"Azərbaycan Respublikasında aqrar bölmənin idarəetmə sisteminin təkmilləşdirilməsi tədbirləri haqqında" Azərbaycan Respublikası Prezidentinin 2000-ci il 4 fevral tarixli, 272 nömrəli Fərmanının tətbiqi ilə əlaqədar Azərbaycan Respublikası Nazirlər Kabinetinin bəzi qərarlarına dəyişikliklər

və əlavələr edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"Azərbaycan Respublikasında aqrar bölmənin idarəetmə sisteminin təkmilləşdirilməsi tədbirləri haqqında" Azərbaycan Respublikası Prezidentinin 2000-ci il 4 fevral tarixli, 272 nömrəli Fərmanının icrası ilə əlaqədar Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 1997-ci il 20 oktyabr tarixli, 120 nömrəli qərarı ilə təsdiq edilmiş "Pestisidlərin və aqrokimyəvi maddələrin dövlət sınağı barədə Təlimat"ın 6-cı və 9-cu bəndlərindən "Pestisidlərin və aqrokimyəvi maddələrin qeydiyyatı Qaydası"nın 8-ci bəndindən, "İstifadəsi mümkün olmayan kənd təsərrüfatı və ərzaq məhsullarının geri alınması, zərərsizləşdirilməsi və məhv edilmə Qaydası"nın 4-cü və 5-ci bəndlərindən, "Pəhriz və uşaq qida maddələrinin istehsalı üçün xüsusi xammal bölgələrinin hüdudları, hüquqi və texnoloji reji"minin 1-ci və 7-ci bəndlərindən "Nazirlər Kabineti yanında Dövlət Baytarlıq Komitəsi" sözləri çıxarılsın, "Kənd təsərrüfatında zəhərli kimyəvi preparatların saxlanmasının, daşınmasının, tətbiqinin və satışının sanitariya Qaydaları"nın 10-cu bəndində "Nazirlər Kabineti yanında Dövlət Baytarlıq Komitəsinin" sözləri "Azərbaycan Respublikası Kənd Təsərrüfatı Nazirliyinin" sözləri ilə əvəz edilsin. [1]

2. Azərbaycan Respublikası Nazirlər Kabinetinin 1998-ci il 13 fevral tarixli, 28 nömrəli qərarı ilə təsdiq edilmiş "Baytarlıq fəaliyyətinə xüsusi razılıq (lisenziya) verilməsi Qaydaları"nın ismin müxtəlif hallarında olan "Azərbaycan Respublikası Nazirlər Kabineti yanında Dövlət Baytarlıq Komitəsi" sözləri ismin müvafiq hallarında "Azərbaycan Respublikasının Kənd Təsərrüfatı Nazirliyi" sözləri və "Azərbaycan Respublikası Nazirlər Kabineti yanında Dövlət Baytarlıq Komitəsinin sədri" sözləri "Azərbaycan Respublikasının kənd təsərrüfatı naziri" sözləri ilə əvəz edilsin.

3. "Azərbaycan Respublikası Dövlət Bitkilərin Karantini Müfəttişliyinin bitki karantin nəzarətini həyata keçirən vəzifəli şəxslərinin xüsusi vəsiqəsinin nümunəsi və fərqləndirici nişanlı geyim formasının nümunəsi haqqında" Azərbaycan Respublikası Nazirlər Kabinetinin 1998-ci il 14 oktyabr tarixli, 203 nömrəli qərarının adında, 1-ci bəndində və həmin qərarla təsdiq edilmiş "Azərbaycan Respublikası Dövlət Bitkilərin Karantini Müfəttişliyinin bitki karantin nəzarətini həyata keçirən vəzifəli şəxslərinin xüsusi vəsiqəsinin nümunəsi"nin adında, 1-ci, 3-cü və 4-cü bəndlərində, "Azərbaycan Respublikası Dövlət Bitkilərin Karantini Müfəttişliyinin bitki karantin nəzarətini həyata keçirən vəzifəli şəxslərinin xüsusi vəsiqəsinin nümunəsinə əlavə Eskiz"in adında, "Qeyd"ində, habelə sxematik şəkildə verilmiş vəsiqənin üst və içəri hissəsində, "Azərbaycan Respublikası Dövlət Bitkilərin Karantini Müfəttişliyinin bitki karantin nəzarətini həyata keçirən vəzifəli şəxslərinin fərqləndirici nişanlı geyim formasının nümunəsi"nin adında və 1-ci abzasında "Dövlət Bitkilərin Karantini Müfəttişliyi" sözləri "Kənd Təsərrüfatı Nazirliyi" sözləri ilə, "Azərbaycan Respublikası Dövlət Bitkilərin Karantini Müfəttişliyinin rəisi" sözləri isə "Azərbaycan Respublikasının kənd təsərrüfatı naziri" sözləri ilə əvəz edilsin. [2]

4. Bu qərar imzalandığı gündən qüvvəyə minir.

Azərbaycan Respublikasının Baş naziri A. Rasİzadə

Bakı şəhəri, 31 may 2000-ci il

№ 97

Azərbaycan Respublikasının Qanunvericilik toplusu .- 2000.- 31 may, № 5.- S.2245-2247.