Azərbaycan xalqının tarixi nailiyyəti
Bu gün müstəqil Azərbaycan inkişafının
elə yüksək mərhələsindədir ki,
bu prosesin davamlı və dönməz səciyyə
daşımasını təmin
etmək baxımından
dövlətçiliyimizin tarixi mərhələsinə
daim nəzər salmaq, əsrlərlə formalaşmış müsbət
ənənələri qoruyub
saxlamaq, buraxılan səhvlərdən isə
nəticə çıxarmaq
zərurətə çevrilmişdir. Xalqımızı müstəqilliyə aparan
yol nə qədər keşməkəşli,
əzab-əziyyətli olsa
da tarixi həqiqət bütün
azərbaycanlılarda qürur
hissi doğurur. Hər bir xalqın həyatında, tarixi yaddaşında onun öz azadlığına
qovuşduğu, öz
müstəqilliyini əldə
etdiyi gün böyük və əziz bayram, mühüm tarixi hadisə kimi əbədi qalır.
Ötən əsrin
əvvəllərində çar
Rusiyasında cərəyan
edən ictimai-siyasi proseslər, imperiya daxilində xalqların azadlıq uğrunda mübarizəyə qalxması
1918 -ci il
mayın 28-də Azərbaycana
öz istiqlaliyyətini
elan etmək imkanı yaratmışdır.
Çar Rusiyasının
əsarətindən sonra
Azərbaycan Milli Şurasının "İstiqlal
Bəyannaməsi"ni qəbul
edərək Azərbaycanın
dövlət müstəqilliyini
bütün dünyaya
bəyan etməsi çoxəsrlik dövlətçilik
tariximizin ən şanlı səhifələrindən
biri, xalqımızın
düşüncə tərzinin,
onun milli azadlıq hərəkatının
ən böyük nailiyyəti idi. Gənc respublika tərəfindən həyata
keçirilən siyasət
müstəqil respublikamızın
əsaslarının yaradılması
və gələcək
inkişaf yolunun müəyyənləşdirilməsi baxımından mühüm
əhəmiyyət kəsb
etmişdir. Demokratik hüquq və azadlıqların bərqərar
olması, etnik və dini mənsubiyyətindən
asılı olmayaraq bütün vətəndaşlara
bərabər hüquqların
verilməsi, Şərqdə
ilk dəfə olaraq qadınların seçki
hüququnun tanınması,
Azərbaycan dilinin dövlət dili elan edilməsi, təhsil və mədəniyyətin inkişafına
qayğı göstərilməsi,
Bakı Dövlət Universitetinin təsis edilməsi, Milli Ordunun, təhlükəsizlik
strukturlarının formalaşdırılması
Azərbaycan Xalq Cümhuriyyətinin qısa
bir zamanda böyük uğurları
kimi qiymətləndirilir
və xatırlanır.
Ümummilli liderimiz
Heydər Əliyev Azərbaycan Xalq Cümhuriyyətinin fəaliyyətini,
onun tarixi əhəmiyyəti və
rolunu çox yüksək dəyərləndirib:
"Müsəlmən Şərqində
ilk demokratik respublika olan Azərbaycan Xalq Cümhuriyyəti ölkəmizin çoxəsrlik
sosial-iqtisadi, ictimai-siyasi
və mədəni inkişafının, xalqımızın
milli oyanışı
və dirçəlişi
proseslərinin məntiqi
nəticəsi kimi meydana çıxmışdır.
Azərbaycan Xalq Cümhuriyyəti xalqımızın
şüur səviyyəsinin,
intellektual və mədəni potensialının,
yüksək istedad və qabiliyyətinin göstəricisi idi... Biz bu gün də
Azərbaycan Xalq Cümhuriyyətinin tarixini,
onun görkəmli şəx-siyyətlərinin fəaliyyətini
dərindən öyrənməli,
ideyalarını təbliğ
etməli, təcrübəsindən
bəhrələnməliyik".
1918-ci il
mayın 28-də Azərbaycanın
istiqlaliyyətinin bəyan
edilməsində, Xalq
Cümhuriyyətinin təşəkkül
tapmasında görkəmli
dövlət xadimləri,
vətənpərvər ziyalılar
və peşəkar hərbçilərin, Məmmədəmin
Rəsulzadənin, Əlimərdan
bəy Topçubaşovun,
Fətəli xan Xoyskinin, Səməd bəy Mehmandarovun, Əliağa Şıxlinskinin
və başqalarının
böyük xidmətləri
olmuş, onların adları xalqımızın
yaddaşına əbədi
həkk edil-mişdir.
Azərbaycan Xalq Cümhuriyyəti beynəlxalq
diplomatiya sahəsində
də çox mühüm uğurlar əldə etmiş, Paris sülh konfransında Azərbaycanın müstəqilliyinin
tanınmasına nail olmuşdur.
Bolşevik işğalı
nəticəsində 1920 -ci
ilin aprelində süqut etməsinə baxmayaraq Azərbaycan Xalq Cümhuriyyəti dövlətçilik tariximizdə
önəmli yer tutmağa, xalqımızın
gələcək müstəqilliyi
yolunda təməl daşına, mayaka çevrildi. Çünki
artıq azadlıq ideyaları şüurlara
birdəfəlik hakim kəsilmişdi. 1991 -ci ildə Azərbaycan öz dövlət müstəqilliyini bərpa
etdikdən sonra özünü Azərbaycan
Xalq Cümhuriyyətinin
siyasi varisi elan edərək onun üçrəngli milli bayrağını, gerbini və himnini qəbul etmişdir. "İstiqlal
Bəyannaməsi"nin bəyan
olunduğu 1918 -ci ilin 28 May günü hər il Respublika
günü kimi təntənə ilə qeyd edilir.
Azərbaycan Xalq Cümhuriyyətinin tarixi,
keçdiyi yol təsdiq etdi ki, müstəqilliyi qoruyub saxlamaq onu qazanmaqdan qat-qat çətindir.
1991 -ci ildə Azərbaycan özünün
dövlət müstəqilliyini
elan etsə də bu, əslində
formal xarakter daşımışdır.
1993 -cü ildə ümummilli lider Heydər Əliyevin xalqın təkidli tələbi ilə hakimiyyətə gəlişi
ilə Azərbaycan cəmiyyətində dövlətçilik
ideyaları bərqərar
olmuşdur. 1994-cü ilin
oktyabr, 1995 -ci ilin mart hadisələrində Heydər Əliyev
özünün qətiyyəti ilə Azərbaycan dövlətçiliyini
ağır faciələrdən xilas edə bilmişdir.
Ümummilli liderimiz siyasi sabitliyi təmin etməklə
yanaşı demokratik dövlət modeli konsepsiyasını həyata
keçirməyə başlamış, Azərbaycanı
uğurlu inkişaf yoluna çıxarmışdır. 1995-ci ildə müstəqil Azərbaycanın ilk
milli Konstitutsiyasının qəbulu, Milli Məclisə
keçirilən seçkilər respublikada dövlət
quruculuğunu sürətləndirmiş, demokratik
islahatların sürətləndirilməsini təmin
etmişdir. Bir sözlə, dünya səviyyəli
siyasətçi Heydər Əliyevin xalqın xahişi ilə
Azərbaycanda hakimiyyətə qayıdışı bizi
qoruyub saxladı, müstəqilliyimizi
əbədi və dönməz etdi.
Hər bir dövlətin həqiqi
müstəqilliyi yalnız yüksək iqtisadi inkişaf,
sosial rifah, insan hüquq və azadlıqlarının
etibarlı təminatı şəraitində mümkün
olur. Bu reallığı düzgün dəyərləndirən
dövlət başçısı llham Əliyev bu istiqamətdə
mühüm addımlar atmışdır. Azərbaycan son illər
bütün sahələrdə dinamik inkişaf etmiş,
ölkənin beynəlxalq nüfuzu daha da artmışdır.
Prezident İlham Əliyevin rəhbərliyi ilə reallaşan
dünya miqyaslı layihələr respublikamızın müstəqilliyini
daha da möhkəmləndirir, regionda müstəqil siyasət
aparmasını təmin edir. Dövlət
başçısı cənab İlham Əliyev haqlı
olaraq vurğulayır: "Müstəqillik o deməkdir ki,
ölkə tam şəkildə müstəqil siyasət apara
bilsin. Mən heç bir başqa misal gətirmək istəmirəm.
Biz bu misalları yaxşı bilirik. Ölkələr var ki,
müəyyən səbəblərə görə müstəqil
siyasət aparmaq iqtidarında deyildir, haradasa imkanları yoxdur,
haradasa tədbirlər görülməyibdir. Azərbaycan bu
baxımdan ayaq üstə çox möhkəm dayanan ölkədir.
Bizim vəzifəmiz, borcumuz, bütün Azərbaycan
xalqının borcu ondan ibarətdir ki, bu müsbət meyil-ləri
daha da möhkəmləndirək".
Xalqımız əmindir ki,
ümummilli liderimiz Heydər Əliyevin yaratdığı və
qurduğu müstəqil Azərbaycan dövləti etibarlı
əllərdədir. Möhtərəm Prezidentimiz İlham Əliyev
Azərbaycanın sürətli inkişafının və
milli mənafeyimizin qətiyyətli təminatçısıdır.
Onun rəhbərliyi ilə xalqımız daha firavan gələcəyə
doğru inamla addımlayır.
Əhməd MEHDİYEV
Respublika.- 2010.- 1 iyun.- S. 4.