Regionlarda İKT sürətlə inkişaf edir
Göyçay rabitəsi
“Regionların sosial-iqtisadi inkişafı Dövlət Proqramı”na uyğun olaraq bütün bölgələrdə olduğu kimi Göyçayda da həyata keçirilən tədbirlər sayəsində rayonda yeni inkişaf mərhələsinin əsası qoyulmuşdur. Ölkə prezidenti İlham Əliyev cənablarının tapşırıq və tövsiyələrinə uyğun olaraq rayon İcra Hakimiyyətinin başçısı M.Məmmədovun rəhbərliyi ilə həyata keçirilən tədbirlər nəticəsində Göyçay sözün əsil mənasında özünün inkişaf dövrünü yaşayır. İnkişaf dinamikası rayonun rabitə və informasiya texnologiyaları sektorunda da özünü göstərir. RİTN “Aztelekom” İB və ”Azərpoçt” MMC-nin dəstəyi ilə əhaliyə müasir rabitə xidməti göstərən rabitəçilər rayonda aparılan yenidənqurma işlərinə öz töhfələrini verməkdədirlər. Yaxın günlərdə rabitə şəbəkəsinin ən müasir NGN texnologiyası əsasında tamamilə yenidən qurulması, yeni texnologiyaların poçt rabitəsinə tətbiqi ilə bu inkişaf strategiyası uğurla davam etdiriləcək.
İnformasiya və kommunikasiya
texnologiyaları
Göyçay TKQ-nin rəisi İslam Əliyev bizimlə söhbətində bildirdi ki, Göyçay mərkəzi və kənd ATS-lərinin NGN texnologiyası ilə yenidən qurulması məqsədi ilə Sloveniyanın “İskratel” şirkəti ilə müqavilə imzalanmışdır. Rayonda ilk dəfə tətbiq olunacaq müasir rabitə texnologiyaları əhalinin beynəlxalq standartlara cavab verən informasiya-telekommunikasiya xidmətlərindən səmərəli istifadəsinə şərait yaradacaq, abonentlərin beynəlxalq rabitə xəttinə çıxışını tam təmin edəcəkdir.
İ.Əliyev sözlərinə davam edərək bildirdi ki, Göyçay TKQ tərəfindən əhaliyə yüksək keyfiyyətli genişzolaqlı internet xidmətləri göstərilir. Hazırda rayonda internet xidməti təqdim edən iki provayder fəaliyyət göstərir: “DATA Plus” MMC və “Aztelekom.net”.
Adları çəkilən provayderlər
tərəfindən 200-dən çox sürətli
internet kanalı istifadəyə
verilmişdir. Rayonun SU-3 qəsəbəsində yerləşən
EATS-də olan abunəçilərin sürətli
internetlə təmin olunması məqsədilə
“DATA Plus” MMC-yə məxsus
avadanlıq qurularaq montaj edilmiş və istismara hazırdır.
Rayonun mərkəzi məktəblərində
şagirdlərin maariflənməsi
məqsədilə mərkəzi
ATS-də Azərbaycan
elm və təhsil şəbəkələri assosiasiyasının
- Azedunet-in transmissiya avadanlığı quraşdırılmış
və onun köməyi ilə məktəblərin beynəlxalq
internet şəbəkəsinə çıxışı təmin
edilmişdir.
Rayonun mərkəzi küçələrindən
olan Mehdi Hüseynzadə, Nizami, Heydər Əliyev və Əli Kərim küçələrindəki
hava rabitə xətləri kabel kanalizasiya quyularına salınmışdır.
Beynəlxalq Bank, rayon polis
şöbəsi, tədris
mərkəzi, rayon icra
hakimiyyəti, ƏSMM, 9 saylı
ərazi vergilər idarəsi, “AzNar”şirkəti
mərkəzi ATS-ə FO kabeli
vasitəsilə qoşulmuşdur.
Kənd rabitəsi
də inkişaf edir
Göyçay TKQ-nin həyata keçirdiyi tədbirlər nəticəsində
rayonun 7 kəndində
Mirzəhüseyinli, Qaraxıdır,
Qarayazı, Mallı-Şıxlı,
Mırtı, Qaraman, Alxasafa kəndlərində
müasir tələblərə
uyğun yeni ATS binasının tikilməsi
üçün müqavilələr
bağlanmış, digər
kəndlərin ATS binalarının
təmiri işlərinə
başlanmışdır.
Həyata keçirilən tədbirlər
çərçivəsində Qaraxıdır kəndində
günün tələblərinə
uyğun yeni EATS binasının tikintisi tam
başa çatdırılmış,
yeni xətt təsərrüfatının tikintisinə
başlanılmışdır.
“Aztelekom”
İB-nin layihə smeta sənədlərinə
uyğun olaraq, Göyçay mərkəzi
ATS-nin və kənd ATS-lərinin NGN texnologiyası ilə tikintisi məqsədi ilə rayon mərkəzi
ATS-dən rayonun Cəyirli, Ləkçıplaq,
Qaraman, Mırtı, Şəkər, Qaraxıdır,
Qızılağac, Kürdşaban,
Məlikkənd, Çaxırlı,
Müsgürlü, Yeniarx,
Çərəkə, Mallışıxlı,
Potu, Ərəbcəbirli,
Qarabaqqal, Bığır
kəndlərinin fiber-optik
xətti ilə birləşməsi üçün
işlər başa çatdırılmış, Qarayazı,
Alxasafa, İnçə,
Alpoud kəndlərinin
FO xəttinə qoşulması
işlərinə başlanmışdır.
RİTN “Aztelekom” İB-nin dəstəyi ilə Qaraməryəm və İnçə kənd
ATS-nin tam elektronlaşması
işləri başa çatdırılmış və
xətt şəbəkəsi
tamamilə yeniləşdirilmişdir.
“Aztelekom” İB-nin rayonda müasir informasiya texnologiyalarının
tətbiqi və inkişaf etdirilməsi üçün tədbirlər
görülmüş, Aztelekom.net şəbəkəsi xidmətinin
təbliğatı və
kartların satışı
mütəmadi təmin
olunmuşdur.
İ. Əliyev qovşağın
bugünkü nailiyyətlərinin
əldə olunmasında
kadr potensialının
əməyini yüksək
qiymətləndirərək qovşağın əməksevər
kollektivinin biliyi, bacarığı sayəsində
bu sahədə daha böyük nailiyyətlərin əldə
olunacağını əminliklə
bildirdi.
Onlara yaradılan
şəraitə görə
RİTN “Aztelekom” İB-nin
və Göyçay
Rayon İcra Hakimiyyətinin
rəhbərliyinə təşəkkürünü
bildirən İ.Əliyev
daha sonra qeyd etdi ki,
Azərbaycanda və eləcə də Göyçay şəhərində
ölkəmizin rifahı
naminə qarşılarına
qoyulan vəzifələrin
bundan sonra da layiqincə yerinə yetirilməsi üçün bütün
qüvvələrini səfərbər
edəcək, bilik və bacarıqlarını
əsirgəməyəcəklər.
Poçt
Poçt sistemi yeni texnologiyalar əsasında modernləşdirilir
Möhtərəm
Prezidentimiz İlham Əliyev cənablarının diqqət və
qayğısı ilə ölkəmizdə informasiya və
kommunikasiya texnologiyalarının inkişafına paralel olaraq
poçt rabitəsi sahəsi də sürətlə
inkişaf etməkdədir. “Azərpoçt”
MMC-nin 70 poçtamtı sırasında seçilmiş 10
regional poçt filialından biri olan Göyçay Regional
Poçtamtı əldə etdiyi nailiyyətlərə
görə filiallar sırasında birinciliyə
iddialıdır. Regional Poçt
Filialı əhaliyə poçt rabitəsi xidmətlərini
göstərmək üçün ən geniş şəbəkəyə
və potensial imkanlara malikdir.
Regional Poçt
Filialının rəisi Xələf Məmmədov bizimlə
söhbətində bildirdi ki, Prezident İlham Əliyev cənablarının
diqqət və qayğısı sayəsinbə RİTN “Azərpoçt”
MMC-nin köməkliyi ilə qısa zamanda rayonun kənd və
şəhər poçt şöbələri kompyuter vasitəsilə
on-line şəbəkəsinə qoşulmuşdur. Bu kompyuterlər vasitəsilə pul
köçürmələri, teleqramların
ötürülməsi, telefon danışıq
haqlarının, təbii qaz və elektrik enerji haqlarının yığılması
həyata keçirilir.
Regional Poçt
Filialının rəisi X.Məmmədov sözlərinə
davam edərək bildirdi ki, rayonda poçt rabitəsinin
inkişafı istiqamətində həyata keçirilən tədbirlər
nəticəsində ötən il 3 poçt şöbəsi
tikilərək istifadəyə verilmiş, bu il isə 4 yeni
poçt şöbəsi binası tikilərək
əhalinin istifadəsinə
veriləcəkdir.
Kənd poçt şöbələri
yeni mebellərlə, kompyuter avadanlıqları ilə təmin
edilmişdir . O cümlədən 6 kənd
poçt şöbəsi - Qarabaqqal, Qaraməryəm, Ərəbcəbirli,
Potu, İnçə, Cəyirli - kompyuter vasitəsi ilə əhaliyə
bütün növ poçt xidmətləri göstərir. Əhalinin böyük marağına səbəb
olan müasir poçt rabitəsinin genişləndirilməsi
perspektivlərini araşdıran müəssisə 50-yə
yaxın əsas və əlavə xidmət göstərməyə
qadirdir. Güclü kadr potensialına arxalanan X.Məmmədov
yaxın vaxtlarda ən böyük uğurlara imza
atacaqlarını əminliklə bildirərək Regional
Poçt Filialının Azdatakom şəbəkəsinə
qoşulmaqla COLVİR, KÖMİS
(avtomatlaşdırılmış kütləvi informasiya
sistemi) kimi proqramlardan səmərəli istifadə etdiyini
dedi.
COLVİR
sistemi ilə məktubların, bağlamaların, xəbərnamələrin
ştrix kodları qeyd olunur və göndərilən məktub
xəbərnamə bağlamaların harada olmasını izləməyə
imkan verir. Bu işlərin tətbiq olunması
üçün əhalinin bu sistemə böyük
ehtiyacı duyulurdu. Bu sistem olmayan vaxtlar əhali
arasında poçta inamsızlıq var idi. Hal-hazırda göndərilən məktub,
bağlama, xəbərnamə, teleqramlar bu sistem vasitəsi ilə
vaxtında yerlərinə çatdırılır və vətəndaşlar
bu sistemin işindən çox razıdırlar. O
cümlədən COLVİR sistemi ilə respublikanın istənilən
ərazisində pul baratlarının göndərilməsi
işi sürətlə həyata keçirilir. Belə ki, ən geci 15 dəqiqə müddətində
hər bir vətəndaş bu pul köçürmələrindən
yararlana bilər. Bu sistemin işindən vətəndaşlar
çox razılıq edir.
Rəis onu da
bildirdi ki, bu sistemə qoşulduqdan sonra Göyçay Regional
Poçt Filialının gəlirləri xeyli
artmışdır. Buna səbəb əvvəllər
filialın istifadə etdiyi qəbzlərin baha başa gəlməsi
olmuşdur. Bu və ya digər tədbirlər
nəticəsində Göyçay Regional Poçt
Filialının ötən ilin eyni dövrünə nisbətən
gəlirləri xeyli artmışdır. Konkret
olaraq qeyd edək ki, Azdatakom şəbəkəsinə
qoşulmaqla Göyçay Regional Poçt Filialı gəlirlərini 50 % artırmışdır.
Maliyyə xidmətlərinin
inkişafı layihəsinə uyğun olaraq “Azərpoçt”MMC-nin
nəzdində bank islahatları aparılmış və
bütün bölgələrdə olduğu kimi
Göyçay Regional Poçt Filialında da bu işlərə
geniş miqyasda başlanılmışdır. Mərkəzi
xəzinənin daxilində tikinti-quraşdırma işləri
aparılmışdır. Bank
islahatları aparmaq üçün Göyçay RPF tam hazır vəziyyətə
gətirilmişdir.
Rəis onu da
bildirdi ki, görülən işlərlə yanaşı
plan və tapşırıqların yüksək səviyyədə
icrası da diqqət mərkəzində olmuşdur. Belə ki, ötən ilin
yanvar-may aylarında tarif gəliri üzrə proqnoz
tapşırığı 109,1% icra
olunduğu halda bu ilin müvafiq dövründə isə bu
172,0% olmuşdur. O cümlədən poçt rabitəsi xidməti
üzrə 2009-cu ilin yanvar-may aylarında 108,7%
, 2010-cu ilin müvafiq dövründə 171,2% olmuşdur.
Teleqraf rabitəsi üzrə 2009-cu ilin yanvar-may aylarında
3154 manat əvəzinə 2010-cu ilin yanvar-may aylarında 3659
manat, pul baratlarının göndərilməsindən 2009-cu
ilin yanvar -may aylarında 5271 manat əvəzinə 2010-cu ilin
uyğun dövründə 7344 manat , işıq pulu
yığımından 2009-cu ilin yanvar-may aylarında 11684
manat əvəzinə 17721 manat , qaz pulu
yığımından 2009-cu ilin yanvar-may aylarında 17557
manat əvəzinə 32783 manat, ŞATD və abunə
haqlarının yığımından 2009-cu ilin yanvar-may
aylarında 833 əvəzinə 2010-cu ilin yanvar-may
aylarında 9075 manat, bağlamaların 2009-cu ilin yanvar-may
aylarında 2901 manat əvəzinə 2010-cu ilin yanvar-may
aylarında 3166 manat gəlir əldə olunmuşdur. Rəis daha sonra bildirdi ki, Göyçay RPF kommersiya
xidmətlərindən xeyli gəlir əldə etmişdir.
Belə ki, Sim, Cin, Nar telefon danışıq
kartlarının satışından 2009-cu ilin ilk beş ayında 746 manat gəlir əldə
olmuşdursa, bu ilin yanvar-may aylarında bu məbləğ
2115 manat olmuşdur.
Rəvan Soltanov
Rabitə dünyası.- 2010.- 18
iyun.- S.7.