Uşaq yaradıcılıq mərkəzinin uğurları ürəkaçandır

 

Məktəbdənkənar müəssisə təhsil sisteminin tərkib hissəsidir. Uşaqların, yeniyetmə və gənclərin mənəvi və fiziki inkişafını, onların müxtəlif yaradıcılıq tələbatını təmin edir. UYM-in fəaliyyətinin əsas məqsədi uşaq, yeniyetmə və gənclərin maraq, meyl və bacarıqlarının intellektual səviyyəsi və yaradıcılıq qabiliyyətinin inkişafı üçün əlverişli şərait yaratmaq, onların istirahətlərinin, asudə vaxtlarının səmərəli keçməsini təmin etməkdir.

Bu baxımdan mərkəzimiz özünün fəaliyyət proqramını hazırlayır. Onun nümunəvi nizamnaməsi və əsasnaməsi var.

Uşaq Yaradıcılıq Mərkəzi 1950-ci ildən 2 dərnəklə fəaliyyətə başlayıb. Hazırda 18 adda dərnək, 79 qrup, 1109 şagirdi var. Mərkəzdə fəaliyyət göstərən dəməklərin üzvləri şəhərimizin müxtəlif məktəblərinin şagirdləridir. Dərnək üzvlərinin əsasını 7, 9, 10, 13 saylı, TH liseyi, Şəhər liseyi, 19,16 saylı s. məktəblərin şagirdləri Turizm kollecinin tələbələri təşkil edir.

Tədbirlər planına uyğun olaraq keçirilən tədbirlərdə adları çəkilən məktəblər bizə yaxından köməklik göstərirlər.

Bacarıqlı əllər, dərzilik dərnəklərinin üzvləri keçirilən tədbirlərin xarakterinə uyğun olaraq əl işlərindən ibarət sərgi hazırlayırlar.

Mərkəzimizdə fəaliyyət göstərən bədii keramika incəsənət dərnəklərinə uşaqlar xüsusi həvəslə gəlirlər. Elə tədbirlərimiz yoxdur ki, bu rnəklərin əl işlərindən ibarət sərgi olmasın.

Gənc musiqisevərlər, milli rəqs, bədii qiraət, kukla teatrı, vokal qrupla öz proqramlarını hazırlayır, maraqlı konsertlər təşkil edirlər.

Xüsusi istedada malik uşaqların üzə çıxarılması yönümündə mərkəzdə çox işlər görülür.

Ümumtəhsil məktəbləri arasında müxtəlif nominasiyalarda müsabiqələr keçirilir. Yüksək istedada    malik aqlar seçilərək öz maraqlarına uyğun rnəklərdə yerləşdirilir.

2009-2010-cu tədris ilində UYM-in nailiyyətləri olub. Beləki, Azərbaycan Respublikası Təhsil Nazirliyinin Respublika Texniki Yaradıcılıq Mərkəzinin keçirdiyi "Kiçik yaşlı məktəblilərin əl işlərinə Respubiika baxış müsabiqəsi"nin biçmə, tikmə toxuma işləri nominasiyasında "Bədii tikmə" dərnəyinin üzvü II yerə layiq görülüb, diplom hədiyyə ilə mükafatlandırılıb.

Estetik Tərbiyə üzrə Respublika Tədris-Metodik Mərkəzinin xətti ilə "Çiçəklən, Doğma Azərbaycanım!" devizi altında keçirilən rəsm müsabiqəsində 15 nəfər Təsviri incəsənət dərnəyinin üzvləri I yerin  qalibi  olmuş,  diplomla təltif edilmişlər.

Eyni zamanda şəhərimizin 61 illik yubileyi ilə əlaqədar ŞTŞ-nin keçirdiyi müsabiqələrdə mərkəzin musiqisevərlər, milli rəqs, bədii qiraət, təsviri incəsənət dərnəklərinin üzvləri fəal iştirak etmiş müsabiqələrin qalibi olmuşlar.

Dərs ilinin əvvəlində tədbirlər planına uyğun olaraq müxtəlif tədbirlər keçirilib. O cümlədən 31 dekabr Dünya Azərbaycanlılarının Həmrəylik Günü, "Yeni il" şənliyi, "Novruz"şənliyi, ulu öndərimiz Heydər Əliyevin doğum günü ilə bağlı "Gül bayramı", "Beynəlxalq Mədəniyyət günü", "Beynəlxalq rəqs günü", faşizm üzərində qələbənin 65 illiyi, "28 May Respublika Günü" yüksək səviyyədə keçirilib.

Eyni zamanda xalqımızın "Qan Yaddaşı" olan "Xocalı faciəsi", 20 Yanvar şəhidlərinin xatirəsi "31 mart - Azərbaycanlıların soyqırımı" ilə bağlı xatirə gecələri keçirilib.

Hazırda UYM-in yaradıcılığını əks etdirən "Hesabat" konsertinə hazırlaşırıq.

2010-cu il iyun ayının 22-də Zaqatala rayonunda keçiriləcək "Beynəlxalq musiqi dostluq festivalı" na milli rəqs qrupumuz dəvət alıb.

 

 

Ə.QULİYEVA

 

Respublika.- 2010.- 6 iyun.- S. 4.