BAKIDA “QLOBAL PEYK NAVİQASİYASI SİSTEMLƏRİNİN TƏTBİQİ SAHƏLƏRİ” MÖVZUSUNDA BEYNƏLXALQ SİMPOZİUM KEÇİRİLMİŞDİR

Bakıda “Ramada” mehmanxanasında “Qlobal peyk naviqasiyası sistemlərinin tətbiqi sahələri” mövzusunda beynəlxalq simpozium keçirilmişdir.

Tədbir Rabitə və İnformasiya Texnologiyaları Nazirliyinin, Birləşmiş Millətlər Təşkilatının Kosmik Məkan Məsələləri üzrə İdarəsinin (BMT KMMİ) və Avropa Kosmik Agentliyinin təşkilatçılığı ilə keçirilmişdir. Simpoziumda Azərbaycan Milli Aviasiya Akademiyasının rektoru, akademik Arif Paşayev, Ali Attestasiya Komissiyasının sədri Arif Mehdiyev, həmçinin BMT-nin Kosmik Məsələlər üzrə Proqramının rəhbəri Hans Haubold, ABŞ Dövlət Departamentinin kosmik məsələlər üzrə xüsusi nümayəndəsi Ken Hodgkins və 32 ölkənin sahə üzrə 50-dək nümayəndəsi iştirak etmişdir. Azərbaycan, Argentina, Çin, Misir, Almaniya, Hindistan, İran, İraq, İtaliya, Qazaxıstan, Qırğızıstan, Latviya, Livan, Moldova, Marokko, Norveç, Pakistan, Polşa, Rumıniya, Rusiya Federasiyası, Şri-Lanka, İsveçrə, İsveç, Suriya, Tacikistan, Tunis, Türkiyə, Ukrayna, ABŞ və Özbəkistandan olan nümayəndələr seminarın işində yaxından iştirak etmişdilər.

Beynəlxalq konfransda yüksək sürətli tələbatla artan naviqasiya sistemləri və idarə olunması, belə sistemlərin iqtisadi səmərəliliyi, həmçinin Qlobal Peyk Naviqasiya Sistemlərinin (QPNS) fəaliyyəti və inkişafı, QPNS üzrə məlumatların toplanması təhlili məsələləri müzakirə olunmuşdur. Simpoziumda müzakirə olunmuş prioritet məsələlərdən biri də Azərbaycanda Qlobal Kosmik Naviqasiya sistemləri üzrə regional mərkəzin açılması olmuşdur. Simpoziumda iştirak edən dünya şöhrətli alimlər keçirilən konfransın hər bir ölkə üçün əhəmiyyətli olacağını bildirmişlər. Seminar qarşısında duran əsas vəzifələr regionda QPNS texnologiyasının tətbiqinin mümkün faydası barədə rəhbər işçilərin, metodika və strategiya tərtibatçılarının daha geniş məlumat almalarını təmin etmək, beynəlxalq, regional eləcə də milli səviyyədə QPNS infrastrukturunun həyata keçirilməsi, sosial-iqtisadi artımın inkişafı üçün QPNS texnologiyasından istifadə edən regional/ milli pilot layihələrin təkmilləşdirilməsi, QPNS texnologiyalarının istifadəsi həmçiQeyd edək ki, indi Amerika Birləşmiş Ştatlarının Qlobal Mövqe Təyinetmə Sistemi (QMTS), Rusiya Federasiyasının Qlobal Peyk Naviqasiya Sistemi (QPNS), Avropanın Qalileo Sistemi və Çinin Kompas/BeiDou, Hindistanın Qlobal Mövqe Təyinetmə Sistemi eləcə də, GeoStasionar Genişlənmiş Naviqasiya Sistemi (GGNS), Yaponiyanın Kvazi-Zenit Peyk Sistemi (KZPS) kimi mövcud qlobal naviqasiya sistemlərini genişləndirən çoxlu sayda peykləri vardır. Xüsusilə, inkişaf etməkdə olan ölkələr üçün Qlobal Peyk Naviqasiya Sistemləri üzrə tətbiq sahələri iqtisadi inkişafa aparan və davamlı inkişafı dəstəkləyən sərfəli variant təklif edir. Peyk naviqasiyası indi bir çox sektorlarda həmçinin xəritəçəkmə və geodeziya, ətraf mühitin monitorinqi, dəqiq kənd təsərrüfatı, təbii resursların idarə edilməsi, qəza hallarının aradan qaldırılması, aviasiya, dəniz və quru nəqliyyatı kimi sahələrdə istifadə olunur.

Məlumat üçün bildirək ki, 2001-ci ildən etibarən «UNİSPACE III»-in tövsiyələrinə əməl edərək, KMMİ, QPNS-in bütün dünyada istifadəsini, xüsusi ilə də, inkişaf etməkdə olan ölkələrin xeyrinə genişləndirmək məqsədi ilə bir sıra regional seminar və beynəlxalq səviyyəli görüşlər təşkil edilmişdir. Bu tədbirlər nəticəsində əldə olunan əsas nailiyyət kimi QPNS üzrə Beynəlxalq Komitənin, eyni zamanda onun İcraçı Katibliyi olaraq fəaliyyət göstərən KMMİ-in vasitəçiliyi ilə illik görüşlərin keçirilməsini təşkil edən Təchizatçıların Forumunun yaradılmasını göstərmək olar. Bakıda təşkil olunan və 5 gün davam edən “Qlobal peyk naviqasiyası sistemlərinin tətbiqi sahələri” mövzusunda beynəlxalq simpozium da bu qəbildəndir.

Rabitə dünyası.- 2009.- 15 may.- S.2.