİYEV

Bakı şəhəri, 20 may 2000-ci il

№ 421

Azərbaycan Respublikasının Qanunvericilik toplusu .- 2000.- 31 may, № 5.- S.2170.