Azərbaycan Respublikası Nazirlər Kabinetinin bəzi qərarlarının qüvvədən düşmüş hesab edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"Su təchizatı və tullantı suları haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2000-ci il 26 yanvar tarixli, 266 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. "Su kəməri şəbəkəsində suyun itkisini ixtisar etmək və işlənən su üçün Bakı şəhəri müəssisələrindən, idarələrindən və əhalisindən su pulu almağı qaydaya salmaq tədbirləri haqqında" Azərbaycan SSR Nazirlər Sovetinin 1959-cu il 6 mart tarixli, 168 nömrəli qərarı; "Azərbaycan SSR su ehtiyatlarında istifadə edilməsini qaydaya salmaq və su ehtiyatlarını ciddi mühafizə etmək tədbirləri haqqında" Azərbaycan SSR Nazirlər Sovetinin 1960-cı il 21 iyul tarixli, 572a nömrəli qərarı; "Azərbaycan SSR su kəməri-kanalizasiya müəssisələrinin maliyyə-təsərrüfat fəaliyyətində çatışmazlıqlar haqqında" Azərbaycan SSR Nazirlər Sovetinin 1964-cü il 10 dekabr tarixli, 774 nömrəli qərarının 7-ci bəndi və "Bakı şəhərinin su kəməri təsərrüfatını inkişaf etdirmək və şirin suyun işlədilməsinə qənaət etmək tədbirləri haqqında" Azərbaycan SSR Nazirlər Sovetinin 1982-ci il 18 avqust tarixli, 392 nömrəli qərarının 3-cü bəndi qüvvədən düşmüş hesab edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 10 may 2000-ci il № 85

Azərbaycan Respublikasının Qanunvericilik toplusu .- 2000.- 31 may, № 5.- S.2214.