"Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin Əsasnaməsinin və strukturunun təsdiq edilməsi barədə" Azərbaycan Respublikası Nazirlər Kabinetinin 1997-ci il 14 may tarixli, 45 nömrəli qərarına əlavə edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin Şəmkir subartezian quyularının istismarı idarəsinin Tovuz rayonundakı sahəsinin bazasında Tovuz subartezian quyularının istismarı idarəsinin yaradılması barədə həmin Komitənin və Tovuz rayon İcra Hakimiyyətinin İqtisadiyyat Nazirliyi, Maliyyə Nazirliyi, Dövlət Əmlakı Nazirliyi ilə razılaşdırılmış təklifi qəbul edilsin və "Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin Əsasnaməsinin və strukturunun təsdiq edilməsi barədə" Azərbaycan Respublikası Nazirlər Kabinetinin 1997-ci il 14 may tarixli, 45 nömrəli qərarı ilə təsdiq edilmiş "Meliorasiya və Su Təsərrüfatı Komitəsinin strukturu"nun "Subartezian quyularının istismarı idarələri" bölməsində "Tərtər SQİİ" sözlərindən sonra Tovuz SQİİ" sözləri əlavə edilsin.

2. Tovuz subartezian quyularının istismarı idarəsinin yaradılması 2000-ci ilə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsi üçün nəzərdə tutulmuş büdcə vəsaitləri və mövcud ştatlar çərçivəsində həyata keçirilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 17 may 2000-ci il № 90

Azərbaycan Respublikasının Qanunvericilik toplusu .- 2000.- 31 may, № 5.- S.2232-2233.