Birləşmiş Millətlər Təşkilatının «Qadınlara qarşı ayrı-seçkiliyin bütün formalarının ləğv olunması haqqında» Konvensiyasının Fakultativ Protokolunu imzalamaq səlahiyyətinin verilməsi barədə

Azərbaycan Respublİkası Prezİdentİnİn Sərəncamı

1. Birləşmiş Millətlər Təşkilatının «Qadınlara qarşı ayrı-seçkiliyin bütün formalarının ləğv olunması haqqında» Konvensiyasının Fakultativ Protokolunu BMT-nin Nyu-York şəhərindəki iqamətgahında Azərbaycan Respublikası adından imzalamaq səlahiyyəti Azərbaycan Respublikası Qadın Problemləri üzrə Dövlət Komitəsinin sədri Zəhra Tahir qızı Quliyevaya verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Fakultativ Protokolu imzalamaq səlahiyyətinin Azərbaycan Respublikası Qadın Problemləri üzrə Dövlət Komitəsinin sədri Zəhra Tahir qızı Quliyevaya verilməsi barədə BMT-yə müvafiq bildiriş göndərsin.

Azərbaycan Respublikasının Prezidenti Heydər ƏLİYEV

Bakı şəhəri, 22 may 2000-ci il № 424

Azərbaycan Respublikasının Qanunvericilik toplusu .- 2000.- 31 may, № 5.- S.2173.