Azərbaycan Respublikası Nazirlər
Kabinetinin bəzi qərarlarının qüvvədən
düşmüş hesab edilməsi və bəzi qərarlarına
dəyişikliklər və əlavələr edilməsi barədə
AZƏRBAYCAN RESPUBLİKASI NAZİRLƏR
KABİNETİNİN QƏRARI
"Azərbaycan Respublikasının Cinayət Məcəlləsinin
təsdiq edilməsi, qüvvəyə minməsi və bununla
bağlı hüquqi tənzimləmə məsələləri
haqqında" Azərbaycan Respublikası Qanununun tətbiq
edilməsi barədə" Azərbaycan Respublikası
Prezidentinin 2000-ci il 8 fevral tarixli, 278 nömrəli Fərmanının
icrasını təmin etmək məqsədi ilə Azərbaycan
Respublikasının Nazirlər Kabineti qərara alır:
I. "Geniş istehlak təyinatlı sənaye
mallarının alveri ilə mübarizə haqqında" Azərbaycan
SSR Ümumazərbaycan Mərkəzi İcraiyyə Komitəsinin
və Xalq Komissarları Sovetinin 1936-cı il 3 sentyabr tarixli qərarı;
"Brakonyerlik haqqında" Azərbaycan SSR Xalq
Komissarları Sovetinin 1937-ci il 9 may tarixli, 2893 nömrəli qərarı;
"Geniş istehlak predmetlərinin alveri ilə
mübarizənin gücləndirilməsi haqqında" Azərbaycan
SSR Xalq Komissarları Sovetinin 1938-ci il 7 mart tarixli, 1204 nömrəli
qərarı;
"Növbələrlə və geniş istehlak
predmetlərinin alveri ilə mübarizənin gücləndirilməsi
haqqında" Azərbaycan SSR Xalq Komissarları Sovetinin
1938-ci il 27 dekabr tarixli, 6554 nömrəli qərarı;
"Azərbaycan SSR şəhərlərində və
şəhər tipli qəsəbələrində
özbaşına tikinti ilə mübarizə tədbirlər
haqqında" Azərbaycan SSR Nazirlər Sovetinin 1951-ci il 1 fevral
tarixli, 119 nömrəli qərarı;
"Ticarətin, sənət kooperasiyasının və
yerli sənayenin təşkilində itkilərlə və
oğurluqla mübarizənin gücləndirilməsi
haqqında" Azərbaycan KP MK və Azərbaycan SSR Nazirlər
Sovetinin 1955-ci il 7 oktyabr tarixli, 707 nömrəli qərarı;
"Cinayətkarlıqla mübarizə tədbirlərinin
gücləndirilməsi haqqında" Azərbaycan KP MK və
Azərbaycan SSR Nazirlər Sovetinin 1966-cı il 16 avqust tarixli,
466 nömrəli qərarı;
"SSRİ Dövlət Arxiv Fondu haqqında
Əsasnamənin və SSRİ Nazirlər Soveti yanında
Baş Arxiv İdarəsi haqqında Əsasnamənin təsdiq
edilməsi barədə" SSRİ Nazirlər Sovetinin 4 aprel
1980-cı il tarixli, 274 nömrəli qərarı
haqqında" Azərbaycan SSR Nazirlər Sovetinin 1980-cı il
5 iyun tarixli, 232 nömrəli qərarı (I bəndinin
4-cü yarımbəndi istisna olmaqla) qüvvədən
düşmüş hesab edilsin.
II. Azərbaycan SSR Nazirlər Sovetinin 1985-ci il 25 mart
tarixli, 93 nömrəli qərarı ilə təsdiq
edilmiş "Azərbaycan SSR-də vətəndaşlıq
vəziyyəti aktlarının qeydiyyatı qaydası
haqqında Təlimat"ın 92-ci maddəsinin 3-cü
abzası aşağıdakı redaksiyada verilsin:
"Övladlığa götürənin istəyinin
ziddinə olaraq övladlığa götürmənin sirlərini
yayan şəxs Azərbaycan Respublikasının qanunvericiliyinə
əsasən məsuliyyət daşıyır."
III. Azərbaycan Respublikası Nazirlər Kabinetinin
1997-ci il 19 dekabr tarixli, 138 nömrəli qərarı ilə təsdiq
edilmiş "Azərbaycan Respublikasında rabitə vasitələrinin
və qurğularının mühafizə
Qaydaları"nın 18-ci bəndinin 1-ci abzasında
"inzibati və cinayət məsuliyyəti" sözləri
"məsuliyyət" sözü ilə əvəz
edilsin.
IV. Azərbaycan Respublikası Nazirlər Kabinetinin
1998-ci il 17 fevral tarixli, 33 nömrəli qərarı ilə təsdiq
edilmiş "Tir atıcılığının təşkili
üçün xüsusi razılıq (lisenziya) verilməsi
Qaydaları"nın 2.4.5-ci yarımbəndinə
"ağır" sözündən sonra "və
xüsusilə ağır" sözləri əlavə edilsin.
V. Azərbaycan Respublikası Nazirlər Kabinetinin
1998-ci il 1 may tarixli, 103 nömrəli qərarı ilə təsdiq
edilmiş "Pullu hüquqi xidmətlərə xüsusi
razılıq (lisenziya) verilməsi Qaydaları"nın
2.4.8-ci yarımbəndinə "ağır " sözlərindən
sonra "və xüsusilə ağır" sözləri əlavə
edilsin.
VI. Azərbaycan Respublikası Nazirlər Kabinetinin
1999-cu il 27 mart tarixli, 52 nömrəli qərarı ilə təsdiq
edilmiş "Ümumi yayılmış faydalı
qazıntı yataqlarının işlənməsi
üçün yer təkinin verilməsi Qaydaları"na 2
nömrəli əlavədə "Qanunlarına uyğun
olaraq cinayət, inzibati və yaxud digər məsuliyyətləri
daşıyırlar" sözləri "qanunvericiliyinə
müvafiq məsuliyyət daşıyırlar" sözləri
ilə, "Yerin təki haqqında" Azərbaycan
Respublikasının Qanununa və "İnzibati
hüquqpozmalar haqqında" Azərbaycan
Respublikasının Məcəlləsi"nə uyğun
olaraq cinayət, inzibati və digər məsuliyyətləri
daşıyırlar" sözləri isə "Azərbaycan
Respublikasının qanunvericiliyinə müvafiq məsuliyyət
daşıyırlar" sözləri ilə əvəz
edilsin.
VII. Azərbaycan Respublikası Nazirlər Kabinetinin
1999-cu il 9 yanvar tarixli, 1 nömrəli qərarı ilə təsdiq
edilmiş "Yer təki sahəsinə faydalı
qazıntıların çıxarılması, faydalı
qazıntıların çıxarılması ilə əlaqədar
olmayan yeraltı qurğuları tikmək və istismar etmək
məqsədi ilə "Dağ-mədən ayırması"
statusunun verilməsi Qaydaları"na 1 nömrəli əlavədə
"Qanunlarına uyğun olaraq cinayət, inzibati və yaxud
digər məsuliyyətləri daşıyırlar"
sözləri "qanunvericiliyinə müvafiq məsuliyyət
daşıyırlar" sözləri ilə, "Yerin təki
haqqında" Azərbaycan Respublikasının Qanununa və
"İnzibati hüquqpozmalar haqqında" Azərbaycan
Respublikasının Məcəlləsi"nə uyğun
olaraq cinayət, inzibati və digər məsuliyyətləri
daşıyırlar" sözləri isə "Azərbaycan
Respublikasının qanunvericiliyinə müvafiq məsuliyyət
daşıyırlar" sözləri ilə əvəz
edilsin.
VIII. Azərbaycan Respublikası Nazirlər Kabinetinin
1999-cu il 24 sentyabr tarixli, 152 nömrəli qərarı ilə
təsdiq edilmiş "Azərbaycan Respublikasında balıq
ehtiyatlarının mühafizəsi və balıq ovu
Qaydaları"nın 9-cu bəndində "mülki, intizam,
inzibati və cinayət məsuliyyəti" sözləri
"məsuliyyət" sözü ilə əvəz
edilsin.
IX. Bu qərar imzalandığı gündən
qüvvəyə minir.
Azərbaycan Respublikasının Baş naziri
A.Rasİzadə
Bakı şəhəri, 9 oktyabr 2000-ci il
№ 185
Azərbaycan Respublikasının Qanunvericilik toplusu. -
2000.- 31 oktyabr, № 10.- S.4426-4427.