Azərbaycan Respublikasında normativ
hüquqi aktların və normativ aktların dövlət
uçotu və qeydiyyatı qaydası haqqında Əsasnamənin
təsdiq edilməsi barədə[1]
AZƏRBAYCAN RESPUBLİKASI PREZİDENTİNİN
FƏRMANI
“Normativ hüquqi aktlar haqqında” Azərbaycan
Respublikası Qanununun 51-ci maddəsinin 51.2-ci bəndinin
icrasını təmin etmək məqsədi ilə qərara
alıram:
1. Azərbaycan Respublikasında normativ hüquqi
aktların və normativ aktların dövlət uçotu və
qeydiyyatı qaydası haqqında Əsasnamə təsdiq
edilsin (əlavə olunur).
2. Azərbaycan Respublikasının Nazirlər Kabineti
bir ay müddətində özünün və müvafiq mərkəzi
icra hakimiyyəti orqanlarının normativ hüquqi
aktlarının bu Fərmana
uyğunlaşdırılmasını təmin etsin.
3. Bu Fərman imzalandığı gündən
qüvvəyə minir.
Azərbaycan Respublikası Prezidentinin
2000-ci il 21 oktyabr tarixli, 410 nömrəli Fərmanı
ilə
təsdİq edİlmİşdİr
Azərbaycan Respublikasında normativ hüquqi
aktların və normativ aktların dövlət uçotu və
qeydiyyatı qaydası haqqında Əsasnamə
I. Ümumİ müddəalar
1.1. Azərbaycan Respublikasında normativ hüquqi
aktların və normativ aktların dövlət uçotu və
qeydiyyatı qaydası “Normativ hüquqi aktlar haqqında” Azərbaycan
Respublikası Qanununun 51-ci maddəsinin 51.2-ci bəndinə əsasən
hazırlanmışdır və bu Əsasnamə ilə tənzimlənir.
“Normativ hüquqi aktlar haqqında” Azərbaycan
Respublikasının Qanununa əsasən Azərbaycan
Respublikasının bütün normativ hüquqi aktları
dövlət uçotuna alınmaq üçün, Azərbaycan
Respublikası nazirliklərinin, komitələrinin, digər mərkəzi
icra hakimiyyəti orqanlarının (Azərbaycan Respublikası
Prezidentinin nəzdində (yanında) yaradılan orqanlar istisna
olmaqla) normativ hüquqi aktları, yerli icra hakimiyyəti və
yerli özünüidarə orqanlarının, Azərbaycan
Respublikası Mərkəzi Bankının, Azərbaycan
Respublikasının Mərkəzi Bankı yanında Maliyyə
Monitorinqi Xidmətinin, Milli Televiziya və Radio
Şurasının normativ aktları isə həmçinin
dövlət qeydiyyatı üçün Azərbaycan
Respublikasının Ədliyyə Nazirliyinə təqdim
edilir. [3]
Naxçıvan Muxtar Respublikasının normativ
hüquqi aktlarının, normativ aktlarının dövlət
qeydiyyatı və dövlət uçotu Naxçıvan
Muxtar Respublikasının qanunvericiliyi ilə müəyyən
olunmuş qaydada Naxçıvan Muxtar Respublikasının
Ədliyyə Nazirliyi tərəfindən həyata
keçirilir. [4]
1.2. Normativ hüquqi aktların və normativ
aktların dövlət uçotu onların bu məqsədlə
nəzərdə tutulmuş xüsusi kitablara təsnifat
üzrə daxil edilməsidir.
1.3. Normativ hüquqi aktların və normativ
aktların dövlət qeydiyyatı normativ hüquqi
aktların və normativ aktların şəhadətnamə
verilməklə dövlət reyestrinə daxil edilməsidir.
II. Normatİv hüquqİ aktların və
normatİv aktların dövlət uçotu
2.1. Normativ hüquqi aktların və normativ
aktların dövlət uçotu kitabı nömrələnir,
qaytanlanır və Ədliyyə Nazirliyinin gerbli
möhürü ilə təsdiq edilir.
2.2. Normativ hüquqi aktların və normativ
aktların dövlət uçotu kitabı bu iş
üçün məsul olan əməkdaş tərəfindən
aparılır və saxlanılır.
2.3. Normativ hüquqi aktların və normativ
aktların dövlət uçotu aşağıdakı
qaydada aparılır:
Azərbaycan Respublikası Prezidentinin
Administrasiyasından, Azərbaycan Respublikasının Milli Məclisindən,
Azərbaycan Respublikasının Nazirlər Kabinetindən, Azərbaycan
Respublikası Prezidentinin nəzdində (yanında)
yaradılan orqanlardan, Azərbaycan Respublikasının nazirliklərindən,
komitələrindən, digər mərkəzi icra hakimiyyəti
orqanlarından daxil olan normativ hüquqi aktlar, Azərbaycan
Respublikasının Mərkəzi Seçki Komissiyasından,
yerli icra hakimiyyəti və yerli özünüidarə
orqanlarından, Azərbaycan Respublikasının Mərkəzi
Bankından, Azərbaycan Respublikasının Mərkəzi
Bankı yanında Maliyyə Monitorinqi Xidmətindən, Milli
Televiziya və Radio Şurasından, Məhkəmə-
Hüquq Şurasından daxil olan normativ aktlar, habelə Azərbaycan
Respublikası Konstitusiya Məhkəməsinin Azərbaycan
Respublikası Konstitusiyasının 130-cu maddəsinin III hissəsinin
1-6, 8-ci bəndləri və lV hissəsi əsasında qəbul
edilmiş qərarlarıvə Məhkəmə-Hüquq
Şurasının qərarları təsnifata görə
qruplaşdırılaraq, sıra nömrəsi verilməklə
kitaba daxil edilir; [5]
dövlət uçotuna alınmış normativ
hüquqi aktlar və normativ aktlar qanunvericilik sahələrinin
ümumhüquqi təsnifatına uyğun olaraq kompüterin
yaddaşına yığılır;
yuxarıda sadalanan normativ hüquqi aktlar və normativ
aktlar tarixləri və nömrələrinin sırası ilə
tikilir və bu məqsədlə ayrılmış xüsusi
yerdə istifadə üçün saxlanılır.
dövlət sirri və xidməti sirr daşıyan
normativ hüquqi aktlar xüsusi bölmədə
saxlanılır. [6]
III. Normatİv hüquqİ aktların və
normatİv aktların dövlət qeydİyyatı
3.1. Normativ hüquqi aktların və normativ aktlar
Ədliyyə Nazirliyi tərəfindən
aşağıdakı qaydada dövlət qeydiyyatına
alınır:
dövlət qeydiyyatına alınmaq üçün
Azərbaycan Respublikasının nazirliklərindən, dövlət
komitələrindən, digər mərkəzi icra hakimiyyəti
orqanlarından (Azərbaycan Respublikası Prezidentinin nəzdində
(yanında) yaradılan orqanlar istisna olunmaqla) daxil olan normativ
hüquqi aktlar Azərbaycan Respublikasının Mərkəzi
Bankından, Azərbaycan Respublikasının Mərkəzi
Bankı yanında Maliyyə Monitorinqi Xidmətindən, Milli
Televiziya və Radio Şurasından, yerli icra hakimiyyəti
orqanları və yerli özünüidarə orqanlarından
daxil olan normativ aktlar 3 nüsxədən ibarət olmaqla həmin
aktların təsdiq olunması barədə sənədlə
(əmr, kollegiya qərarı və s.) birlikdə təqdim
edilir;
daxil olmuş normativ hüquqi aktın (normativ
aktın) dövlət qeydiyyatına alınmasının
mümkünlüyü barədə rəy tərtib olunur;
yuxarı orta hissəsində dövlət gerbi əks
olunmuş şəhadətnamə (formaları əlavə
olunur), tikilmiş və səhifələr nömrələnmiş
normativ hüquqi akt (normativ akt) dövlət qeydiyyatına
alınmaq barədə ədliyyə naziri və ya onun
müavini tərəfindən imzalanır və Ədliyyə
Nazirliyinin gerbli möhürü ilə təsdiq edilir;[7]
imzalanmış və möhürlə təsdiq
edilmiş şəhadətnamə və normativ hüquqi akt
(normativ akt) dövlət qeydiyyat nömrәsi verilməklə
dövlət reyestrinə daxil edilir;
normativ hüquqi aktların (normativ aktların) dövlət
qeydiyyatı onların dövlət uçotu da daxil olmaqla 10
gün müddətində həyata keçirilir. [8]
3.2.Aşağıdakı hallarda normativ hüquqi
aktların və normativ aktların dövlət qeydiyyatına
alınmasından imtina edilir:
3.2.1. normativ hüquqi akt (normativ akt) Azərbaycan
Respublikasının Konstitusiyasına, qanunlarına, Azərbaycan
Respublikası Prezidentinin fərman və sərəncamlarına,
Azərbaycan Respublikası Nazirlər Kabinetinin qərar və
sərəncamlarına zidd olduqda;
3.2.2. normativ hüquqi akt (normativ akt) Azərbaycan
Respublikasının icrası təmin edilən müvafiq
normativ hüquqi aktının tələblərinə
uyğun olmadıqda;
3.2.3. normativ hüquqi akt (normativ akt) qanunvericiliyin
texniki tələblərinə cavab vermədikdə;
3.2.4. normativ hüquqi akt (normativ akt) təsdiq edildikdən
sonra 15 gün müddətində daxil olmadıqda;
3.2.5. normativ hüquqi akt (normativ akt) bu Əsasnamənin
3.1-ci bəndinin ikinci abzasının tələbləri
pozulmaqla təqdim edildikdə.
Yuxarıda sadalanan hallardan başqa digər səbəblərə
görə normativ hüquqi aktların (normativ aktların)
dövlət qeydiyyatına alınmasından imtinaya yol
verilmir.
Normativ hüquqi aktların (normativ aktların) dövlət
qeydiyyatına alınmasına imtinadan yuxarı orqana və ya
məhkəməyə şikayət verilə bilər.
IV . Normatİv hüquqİ aktlara və normatİv
aktlara əlavə və dəyİşİklİklərİn
dövlət uçotu. Normatİv hüquqİ aktların və
normatİv aktların dövlət qeydİyyatının ləğvİ
4.1. Dövlət uçotuna və dövlət
qeydiyyatına alınmış normativ hüquqi aktlara (normativ
aktlara) əlavə və dəyişikliklər edilməsi barədə
normativ hüquqi aktın (normativ aktın) uçotu və
qeydiyyatı bu Əsasnamənin 2-ci və 3-cü bölmələri
ilə müəyyən edilmiş qaydalara uyğun həyata
keçirilir. Normativ hüquqi aktda (normativ aktda), normativ
hüquqi aktın (normativ aktın) dövlət qeydiyyatına
alınması ilə əlaqədar verilmiş şəhadətnamədə
və Dövlət reyestrində müvafiq qeydlər
aparılır.
Şəhadətnaməyə edilmiş qeydlər
Ədliyyə Nazirliyinin gerbli möhürü ilə təsdiq
edilir.
4.2. Normativ hüquqi aktın (normativ aktın) ləğv
olunması barədə daxil olunmuş normativ hüquqi akt
(normativ akt) Ədliyyə Nazirliyi tərəfindən sərəncamla
rəsmiləşdirildikdən sonra normativ hüquqi
aktların (normativ aktların) dövlət qeydiyyatına
alınması ilə əlaqədar verilmiş şəhadətnamədə
müvafiq qeydlər aparılır və Dövlət
reyestrindən çıxarılır.
4.3. Dövlət qeydiyyatına alınmış
normativ hüquqi aktın (normativ aktın) ləğv edilməsi
barədə Ədliyyə Nazirliyinin sərəncamı “Azərbaycan
Respublikası mərkəzi icra hakimiyyəti
orqanlarının normativ hüquqi aktlarının
bülleteni”ndə dərc olunur.
Əlavə 1
[9]NORMATİV HÜQUQİ AKTIN DÖVLƏT
QEYDİYYATI HAQQINDA
ŞƏHADƏTNAMƏ ¹
“________”________________20____il
_________________________________________________________________________________
(dövlət orqanının adı)
__________________________________________________________________________________
(ünvan)
__________________________________________________________________________________
__________________________________________________________________________________
(normativ hüquqi aktın adı)
__________________________________________________________________________________
__________________________________________________________________________________
__________________________________________________________________________________
(nömrəsi, təsdiq edildiyi yer)
__________________________________________________________________________________
(kim tərəfindən dövlət qeydiyyatına
alınıb)
“___________” __________________20________il
__________________________________________________________________________________
(dövlət qeydiyyatına alanın ünvanı)
M.Y. Vəzifəli
şəxsin imzası ________________________________
Əlavə 2
[10]NORMATİV AKTIN DÖVLƏT QEYDİYYATI HAQQINDA
ŞƏHADƏTNAMƏ ¹
“________”________________20____il
___________________________________________________________________________________
(dövlət orqanının adı)
___________________________________________________________________________________
(ünvan)
___________________________________________________________________________________
___________________________________________________________________________________
(normativ aktın adı)
___________________________________________________________________________________
___________________________________________________________________________________
___________________________________________________________________________________
(nömrəsi, təsdiq edildiyi yer)
___________________________________________________________________________________
(kim tərəfindən dövlət qeydiyyatına
alınıb)
“___________” __________________20________il
dövlət qeydiyyatına alanın ünvanı)
M.Y. Vəzifəli
şəxsin imzası ________________________________
İSTİFADƏ OLUNMUŞ MƏNBƏ
SƏNƏDLƏRİNİN SİYAHISI
1. 24 avqust 2002-ci il
tarixli 758 nömrəli Azərbaycan Respublikası Prezidentinin Fərmanı
(Azərbaycan Respublikasının Qanunvericilik Toplusu, 2002-ci il,
¹ 8, maddə 478)
2. 25 iyul 2006-cı
il tarixli 429 nömrəli Azərbaycan Respublikası Prezidentinin
Fərmanı (Azərbaycan Respublikasının Qanunvericilik
Toplusu, 2006-cı il, ¹ 7, maddə 593)
3. 17 avqust 2006-cı il tarixli 452 nömrəli
Azərbaycan Respublikası Prezidentinin Fərmanı (Azərbaycan
Respublikasının Qanunvericilik Toplusu, 2006-cı il, ¹ 8, maddə
677)
4. 12 dekabr 2006-cı il tarixli 487 nömrəli
Azərbaycan Respublikası Prezidentinin Fərmanı (Azərbaycan
Respublikasının Qanunvericilik Toplusu, 2006-cı il, ¹ 12, maddə
1034)
5. 10 fevral 2010-cu il
tarixli 216 nömrəli Azərbaycan Respublikasının
Prezidentinin Fərmanı (“Azərbaycan” qəzeti 11 fevral
2010-cu il, ¹ 32, Azərbaycan Respublikasının Qanunvericilik
Toplusu, 2010-cu il, ¹ 2, maddə 80)
6. 13 avqust 2010-cu il
tarixli 320 nömrəli Azərbaycan Respublikasının
Prezidentinin Fərmanı (“Azərbaycan” qəzeti 15 avqust
2010-cu il, ¹ 177, Azərbaycan Respublikasının Qanunvericilik
Toplusu, 2010-cu il, ¹ 8, maddə 725)
7. 1 iyul 2011-ci il
tarixli 463 nömrəli Azərbaycan Respublikası Prezidentinin Fərmanı
(“Azərbaycan” qəzeti 3 iyul 2011-ci il, ¹ 142, Azərbaycan
Respublikasının Qanunvericilik Toplusu, 2011-ci il, ¹ 07, maddə
626)
FƏRMANA EDİLMİŞ
DƏYİŞİKLİK VƏ ƏLAVƏLƏRİN
SİYAHISI
[1] 1 iyul 2011-ci il tarixli 463 nömrəli Azərbaycan
Respublikası Prezidentinin Fərmanı (“Azərbaycan” qəzeti
3 iyul 2011-ci il, ¹ 142, Azərbaycan Respublikasının
Qanunvericilik Toplusu, 2011-ci il, ¹ 07, maddə 626) ilə “Azərbaycan
Respublikasında normativ hüquqi aktların və normativ
aktların dövlət uçotu və qeydiyyatı
qaydası haqqında Əsasnamənin təsdiq edilməsi barədə”
Azərbaycan Respublikası Prezidentinin 2000-ci il 21 oktyabr tarixli
410 nömrəli Fərmanı ləğv edilmişdir.
[2] 10 fevral 2010-cu il tarixli 216 nömrəli Azərbaycan
Respublikasının Prezidentinin Fərmanı (“Azərbaycan” qəzeti
11 fevral 2010-cu il, ¹ 32, Azərbaycan Respublikasının
Qanunvericilik Toplusu, 2010-cu il, ¹ 2, maddə 80) ilə "Azərbaycan
Respublikasında normativ hüquqi aktların və normativ
aktların dövlət uçotu və qeydiyyatı
qaydası haqqında Əsasnamə"nin 1.1-ci bəndinin
ikinci abzasında, 2.3-cü bəndinin ikinci abzasında və
3.1-ci bəndinin ikinci abzasında ismin müvafiq hallarında
"Milli Bank" sözləri ismin müvafiq hallarında
"Mərkəzi Bank" sözləri ilə, 2.3-cü bəndinin
ikinci abzasında "İcra Aparatından" sözləri
"Administrasiyasından" sözləri əvəz
edilmişdir.
[3] 13 avqust 2010-cu il tarixli 320 nömrəli Azərbaycan
Respublikasının Prezidentinin Fərmanı (“Azərbaycan” qəzeti
15 avqust 2010-cu il, ¹ 177, Azərbaycan Respublikasının
Qanunvericilik Toplusu, 2010-cu il, ¹ 8, maddə 725) ilə Azərbaycan
Respublikasında normativ hüquqi aktların və normativ
aktların dövlət uçotu və qeydiyyatı
qaydası haqqında Əsasnamə”nin .1-ci bəndin ikinci
abzasında “Normativ hüquqi aktlar haqqında” Azərbaycan
Respublikasının Qanununa əsasən” sözləri
çıxarılmışdır və “Mərkəzi
Bankının,” sözlərindən sonra “Azərbaycan
Respublikasının Mərkəzi Bankı yanında Maliyyə
Monitorinqi Xidmətinin,” sözləri əlavə
edilmişdir.
[4] 24 avqust 2002-ci il tarixli 758 nömrəli Azərbaycan
Respublikası Prezidentinin Fərmanı (Azərbaycan
Respublikasının Qanunvericilik Toplusu, 2002-ci il, ¹ 8, maddə
478) ilə "Azərbaycan Respublikasında normativ hüquqi
aktların və normativ aktların dövlət uçotu və
qeydiyyatı qaydası haqqında Əsasnamə"nin 1.1-ci bəndinə
üçüncü abzas əlavə edilmişdir.
17 avqust 2006-cı il
tarixli 452 nömrəli Azərbaycan Respublikası Prezidentinin Fərmanı
(Azərbaycan Respublikasının Qanunvericilik Toplusu, 2006-cı
il, ¹ 8, maddə 677) ilə 1.1-ci bəndin ikinci abzasında “Azərbaycan
Respublikası Milli Bankının” sözlərindən sonra “,
Milli Televiziya və Radio Şurasının” sözləri əlavə
edilmişdir.
[5] 13 avqust 2010-cu il tarixli 320 nömrəli Azərbaycan
Respublikasının Prezidentinin Fərmanı (“Azərbaycan” qəzeti
15 avqust 2010-cu il, ¹ 177, Azərbaycan Respublikasının
Qanunvericilik Toplusu, 2010-cu il, ¹ 8, maddə 725) ilə Azərbaycan
Respublikasında normativ hüquqi aktların və normativ
aktların dövlət uçotu və qeydiyyatı
qaydası haqqında Əsasnamə”nin 2.3‑cü bəndin
ikinci abzasında və 3.1-ci bəndin ikinci abzasında “Mərkəzi
Bankından,” sözlərindən sonra “Azərbaycan
Respublikasının Mərkəzi Bankı yanında Maliyyə
Monitorinqi Xidmətindən,” sözləri əlavə edilmişdir.
[6] 25 iyul 2006-cı il tarixli 429 nömrəli Azərbaycan
Respublikası Prezidentinin Fərmanı (Azərbaycan
Respublikasının Qanunvericilik Toplusu, 2006-cı il, ¹ 7, maddə
593) ilə “Azərbaycan Respublikasında normativ hüquqi
aktların və normativ aktların dövlət uçotu və
qeydiyyatı qaydası haqqında Əsasnamə”nin (Azərbaycan
Respublikasının Qanunvericilik Toplusu, 2000-ci il, ¹ 10, maddə
725; 2002-ci il, ¹ 8, maddə 478) 2.3-cü bəndinin ikinci
abzasında “IV hissəsi əsasında qəbul edilmiş qərarları”
sözlərindən sonra “və Məhkəmə-Hüquq
Şurasının qərarları” sözləri əlavə
edilmişdir.
17 avqust 2006-cı il
tarixli 452 nömrəli Fərmanı (Azərbaycan
Respublikasının Qanunvericilik Toplusu, 2006-cı il, ¹ 8, maddə
677) ilə 2.3-cü bəndin ikinci abzasında “Azərbaycan
Respublikasının Milli Bankından” sözlərindən
sonra “, Milli Televiziya və Radio Şurasından, Məhkəmə-
Hüquq Şurasından” sözləri əlavə
edilmişdir.
[7] 12 dekabr 2006-cı il
tarixli 487 nömrəli Azərbaycan Respublikası Prezidentinin Fərmanı
(Azərbaycan Respublikasının Qanunvericilik Toplusu, 2006-cı
il, ¹ 12, maddə 1034) ilə “Azərbaycan Respublikasında
normativ hüquqi aktların və normativ aktların dövlət
uçotu və qeydiyyatı qaydası haqqında Əsasnamə”nin
3.1-ci bəndin dördüncü abzasında “(o olmadıqda
nazirin müavini)” sözləri “və ya onun müavini”
sözləri ilə əvəz edilmişdir.
[8] 17 avqust 2006-cı il
tarixli 452 nömrəli Azərbaycan Respublikası Prezidentinin Fərmanı
(Azərbaycan Respublikasının Qanunvericilik Toplusu, 2006-cı
il, ¹ 8, maddə 677) ilə 3.1-ci bəndin ikinci abzasında “Azərbaycan
Respublikasının Milli Bankından” sözlərindən
sonra “, Milli Televiziya və Radio Şurasından” sözləri
əlavə edilmişdir.
[9] 12 dekabr 2006-cı il
tarixli 487 nömrəli Azərbaycan Respublikası Prezidentinin Fərmanı
(Azərbaycan Respublikasının Qanunvericilik Toplusu, 2006-cı
il, ¹ 12, maddə 1034) ilə Normativ hüquqi aktın dövlət
qeydiyyatı haqqında şəhadətnamə (Əlavə
1) formalarında “Nazir” sözü “Vəzifəli şəxsin
imzası” sözləri ilə əvəz edilmişdir və
“(imza)” sözü çıxarılmışdır.
[10] 12 dekabr 2006-cı il tarixli 487 nömrəli
Azərbaycan Respublikası Prezidentinin Fərmanı (Azərbaycan
Respublikasının Qanunvericilik Toplusu, 2006-cı il, ¹ 12, maddə
1034) ilə Normativ hüquqi aktın dövlət qeydiyyatı
haqqında şəhadətnamə (Əlavə 2)
formalarında “Nazir” sözü “Vəzifəli şəxsin
imzası” sözləri ilə əvəz edilmişdir və
“(imza)” sözü çıxarılmışdır.
Azərbaycan Respublikasının Prezidenti
Heydər Əlİyev
Bakı şəhəri, 21 oktyabr 2000-ci il
¹ 410
Azərbaycan Respublikasının Qanunvericilik toplusu .-
2000.- 31 oktyabr, ¹ 10.- S.4278-4282.