2000-ci il
mayın 16-da Bakı şəhərində Azərbaycan
Respublikası və Türkiyə Respublikası arasında
imzalanmış sənədlər haqqında
AZƏRBAYCAN RESPUBLİKASI PREZİDENTİNİN
SƏRƏNCAMI
1. 2000-ci il mayın 16-da Bakı şəhərində
Azərbaycan Respublikası və Türkiyə Respublikası
arasında imzalanmış aşağıdakı sənədlər
təsdiq edilsin:
1) Azərbaycan Respublikası Hökuməti ilə
Türkiyə Respublikası Hökuməti arasında təmənnasız
hərbi yardım haqqında Müqavilə;
2) Azərbaycan Respublikası Müdafiə Nazirliyi ilə
Türkiyə Respublikası Baş Qərargahı arasında
maliyyə yardımı haqqında Protokol.
2. Azərbaycan Respublikasının Azərbaycan
Respublikasının Nazirlər Kabinetinə
tapşırılsın ki, bu Sərəncamın 1-ci bəndində
göstərilən sənədlərin həyata keçirilməsi
üçün lazımi tədbirlər görsün.
3. Azərbaycan Respublikasının Xarici İşlər
Nazirliyinə tapşırılsın ki, bu Sərəncamın
1-ci bəndinin 1-ci yarımbəndində göstərilən
sənədin qüvvəyə minməsi üçün zəruri
olan dövlətdaxili prosedurların yerinə yetirilməsi
haqqında Türkiyə Respublikasının Hökumətini
xəbərdar etsin.
Azərbaycan Respublikası Hökuməti ilə
Türkiyə Respublikası Hökuməti arasında təmənnasız
hərbi yardım haqqında
M Ü Q A V İ L Ə
Türkiyə Respublikası Hökuməti Azərbaycan
Respublikası Hökuməti nə 3 100 000 (üç milyon
yüz min) ABŞ dolları məbləğində təmənnasız
yardım edəcəkdir. Təmənnasız yardım 2000-ci
ildən etibarən istifadə olunacaqdır.
Maddə 2
Tәmәnnasız yardımın 2 860 000 (iki milyon
səkkiz yüz altmış min) ABŞ dolları məbləğində
olan hissəsi vəsait və xidmət yardımı kimi, 240
000 (iki yüz qırx min) ABŞ dolları məbləğində
olan hissəsi isə nağd yardım şəklində
Türkiyə Respublikasının bu mövzudakı
açıqlamalarına görə göstəriləcəkdir.
Maddə 3
3 100 000 (üç milyon yüz min) ABŞ dolları
məbləğində təmənnasız yardım, hər
iki ölkənin səlahiyyətli şəxsləri
arasında bu Müqaviləyə əlavə olaraq ayrıca
hazırlanıb imzalanacaq İcra Protokolunun müddəalarına
görə həyata keçiriləcəkdir.
Maddə 4
Azərbaycan Respublikası Türkiyə
Respublikasının əvvəlcədən
razılığı olmadan mal və xidmətləri və
yaxud onlardan istifadə haqqını başqa bir ölkəyə
və ya üçüncü tərəfə verməyəcəyi
barədə öhdəliyə sadiq qalacaqdır.
Maddə 5
Bu Müqavilə Türkiyə Respublikası Nazirlər
Kabineti tərəfindən təsdiq edildikdən sonra qüvvəyə
minəcək və İcra Protokolunda müəyyən ediləcək
mal və xidmətlər Azərbaycan Respublikası Müdafiə
Nazirliyi tərəfindən təslim alınana qədər
qüvvədə qalacaqdır.
Təmənnasız hərbi yardım haqqında
Müqaviləni Azərbaycan Respublikası tərəfindən
Müdafiə Nazirliyi, Türkiyə Respublikası tərəfindən
isə Baş Qərargah həyata keçirəcəkdir.
Bu müqavilənin həyata keçirilməsində
meydana gələ bilən bütün
anlaşılmazlıqlar qarşılıqlı
danışıqlar yolu ilə həll ediləcəkdir.
Bu Müqavilə Azərbaycan, türk və ingilis dillərində
iki əsl nüsxədə hazırlanmışdır, hər
hansı anlaşılmazlıq olarsa ingilis dilində olan mətn
əsas götürüləcəkdir.
Bu müqavilə 16 may 2000-ci il tarixində Bakı
şəhərində imzalanmışdır.
Azərbaycan Respublikası
Türkiyə Respublikası
Hökuməti
adından
Hökuməti adından
Azərbaycan
Respublikası müdafiә
Türkiyə Respublikası Silahlı
nazirinin maddi-texniki təminat üzrə
Qüvvələri Baş Qərargahının
müavini-Silahlı
Qüvvələrin
Müdafiə Planlaşdırılması və
Maddi-texniki Təminat
Rəisi
Mənbələrin İstiqamətləndirilməsi
vəzifəsinin
icraçısı
İdarəsinin rəisi
polkovnik
general- mayor
QORXMAZ QARAYEV
ŞERAFETTİN TELYAZAN
Azərbaycan Respublikası Müdafiə Nazirliyi ilə
Türkiyə Respublikası Baş Qərargahı arasında
maliyyə yardımı haqqında
P R O T O K O L
Azərbaycan Respublikası Müdafiə Nazirliyi və
Türkiyə Respublikası Baş Qərargahı (bundan sonra
«Tərəflər» adlandırılacaq) imzalanmış Təmənnasız
Hərbi Yardım haqqında müqavilə çərçivəsində
təsis ediləcək maliyyə yardımının istifadəsi
məqsədi ilə,
aşağıdakı xüsuslarda razılığa
gəldilər:
Maddə 1
Məqsəd
Bu protokolun məqsədi Türkiyə Respublikası tərəfindən
Azərbaycan Respublikası Müdafiə Nazirliyinə 240 000
(iki yüz qırx min) ABŞ dollarına qədər göstəriləcək
maliyyə yardımının tətbiq edilməsi əsaslarını
müəyyən etməkdir.
Maddə 2
Əhatə
Maliyyə yardımı aşağıdakı fəaliyyətlərlə
əlaqədar istifadə ediləcəkdir:
1. Azərbaycan Respublikası Silahlı Qüvvələrinin
hərbi qulluqçularının Türkiyə Respublikası
Silahlı Qüvvələrinin Sülh naminə Tərəfdaşlıq
Mərkəzinin təşkil etdiyi kurslarda iştirakı ilə
əlaqədar xərclər;
2. Xarici hərbi yardımının
planlaşdırılması məqsədi ilə Azərbaycan
Respublikasını ziyarət edəcək türk hərbi
nümayəndələrinin yol xərcləri;
3. İkitərəfli əməkdaşlığın
inkişaf etdirilməsi məqsədi ilə Azərbaycan
Respublikası Silahlı Qüvvələrinin
nümayәndәlәrinin Türkiyə Respublikasına
edəcəyi ziyarətlər və NATO-nun «Sülh naminə
Tərəfdaşlıq» Proqramı çərçivəsindəki
tədbirlərdə iştirak etmək üçün xərclər;
4. KFOR əməliyyatında iştirak edən Azərbaycan
Respublikası Silahlı Qüvvələrinin sülhməramlı
tağımının gündəlik xərcləri;
5. Belçika Krallığının Mons şəhərində
yerləşən NATO-nun Tərəfdaşlığın
Koordinasiyası Qrupunda fəaliyyət göstərən Azərbaycan
Respublikası Silahlı Qüvvələrinin əlaqələndirici
zabitinin xərcləri.
Maddə 3
Tətbiq etmə əsasları
Maliyyə yardımının tətbiq edilmәsi əsasları
aşağıdakı kimi müəyyən edilmişdir:
1. Azərbaycan Respublikası Silahlı Qüvvələrinin
şəxsi heyətinin Türkiyə Respublikasında
keçəcəyi kurslarla əlaqədar xərclərin
ödənilməsi məqsədi ilə 45 000 (qırx beş
min) ABŞ dolları təsis edilir və istifadəsinin əsasları
aşağıda göstərilmişdir:
a) təsis ediləcək mənbə Türkiyə
Respublikasındakı Sülh naminə Tərəfdaşlıq
Təlim Mərkəzində kurs keçəcək Azərbaycan
Respublikası Silahlı Qüvvələrinin şəxsi heyətinin
təyyarə biletləri, yaşayış, yemək, kurs və
digər məsrəflərlə əlaqədar xərclərinin
ödənilməsi üçün istifadə ediləcəkdir;
b) kurslara şəxsi heyətin ayrılması ilə
əlaqədar planlama illik olaraq mövcud üsullara görə
icra ediləcək, təsis edilən mənbə Azərbaycan
Respublikası Müdafiə Nazirliyinin tələblərinə
cavab vermədiyi halda Türkiyə Respublikası Baş Qərargahı
tərəfindən lazımi tədbirlər görüləcəkdir.
2. Xarici hərbi yardımın
planlaşdırılması məqsədi ilə Azərbaycan
Respublikasını ziyarət edəcək türk hərbi
nümayəndələrinin xərclərinin ödənilməsi
məqsədi ilə 15 min (on beş min) ABŞ dolları təsis
edilir və bu mənbə:
a) Azərbaycan Respublikası Silahlı Qüvvələrinin
ehtiyaclarını müəyyən etmək məqsədi ilə
Azərbaycan Respublikasını ziyarət edəcək
türk hərbi nümayəndələrinin təyyarə
biletlərinin alınması;
b) Təmənnasız Hərbi Yardım haqqında
Müqavilə ilə əlaqədar görüşlərdə
iştirak edəcək və bu Müqaviləni imzalayaraq
türk hərbi nümayəndələrinin təyyarə
biletlərinin alınması məqsədi ilə istifadə
ediləcəkdir.
3. Azərbaycan Respublikası Müdafiə Nazirliyi ilə
Türkiyə Respublikası Baş Qərargahı arasında
ikitərəfli əməkdaşlığın inkişaf
etdirilməsi məqsədi ilə Azərbaycan Respublikası
Silahlı Qüvvələrinin şəxsi heyətinin
Türkiyə Respublikasını ziyarəti, NATO-nun «Sülh
naminə Tərəfdaşlıq» Proqramı çərçivəsində
keçirilən tədbirlərdə iştirak etməsi
üçün 15000 (on beş min) ABŞ dolları təsis
olunur və mənbədən istifadə edilməsi əsasları
Azərbaycan Respublikası Müdafiə Nazirliyi tərəfindən
müəyyən ediləcəkdir.
4.135 000 (yüz otuz beş min) ABŞ dolları həcmində
məbləğ KFOR əməliyyatında iştirak edən
Azərbaycan Respublikası Silahlı Qüvvələrinin
sülhməramlı tağımının gündəlik xərclərinin
ödənilməsi məqsədi ilə təsis
edilmişdir. Gündəlik xərclər aşağıda
göstərilən şəkildə müəyyən edilərək
hər ayın sonunda ödəniləcəkdir:
a. Zabitlər üçün:
24 ABŞ dolları
b. Gizirlər üçün:
22 ABŞ dolları
c. Çavuş/əsgərlər üçün:
10 ABŞ dolları
5. 30000 (otuz min) ABŞ dolları məbləği
NATO-nun Tərəfdaşlığın Koordinasiya Qrupunda fəaliyyət
göstərən Azərbaycan Respublikası Silahlı
Qüvvələrinin əlaqələndirici zabitinin xərcləri
üçün təsis edilir.
Azərbaycan Respublikası Silahlı Qüvvələrinin
əlaqələndirici zabitinin aşağıda göstərilən
xərcləri təsis edilən mənbədən ödəniləcəkdir:
a. İş otağı və ev kirayəsi;
b. Xidmət və təmir xərcləri;
c. Telefon və təmir xərcləri;
ç. Dəftərxana ləvazimatı.
6. Türkiyə Respublikası tərəfindən,
Türkiyə Respublikasının Azərbaycan
Respublikasındakı hərbi attaşeliyinin müəyyən
edəcəyi bank hesab nömrəsinə keçiriləcək
maliyyə yardımı mənbəyindən verilən
direktivlər çərçivəsində Bakı Hərbi
Attaşenin nəzarəti altında istifadə ediləcəkdir.
7. Ehtiyac duyularsa, mənbələr arasında
köçürmələr Türkiyə Respublikası
Baş Qərargahı tərəfindən həyata
keçiriləcəkdir.
Maddə 4
Dəyişdirmə və nəzərdən
keçirmə
Tərəflərdən hər biri lazım olarsa,
Protokolun dəyişdirilməsini və ya nəzərdən
keçirilməsini yazılı olaraq təklif edə bilər.
Bu halda məlumat verildiyi tarixdən etibarən ən azı 30
gün ərzində görüşlər keçiriləcəkdir.
Sonrakı 45 gün ərzində keçirilən
görüşlərdən heç bir nəticə əldə
edilməzsə, Tərəflərdən hər biri 30 gün ərzində
Protokolun tətbiqini dayandıracaqdır.
Maddə 5
Qüvvədə qalma müddəti
Bu Protokol mənbə ilə əlaqədar
köçürmə işləri qurtardıqdan və
Türkiyə Respublikası Baş Qərargahı tərəfindən
Azərbaycan Respublikası Müdafiə nazirliyinə
bildirildikdən sonra bir il ərzində qüvvədə
qalacaqdır.
Maddə 6
Təsdiq etmə və qüvvəyə minmə
Bu protokol Türkiyə Respublikası baş Qərargahının
mənbə ilə əlaqədar köçürmələrin
tamamlanması barədə məlumatı Azərbaycan
Respublikası Müdafiə Nazirliyinə
çatdırılmasından sonra qüvvəyə minəcəkdir.
Maddə 7
Mətn və imza
Bu Protokol Azərbaycan, türk və ingilis dillərində
iki əsl nüsxədə hazırlanmışdır. Hər
hansı anlaşılmazlıq olarsa ingilis dilində olan mətn
əsas götürüləcəkdir.
Bu Protokol 2000-ci il mayın 16-da Bakı şəhərində
imzalanmışdır.
Azərbaycan Respublikası Türkiyə
Respublikası
Hökuməti
adından
Hökuməti adından
Azərbaycan
Respublikası müdafiә Türkiyə
Respublikası Silahlı
nazirinin maddi-texniki təminat üzrə
Qüvvələri Baş Qərargahının
müavini-Silahlı
Qüvvələrin
Müdafiə
Planlaşdırılması və
Maddi-texniki Təminat
Rəisi
Mənbələrin İstiqamətləndirilməsi
vəzifəsinin
icraçısı
İdarəsinin rəisi
polkovnik
general- mayor
QORXMAZ
QARAYEV
ŞERAFETTİN TELYAZAN
Azərbaycan Respublikasının Prezidenti Heydər
Əlİyev
Bakı şəhəri, 21 oktyabr 2000-ci il
¹ 554
Azərbaycan Respublikasının Qanunvericilik toplusu .-
2000.- 31 oktyabr, ¹ 10.- S.4299-4303.