Aylıq əmək haqqının minimum məbləğinin artırılması haqqında

AZƏRBAYCAN RESPUBLİKASI PREZİDENTİNİN FƏRMANI

Azərbaycan Respublikasında aztəminatlı əhalinin sosial müdafiəsini gücləndirmək məqsədi ilə qərara alıram:

1. Aylıq əmək haqqının minimum məbləği 2001-ci il yanvar ayının 1-dən 5 dəfə artırılaraq 27500 manat məbləğində müəyyən edilsin.

2. Azərbaycan Respublikasının Nazirlər Kabinetinə tapşırılsın:

iki ay müddətində Azərbaycan Respublikasının qüvvədə olan normativ hüquqi aktlarının bu Fərmana uyğunlaşdırılması barədə təkliflərini Azərbaycan Respublikasının Prezidentinə təqdim etsin;

bu Fərmandan irəli gələn digər məsələləri həll etsin.

3. “Azərbaycan Respublikasında əhalinin sosial müdafiəsinin gücləndirilməsi haqqında” Azərbaycan Respublikası Prezidentinin 1995-ci il 6 fevral tarixli, 275 nömrəli Fərmanı qüvvədən düşmüş hesab edilsin.

Azərbaycan Respublikasının Prezidenti Heydər Əlİyev

Bakı şəhəri, 28 oktyabr 2000-ci il

№ 412

Azərbaycan Respublikasının Qanunvericilik toplusu .- 2000.- 31 oktyabr, № 10.- S.4283.