Azərbaycan Respublikası Nazirlər Kabinetinin 1998-ci il 5 fevral tarixli, 22 nömrəli qərarı ilə təsdiq edilmiş "Azərbaycan Respublikasında rabitə xidmətləri (beynəlxalq, şəhərlərarası, şəhər, kənd, sellülar, peycinq, radiotrank, kabel televiziyasının qurulması və istismarı, sürətli poçt xidməti) fəaliyyətinə xüsusi razılıq (lisenziya) verilməsi Qaydaları"na dəyişikliklər edilməsi haqqında

AZƏRBAYCAN RESPUBLİKASININ NAZİRLƏR KABİNETİ

Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 1998-ci il 5 fevral tarixli, 22 nömrəli qərarı ilə təsdiq edilmiş "Azərbaycan Respublikasında rabitə xidmətləri (beynəlxalq, şəhərlərarası, şəhər, kənd, sellülar, peycinq, radiotrank, kabel televiziyasının qurulması və istismarı, sürətli poçt xidməti) fəaliyyətinə xüsusi razılıq (lisenziya) verilməsi Qaydaları"nın 2.1.7. bəndinə aşağıdakı redaksiyada yeni abzas əlavə edilsin:

"fəaliyyət növünün həyata keçirilməsi üçün radiorabitə vasitələrindən və radiotezliklərdən istifadə olunarsa, hər bir obyekt üzrə radiorabitə vasitələrinə müvafiq radiotezliklərin ayrılmasının mümkünlüyü barədə Azərbaycan Respublikası Radiotezliklər üzrə Dövlət Komissiyasının rəyi";

6.1. bəndin 4-cü abzasından "Azərbaycan Respublikası Radiotezliklər üzrə Dövlət Komissiyasının (RTDK) 1996-cı il 20 noyabr tarixli, 1 nömrəli qərarı ilə təsdiq olunmuş "Azərbaycan Respublikasında radioelektron vasitələrinin layihələndirilməsi (modernləşdirilməsi), istehsalı və xaricdən alınması (əldə olunması) üçün radiotezlik zolaqlarının ayrılması haqqında Əsasnamə"yə uyğun olaraq istifadə edilən tezlik və ya tezlik zolaqları üçün Azərbaycan Respublikası RTDK-dan müvafiq qaydada icazə alınmalıdır" sözləri çıxarılsın.

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 22 may 2000-ci il

№ 93

Azərbaycan Respublikasının Qanunvericilik toplusu .- 2000.- 31 may, № 5.- S.2235.