Uşaqlar üçün yararlı Azərbaycan naminə
çalışaq
1 İyun Uşaqların Beynəlxalq Müdafiəsi
Günüdür
Müasir dövrdə
insanın hüquq və azadlıqları, onların təmini
və səmərəli şəkildə müdafiəsi, təbliği
hər bir dövlətin və cəmiyyətin
inkişafının mühüm faktoru kimi çıxış
edir. Beynəlxalq hüququn, o cümlədən
ümumtanınmış insan hüquqları
standartlarının dövlətdaxili implementasiyası
üçün adekvat hüquqi əsas müəyyən edən
12 noyabr 1995-ci il tarixli Azərbaycan Respublikası
Konstitusiyası və ölkəmizdə insan hüquqları
sahəsində qəbul edilmiş digər normativ-hüquqi
aktlar beynəlxalq hüquq normalarına hörmət prinsipi
üzərində qurulmuşdur. Konstitusiyada insan və vətəndaş
hüquq və azadlıqlarının müdafiəsi
qanunvericilik, icra və məhkəmə hakimiyyəti
orqanlarının üzərinə mühüm bir vəzifə
kimi qoyulmaqla yanaşı, insan və vətəndaş
hüquqlarının üstünlüyü, ölkə ərazisində
birbaşa qüvvəsi, onların təmin olunması Azərbaycan
Respublikasının ali məqsədi olduğu bəyan edilir.
Eləcə də
"Ümumdünya insan Hüquqları Bəyannaməsində",
"İnsan Hüquqlarının və Əsas
Azadlıqlarının Müdafiəsi haqqında Avropa
Konvensiyasında", BMT-nin Uşaq Hüquqlan
Konvensiyasında, o cümlədən insan hüquq və
azadlıqları ilə bağlı digər beynəlxalq sənədlərdə
təsbit olunmuş insan hüquqları cəm
halındadır, bir-birini tamamlayır.
Ölkəmiz müstəqilliyini
yenidən bərpa etdikdən sonra ilk qoşulduğu
mühüm beynəlxalq sənədlərdən biri də
1992-ci ildə ratifikasiya etdiyimiz Uşaq Hüquqları
Konvensiyasıdır. Bundan sonra, respublikamız bir sıra beynəlxalq
sənədlərə qoşulmaqla, ölkəmizdə uşaq
hüquqlarının müdafiəsi istiqamətində tədbirlər
həyata keçirilmişdir. 1998-ci ildə qəbul
edilmiş Azərbaycan Respublikasının "Uşaq
hüquqları haqqında" qanunu milli qanunvericiliyin bu sahədə
qəbul edilmiş beynəlxalq standartlara
uyğunlaşdırılması yolunda atılmış
addımlardan biridir.
2009-cu il 18 mart tarixində
Azərbaycan Respublikasının Konstitusiyasına əlavə
və dəyişikliklərin edilməsi məqsədilə
keçirilmiş ümumxalq səsverməsi (referendum) nəticəsində
Konstitusiyanın 17-ci maddəsinə valideynləri və ya qəyyumları
olmayan, valideyn qayğısından məhrum olan
uşaqların dövlətin himayəsində olması,
uşaqları onların həyatına,
sağlamlığına və ya mənəviyyatına təhlükə
törədə bilən fəaliyyətə cəlb edilməsinin,
o cümlədən 15 yaşına çatmayan
uşaqların işə götürülməsinin
qadağan edilməsi, uşaq hüquqlarının həyata
keçirilməsinə dövlətin nəzarət etməsi
ilə bağlı mühüm müddəalar daxil
edilmiş-dir. Bu dş ölkəmizdə əhalinin müxtəlif
qruplarından biri kimi uşaqların hüquqlarının
müdafiəsinə və təmininə təminat verir.
Məhz ölkəmizdə
insan hüquq və azadlıqlarının daha səmərəli
təmini istiqamətində həyata keçirilən
islahatların məntiqi ardıcıllığını
davam etdirmək məqsədilə Ombudsmanın da təklifləri
nəzərə altnmaqla qəbul edilmiş, cənab Prezidentin
sərəncamı ilə təsdiq olunan Azərbaycan
Respublikasında insan Hüquqlarının Müdafiəsi
üzrə Milli Fəaliyyət Planı (MFP) son dövrlərdə
insan hüquqları sahəsindəəldə olunan ən
böyük nailiyyətlərdəndir və ölkəmizdə
insan hüquqlannın effektiv müdafiəsi və təbliği
üçün yeni mərhələ açdı.
İnsan
hüquqlarının tərkib hissəsi kimi, uşaq
hüquqlarının tədrisi, uşaqların
hüquqlarmın və onların qanuni maraqlarının
müdafıəsi də fəaliyyətə
başladığımız ilk günlərdən daim diqqət
mərkəzində olan istiqamətlərdəndir.
Müvəkkilin də təklifi
nəzərə alınaraq, Azərbaycan Respublikasının
Prezidenti cənab İlham Əliyevin 22 dekabr 2008-ci il tarixli sərəncamına
əsasən 2009-cu ilin "Uşaq ili" elan edilməsi isə
insan hüquqlarının, onun tərkib hissəsi kimi uşaq
hüquqlarının tədrisi, onlara ünvanlanan, eləcə
də onlarla işləyən şəxslər
üçün müxtəlif hüquqi maarifləndirmə tədbirlərinin
də keçirilməsinin yeni metodologiyasının
formalaşdırılmasına münbit şərait
yaratdı.
Ombudsman təsisatı tərəfindən
"Uşaq ili" çərçivəsində
mühüm tədbirlər həyata keçirildi. Belə ki,
Müvəkkilin təşəbbüsünə əsasən
Təhsil Nazirliyinin dəstəyi ilə Azərbaycan həqiqətlərini
dünya ictimaiyyətinə çatdırmaq məqsədilə
Xocalı faciəsinin ildönümü ərəfəsində
"Biz sülh elçisiyik! Bizə qoşulun!" devizi ilə
ölkəmizin müxtəlif güşələrində
yaşayan və təhsil alan 310.000-dən artıq məktəblinin,
o cümlədən qaçqın və məcburi
köçkün uşäqların imzaları
toplanmışdır. Erməni təcavüzünün
ölkəmizə, xalqımıza, o cümlədən
uşaqların taleyinə təsir göstərmiş
ağır nəticələrini özündə əks etdirən
məktub və toplanmış imzalar Xarici işlər
Nazirliyinin dəstəyi ilə BMT Baş katibinin müavini,
Uşaqlar və silahlı münaqişələr problemi
üzrə xüsu-si nümayəndəsi xanım Radhika
Kumarasvamiyə göndərilmiş və bu təşəbbüs
onun cavab məktubunda yüksək dəyərləndirilmişdir.
Ombudsmanın təklifi nəzərə
alınaraq, Uşaq Hüquqları Konvensiyasının qəbul
olunmasının 20-ci ildönümü günü ölkə
Parlamentində uşaqların özlərinin də bilavasitə
iştirakı ilk dəfə "Uşaq hüquqları"
üzrə sessiya keçirilmiş, uşaqların vəziyyəti
müzakirə olunmuş, bir sıra mühüm təklif və
tövsiyələr verilmişdir.
Eyni zamanda, uşaq
hüquqlarının qorunması məqsədilə Ombudsman təsisatında
24 saat ərzində xidmət göstərən 916 nömrəli
qaynar xətt yaradılmış, bu haqda məlumat aidiyyəti
dövlət qurumları, şəhər və rayon icra
hakimiyyətləri və KİV vasitəsilə geniş
şəkildə yayılmışdır. Bu xidmətin
yaradılması ölkəmizdə uşaq
hüquqlarının daha etibarlı, səmərəli və
təxirə salınmadan müdafiə olunmasına xidmət
edir.
Müvəkkil Azərbaycan
Qadın və Inkişaf Mərkəzinin, Azərbaycan Uşaq
və Gənclərin Sülh Şəbəkəsi-nin
imkanlarından resurs mərkəzi kimi faydalanır, Şəbəkədə
fəaliyyət göstərən Liderlər Məktəbinin
üzvləri ilə mütəmadi görüşlər təşkil
edərək, orada uşaqlara hüquqlarını və
müdafiə üsullarını izah edir, uşaq
hüquqları ilə bağlı aktual mövzularda treninqlər
keçirir.
Bu gün "İnsan
hüquqları"nın müstəqil fənn kimi orta
ümumtəhsil məktəblərində, orta ixtisas və
ali təhsil müəssisələrində tədris
olunmasını məqsədəmüvafiq hesab edərək
mütləq fənlər siyahısına əlavə edilməsini
dəfələrlə müvafiq qurumlara təklif edilmiş və
tədricən həmin ideyaların
reallaşdırılması istiqamətində tədbirlər
görülür.
Bu baxımdan
"Uşaq ili" çərçivəsində Təhsil
Nazirliyi ilə razılaşdırılmış və bu
ilin yanvarından başlayaraq aprel ayına kimi Bakı şəhərinin
üç orta ümumtəhsil məktəbində həyata
keçirilmiş "Uşaq hüquqları ,üzrə pilləli
tədris" layihəsi yaddaqalan oldu və insan
hüquqlarının tədrisi baxımından ən
yaxşı təcrübə kimi qiymətləndirilə bilər.
"Uşaq
hüquqları üzrə pilləli tədris" layihəsi
Azərbaycan Respublikasının İnsan Hüquqları
üzrə Müvəkkili (Ombudsman) və təhsil nazirinin
birgə imzaladığı tədbirlər planı və
müqavilə əsasında pilot olaraq seçilmiş
Bakı şəhər Nəsimi rayonunun 5 nömrəli,
Yasamal rayonunun 31 nömrəli və Nərimanov rayonunun 207
nömrəli məktəblərində reallaşdırılmışdır.
Keçirilmiş tədris
prosesində Təhsil Nazirliyinin müvafiq qurumları, eləcə
də Bakı Dövlət Universitetindən alınmış
rəy əsasında nəşr edilmiş "Uşaq
hüquqları üzrə pilləli tədrislə
bağlı seçilmiş mövzular" və
"Uşaq hüquqları hamı üçün"
ad-lı iki tədris vəsaitindən istifadə olunmuşdur.
Qeyd etməliyəm ki,
layihə gedişində tədris prosesinə 300 nəfər
şagird cəlb olunmuşdu ki, onlar-dan da 204-ü proqramda tam
iştirak edərək hüquqi bilik və bacarıqlara yiyələnmişlər.
"Uşaq
hüquqları üzrə pilləli tədris" layihəsini
uğurla başa vurmuş şagirdlər "Ombudsmanın
elçisi" adını daşıyan döş
nişanı və vəsiqəsi, həmçinin
sertifikatlarla təltif olunmuşlar.
Qeyd olunan tədris layihəsi
uşaq hüquqlarının öyrənilməsi sahəsində
mütərəqqi təcrübə kimi qazanılmış
nailiyyətlərdəndir.
Bu gün bütün
uşaqların normal şəraitdə və sağlam ətraf
mühitdə yaşamaq, təhsil almaq hüquqlarının
reallaşdırılması üçün hər birimiz əlimizdən
gələni əsirgəməməliyik. Bunun
üçün uşağın normal ailəsinin olması əsas
şərtlərdəndir. Ailədə övladın
yaxşı tərbiyəsi isə valideynlərin ümdə
vəzifələrindən olmalıdır. Onlar cəmiyyət
üçün yararlı, sağlam düşüncəli,
sağlam əqidəli, vətənpərvər, bəşəri
dəyərlər əsasında tərbiyə olunan
övladlar yetişdirməlidirlər.
Uşaqlar bizim gələcəyimizdir,
gələcəyimizi nə cür tərbiyə edəcəyiksə,
ölkəmizin, millətimizin, dövlətimizin sabahı
bundan asılı olacaqdır.
Uşaqlar öz
hüquqlarını tanımalı, heç kimin onları təsir
altına salmasına, istismar etməsinə imkan ver-məməlidir.
Bəzən yollarda maşın şüşəsi təmizləyən,
ayaqqabı silən, dəsmal satan, ağır yük
qaldıran, dilənçiliklə məşğul olan
uşaqları görmək çox acınacaqlıdır. Heç
bir valideynin uşağı belə istismar etməyə, təhşildən
ayırıb məcburən bu işlərə vadarötməyə
haqqı yoxdur. Ailədə maddi vəziyyət
aşağı olduqda belə, böyüklər uşağını
bu cür işlərdən uzaq saxlamalıdırlar.
Uşaqlara bütün
sahələrdə göstərilən qayğı bir amala,
bir məqsədə ünvanlanmışdır: cəmiyyət
üçün layiqli, faydalı insan böyütmək!
Bu gün dövlətimizin uşaqlara göstərdiyi diqqət və qayğı da göz qabağındadır. Ölkəmizdə uşaqların sağlam böyümələri, onların hərtərəfli inkişafı üçün ölkə Prezidenti cənab ilham Əliyev tərəfindən mühüm sərəncamlar verilir.
Heydər Əliyev Fondu tərəfindən məktəblərin, uşaq evləri və bağçalarının inşası, onların yenidən müasir tələblərə uyğun şəkildə qurulması, həmçinin digər sahələrdə də görülən işlər, gerçəkləşdirilən layihələr, proqramlar isə özünün uğurlu nəticələri ilə hamıda böyük sevinc və razılıq hissi oyatmışdır.
Bu baxımdan, UNESCO və İSESCO-nun xoşməramlı səfiri, Heydər Əliyev Fondunun prezidenti, millət vəkili Mehriban xanım Əliyevanın təşəbbüsü və təşkilatçılığı ilə həyata keçirilən layihə və proqramlar xüsusi əhəmiyyət kəsb etməklə yanaşı, ölkəmizdə uşaqlara diqqət və qayğının artırılmasına, onların problemlərinin həll edilməsinə yönəldiyindən olduqca əhəmiyyətlidir.
Ölkəmizdə dövlət uşaq siyasətini həyata keçirən Ailə, Qadın və Uşaq Problemləri üzrə Dövlət Ko-mitəsinin də bugünkü fəaliyyəti əhalinin həmin qrupuna aid olanlarının da problemlərinin öyrənilməsi və həll olunması baxımından müsbət nəticələr verməkdədir.
Hər bir xalqın, dövlətin ən böyük və qiymətli sərvəti uşaqlardır. Uşağı sağlam, cəmiyyətə faydalı vətəndaş kimi böyütmək çətin və məsuliyyətli, mənəvi qüvvə tələb edən bir işdir. Planetimizin əhalisinin üçdə birini təşkil edən uşaqlarımızın necə tərbiyə olunmasından, hansı ideyalara qulluq etməsindən hər bir ölkənin gələcəyi asılıdır.
Ombudsman ölkə üzrə hüquqi maarifləndirmə işini genişləndirmək və preventiv üsulların əhalinin diqqətinə çatdırmaq üçün tədbirlərin görülməsini, sülh mədəniyyətinin təbliği, müntəzəm şəkildə xüsusi ehtiyacları olan həssas qruplar, əlil uşaqlar, o cümlədən risk şəraitinə düşən və ya bu şəraitdə yaşayan uşaqların vəziyyətinin araşdırılmasını, uşaq üçün qaynar xəttin yaradılmasını, uşaqlara dair bütün göstəriciləri özündə ehtiva edən statistik məlumat bankının yaradılması, dünya təcrübəsində müsbət qarşılanan "Uşaq dostu şəhərlər" layihəsi üzrə dövlət qurumları və ictimai təşkilatlarla müzakirələrin aparılmasını, "Uşaqların cismani cəzadan müdafiəsi" haqqında qanunun qəbul olunmasını, Uşaqların cinsi istismar və sui-istifadədən müdafiə olunmasına dair Avropa Şurasının Konvensiyasının ölkəmiz tərəfindən ratifikasiya edilməsini, Milli Məclisdə bu sahədə daha yaxşı koordinasiyası üçün ixtisaslaşmış "Ailə, qadın və uşaq məsələləri komitəsi"nin yaradılmasını, zorakılığa məruz qalan uşaqların psixoloji və sosial xidmətin təşkili, reabilitasiyası üçün proqramın hazırlanması, BMT Baş Assambleyası tərəfindən qəbul edilən "Uşaqlar üçün yararlı dünya" Bəyannaməsinə və Avropa Şurası tərəfindən qəbul adilən Uşaqlar üçün yararlı Avropa" Bəyannaməsinə uyğun olaraq "Uşaqlar üçün Yararlı Azərbaycan" adlı uzunmüddətli strateji Proqramın qəbul olunmasını, uşaq QHT-lərinin və onların şəbəkəsinin yaradılmasını və uşaqların hüquqlarının və maraqlarının daha dolğun və etibarlı təmin olunmasına yönəlmiş təkliflər də bu qəbildəndir.
Fəaliyyət dövrü ərzində Ombudsman məhkumların və onların ailə üzvlərinin də çoxsaylı müraciətlərini nəzərə alaraq, "Azərbaycan Respublikasının İnsan Hüquqları üzrə Müvəkkili (Ombudsman) haqqında" Konstitusiya Qanununun müddəalarına uyğun olaraq ölkə Prezidenti yanında Əfv məsələləri Komissiyası qarşısında dəfələrlə vəsatət qaldırmış, nəticədə, yüzlərlə məhkum, o cümlədən bir neçə uşaq da əfv edilmişdir. Ümumilikdə isə uşaqların saxlandığı bütün müəssisələrlə iş Müvəkkilin uşaqlara aid fəaliyyət istiqamətinin tərkib hissəsi kimi daim diqqət mərkəzindədir.
18 lyun - Milli insan
Hüquqları Günüdür. Bu gün bizlər üçün, ümumiyyətlə,
insan hüquqlarının
müdafıəsi ilə
məşğul olan hər bir kəs
üçün olduqca
əziz və önəmli bir gündür.
18 lyun - Milli Insan
Hüquqları Günü
ərəfəsində uşaqlar
naminə və uşaqların iştirakı
ilə bütün dövlət qurumlarını,
ictimai təşkilatları,
icmaları və hər kəsi uşaqlara qayğı ilə yanaşmağa və dəstək verməyə səsləyirəm.
Mayın 18-dən Ölkəmizdə elan olunmuş insan hüquqları aylığı
bunun üçün
bizlərə verilən
bir imkan və fürsətdir.
Gəlin bunu heç zaman unutmayaq ki, uşaqlar
bizim gələcəyimizdir,
hamımız onların
xoş gələcəyinə
çalışaq və
"Uşaqlar üçün
yararlı Azərbaycan"
yaradaq!
Respublika.- 2010.- 1 iyun.-
S. 7.