Əhalinin sağlamlığı keşiyində

Əhalinin sağlamlığının etibarlı mühafizəsi müasir dövrün aktual məsələsidir. Bu baxımdan İmişli dəmiryol xəstəxanasının və onun tabeçiliyində olan tibb kollektivlərinin işində maraqlı cəhətlər çoxdur. Bölgə müxbirimiz bu barədə oxuculara məlumat verməyi xəstəxananın baş həkimi Rafiq Quliyevdən xahiş etmişdir. R.Quliyev demişdir:

-İmişli dəmiyol xəstəxanasının və sahəyə xidmət göstərən feldşer-mama məntəqələrinin işçiləri dəmiryolçulara və onların ailələrinə göstərilən səhiyyə xidmətinin yüksəldilməsi sahəsində müntəzəm təsirli tədbirlər hazırlayıb həyata keçirir, insanların cansağlığının mühafizəsi, müxtəlif tibbi xidmətlərlə əhatə edilməsinə ardıcıl diqqət yetirirlər. Xəstəxanamıza müraciət edənlər müasir tələblər səviyyəsində müayinə və müalicəyə cəlb olunurlar.

Xəstəxanada 40 çarpayılıq terapiya, 25 çarpayılıq cərrahiyyə, 10 çarpayılıq uşaq, 15 çarpayılıq doğum şöbələri, həkim ambulatoriyası, tibb məntəqəsi, 7 feldşer-mama məntəqəsi fəaliyyət göstərir. Burada həmçinin Əhalinin sağlamlığı keşiyində ultrasəs müayinə və fizioterapiya, elektrokar-dioqrafiya kabinetləri, müasir laboratoriya tibbi xidmətin səviyyəsini yüksəltməyə imkan yaradır.

Müalicə müəssisələrinin kadrlarla təminatına ən vacib bir məsələ kimi diqqət yetiririk. Onların ixtisasının artırılması, praktiki və nəzəri biliklərinin yüksəldilməsi, gənc tibb işçilərinin öz peşəsinin bilicisi kimi yetişdirilməsi daim diqqət mərkəzindədir. Tibb ocaqları öz peşəsinin sirlərini mükəmməl bilən, bu işə yüksək məsuliyyət və vicdanla yanaşan kadrlarla yetərincə komplektləşdirilmişdir. 21 min nəfər dəmiryolçuya və onların ailə üzvlərinə 25 həkim, 96 nəfər orta tibb işçisi xidmət edir. Vətəndaşlarımız peşəkar həkimlərimizdən, ömrünü-gününü bu müqəddəs işə sərf edənlərdən həmişə razılıq edirlər.

Səhiyyə ocaqlarında ana və uşaqların mü-hafizəsi gücləndirilmişdir. Son 6 ay ərzində hamilə qadınların hamısı xüsusi qeydiyyata götürülmüş, onlar mama-ginekoloqlara təhkim olunmuşlar. Nəticədə, doğum şöbəsində 245 körpə dünyaya göz açmışdır. Yeni doğulan körpələrin hamısı peyvəndləməyə cəlb olunmuşlar.

Kollektivimizin səyləri ilə infeksion xəstəliklərə, xüsusilə malyariyaya qarşı keyfıyyətli əks-epidemik tədbirlər görülmüş, bütün ərazidə malyariyaya qarşı müayinələr aparılmış, qan nümunələri götürülərək təhlil olunmuşdur. Profılaktik tədbirlərin vaxtında görülməsi nəticəsində difteriya, poliomielit və digər xüsusi təhlükəli yoluxucu xəstəliklər baş verməmişdir. Vərəmlə mübarizə gücləndirilmiş, adamlarda döş qəfəsi orqanlarının diaqnostikası və profilaktiki müayinəsi müntəzəm olaraq aparılmışdır. Dispanser nəzarətində olanlar vaxtlı-vaxtında müayinə olunur, onların müalicələri üçün hər cür imkandan istifadə edilir. Bundan başqa, uşaqlarda geniş miq-yasda mantu sınağı qoyulmuş, təkrar müayinələr keçirilmiş, xəstə uşaqlara səmərəli mü-alicə təyin olunmuşdur. Müvafiq Dövlət Proqramına əsasən şəkərli diabetli xəstələrin dərman təminatı daim nəzarətdə saxlanılmışdır. Maddi-texniki bazanın möhkəmləndirilməsi xidmət mədəniyyətinin yüksəldilməsində mühüm rol oynayır. Son vaxtlar tibb müəssisələrində bu sahədə xeyli iş görülmüşdür. Xəstəxananın şöbələrində, feldşer-mama məntəqələrində təmir işləri aparılmışdır, yaxın gələcəkdə istisnasız olaraq bütün tibb ocaqları əsaslı və cari təmirdən çıxacaqdır. Tibb müəssisələri müxtəlif tibbi avadanlıqlarla, bərk və yumşaq inventarla təmin olunmuşlar, onların ərazilərində abadlıq və yaşıllaşdırma işləri görülmüşdür. Bütün şöbələrdə müasir tipli soyuducular qoyulmuş, peyvənd materiallarının və dərmanların keyfiyyətli halda saxlanılması təmin edilmişdir.

Sabir Mustafayev

Respublika.- 2010.- 27 avqust.- S. 3.