Azərbaycan Respublikası Nazirlər Kabinetinin bəzi qərarlarına dəyişikliklər və əlavələr edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

Azərbaycan Respublikasının Nazirlər Kabineti qərara alır:

1. "Azərbaycan Respublikası ərazisinə gətirilən Müstəqil Dövlətlər Birliyi üzvü olan dövlətlərin hüdudlarından kənarda istehsal edilmiş, əlavə dəyər vergisindən azad olunan malların siyahısı haqqında Azərbaycan Respublikası Nazirlər Kabinetinin 1997-ci il 16 iyun tarixli, 61 nömrəli qərarı ilə təsdiq edilmiş "Azərbaycan Respublikası ərazisinə gətirilən Müstəqil Dövlətlər Birliyi üzvü olan dövlətlərin hüdudlarından kənarda istehsal edilmiş, əlavə dəyər vergisindən azad olunan malların siyahısı"nda 1-ci sütunda "Qrup 84" və 2-ci sütunda onun adından əvvəl 1-ci və 2-ci sütuna müvafiq olaraq "270900900" rəqəmi və "Yalnız xam neft-tranzit-mübadilə (svop) əməliyyatları üzrə" sözləri əlavə edilsin.

2. "Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında" Azərbaycan Respublikası Nazirlər Kabinetinin 1998-ci il 22 aprel tarixli, 91 nömrəli qərarına aşağıdakı dəyişikliklər və əlavələr edilsin:

qərarın 4.3-cü yarımbəndində "borclar" sözü "borclar, həmçinin bu kreditlər və borclar hesabına həyata keçirilən layihələrdə Azərbaycan tərəfinin payı" sözləri ilə əvəz edilsin;

qərarın 1 nömrəli əlavəsində:

27-ci mal qrupunda 1-ci sütunda “271220000” mal mövqeyindən, 2-ci sütunda onun adından və 3-cü sütundakı gömrük rüsumu dərəcəsindən əvvəl 1-ci, 2-ci və 3-cü sütunlara müvafiq olaraq "270900900" rəqəmi, "Yalnız xam neft-tranzit-mübadilə (svop) əməliyyatları üzrə" sözləri və "0" rəqəmi əlavə edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 25 may 2000-ci li

№ 94

Azərbaycan Respublikasının Qanunvericilik toplusu .- 2000.- 31 may, № 5.- S.2235-2236.